صحيت الصبح صليت واستخرت ورجعت نمت تاني صحيت الساعه تسعه نزلت تحت لقيتهم كلهم متجمعين صبحت عليهم وكان اول مره يتلمو مع بعض العرفتو انو ابوهم جاي اجازه اسبوع ولازم كلهم يكونو قاعدين اول مره اتونس معاهم ومع البنات طلعو ظريفين بس منفسنين مرات اتشجعت وسالت من ادهم طوالي اختهم الاسمها رندا عاينت لي نظام بتسالي ليه😏عملت فيها م شفتها ردت لي ايه انو مسافر وم معروف يجي متين يا ربي دا حظ شنو العندي دا الولد وطفش شكلي ح ارجع قبل اتم التلاته شهور وابوي م كان بسالني نهائي عملتي شنو ولا امي لانهم عارفين لو عملت اي شي كنت ح اوريهم فطرت وساعدتهم شويه في المطبخ علي م خلصنا الضهر جا طلعت الغرفه صليت واتصلت ع امي وحكيت ليها بي موضوع مؤمن امي سكتت مسافه كدا وقالت لي استخرتي قلت ليها اي يا امي طيب يا بتي الفيها خير ربنا يسهلا ليك.....
بعدها رسلت لي مؤمن وقلت ليهو مبدئيآ انا موافقه وانا و بعمل حاجه من غير امي تعرف فعشان كدا وريتها وتانيا عشان اكون واضحه معاك انا عايزه اشتغل وعايزه احضر وحاليآ م بفكر في عرس
قال لي م عندي مشكله وانا م بحوجك لي حاجه عشان تشتغلي وبالنسبه للعرس انا زاتي م داير اعرس
قلت ليهو انا م شغاله عشان انت ح تحوجني ولا لا انا شغاله عشان حاجات في نفسي عايزه احققها .....
قال لي خلاص اتفقنا
وبعدها بدينا حبكانيات تقيله 🥳🥰😍
نزلت للغداء وكان راجل خالتي وصل سلمت عليهو ومشيت المطبخ جهزت الغداء مع روزه والعصير والشاي والناس كانت مبسوطه وملمومه وبعدها شاي المغرب والونسه جاااااره وناس داخلين وناس مارقين وبعاينو معاينه غريبه كدا بس م ركزت مع زول فيهم اليوم انتهي ع كدا ومشيت غرفتي صليت ورقدت مسكت تلفوني اتونست مع مؤمن وحكيت ليهو يومي الحصل فيهو شنو ونمت وخليت الخط فاتح
أنت تقرأ
عتمتي المضيئة
Romanceرواية سودانية بقلم ريان العجب اي حاجه بتحصل لينا في الدنيا دي لي خير بس وقتها م بنكون عارفين الخير الوارها شنو اللهم إلا بي موقف معين
