اصبحت الصباح صحيت ايه صلينا مع بعض واتكلمت معاها كتير لمن بقت تبكي وقلت ليها الايام م تطلعي نهائي حتي لو محمد طلب منك اياك تطلعي يا ايه انا م واثقه فيهو نهائي .....
طيب وانتي زاتك ممكن يعمل ليك حاجه لالا م بقدر انا من الشركه للبيت ومعاي بكري ....انتي صحي بكري دا قصتو شنو حاسه بيهو بحبك ...ههههه يحبني شنو لالا بكري دا صديقي شديد وكل اسراري عندو الزول الوحيد البرتاح وانا بحكي ليهو ومتأكدة في اي مشكله اقع فيها بلقاهو هو اي زول يسندني ...عرفتي يا سجم ....سبحان الله ابن الحلال....ياهدا اتصل بكون راجيني تحت م رديت عليهو لاني كنت لسه م جهزت المهم سريع سريع جهزت وطلعت وخالتي ساميه تنادني يا بت الشاي ...لالا يا خالتي متأخرة انا بشرب في المكتب.....طبعا لقيتو صاري زي اخر تسعه😅 صباح الفل ياخ...لا عليك الله ارجعي تاني وتعالي بعد ساعه لسه بدري هههههه لالا ياخ قلت م دايره ااخرك هههههه الله يصبرني عليك عليك 😤
مشينا الشركه وخشينا في مود الشغل وبكري جاتو طلعه بره المكتب جاتني امنيه ورافعه يدينها زي خطرات الاتس ....الله يعدي اليوم.....قلت شنو يا رؤي بتكلم مع روحي .....عايني يا حلوه بكري دا بتاعي ولا تفكري تاخدي مني فاهمه لانك م قدري ولو ختيتك في بالي ح اطفشك من الشركه دي ومن البلد كمان فعشان كدا العبي مع القدرك......
اها خلصتي ولا لسه 😒😒 والله بتاعي دي عجبتني وريني جبتي من ياتو محل عشان اشتري مقاس قدري😂😂😂😂😂 منتهي طبعا ميته بالضحك وبالنسبه لي اني م قدرك فهو واضح تمام وبالنسبه للشركه والشغل اعلا م في خيلك اركبي وانا م بتهدد فاهمه وبكري دا لو اخلي شي عشانو مش الشركه بس....
طبعا هنا خلاص وصلت الحد وهي م عارفه انو انا مخطوبه وبكري دي صديقي بس
لكن بحب المغارز انا😂😂طبعي يخوانا
فجاه اتذكرت الجامعه 😱وانا كان مفروض امشي الليله اتصلت لي بكري م رد فا اطريت امشي براي طلعت واخد تكس ومشيت الجامعه المهم خلصت وعميد الدراسات العليا قال لي انو ناس الدبلوم ديل ح يبدو الاسبوع الجاي بكره تعالي وجيبي ورقك وبنحاول نلحقك ليهم ....
وطلعت راجعه الشركه واقفه في الظلط عايزه مواصلات ولا تكسي م جو سرعه وحسيت انو في زول براقب فيني بس م اتلفت نهائي رجعت اتصلت لي بكري م رد هنا بالجد خفت و قلت بكري دا مستحيل م يرد لي ولا يرجع اكيد محمد عمل فيهو حاجه والحمدلله انو شارع الجامعه كان فيهو ناس كتيرين شديد يعني الزول المراقبني دا ن بقدر يعمل لي حاجه جا بتاع تكسي وقف لي براهو طوالي ركبت وم فكرت ممكن يكون مرسلو محمد واتحرك من غير اقول ليهو ....انت هسه عارف انا ماشه وين وطبعا م برد طيب وقف لي انا نازله وبرضو م برد وامن الابواب في الوقت دا انا م خليت صوره م قريتها واتذكزت الحلم قلت خلاص معناها دي نهايتي يا رب تسترني ....وبقيت بتكلم مع الراجل ماشي بي وين انت وعايز مني شنو والله اتصل للشرطه طوالي وقف ياخ انا لمن جريت نفس بس يا فرحه م تمت قبل علي وشايل سكين جيبي التلفون ده ولا بقتلك وفي اللحظه دي بكري رجع لي فتحت الخط سريع ...بكري الحقني وقبل اسمع منو رد الراجل قفل .....وضحك وكمل سواقه يا ربي تسترني يا رب انا كان مالي ومال ايه والجابني الخرطوم زاتو شنو وبقيت ببكي بطول حسي والراجل ولا هامي وطبعا انا م بعرف كل الأماكن الفي الخرطوم مشي بي حته كدا غريبه ومهجوره ونزلني لقيت محمد وايه معاهو 😳😳😳انتي جيتي هنا ليه انا م قلت ليك م تطلعي ساكته م بترد ....محمد بضحك باستهتار اختك دي غبيه ورب الكعبه غبيه احكي ليها حصل شنو بعد طلعتي محمد اتصل لي وقال لي انو عايز يلاقيني عشان نتفق في حاجات للعرس واداني اختو اتكلمت معاها وقال لي انك جايه برضو وهو ح يجيك في الشركه وشال مني العنوان بتاع الشركه و وريتو انك طالعه الجامعه يعني م فاضيه قال لي برسل ليها السواق يوديها الجامعه ويجيبها لينا وانا وانتي ولينا اختي ننتظرها في مطعم قبل تجي وصدقتي يا هبله صح 😤😤😤
طبعا انا خلاص حسيت ببرود في كل اطرافي وبرجف من الخوف بس بقيت ساكته وبقرا وبدعي ....وين صوتك الليله ولا وين حبيبك م يجي يدافع عنك ....الكنت ناوي اعملو فيك وم قدرت عليهو ح اعملو هسه وبت خالتك ح تنزل البيبي وقدامك وبكري حبييك دا ح اعرف شغلي معاه
بس انا ساكته وبقول حسبي الله لا اله الا هو عليه توكلت وهو رب العرش العظيم....
الناس دي صنو شويه كدا وسمعنا صوت كميه من العربات .....
فلاش باك
وانا طالعه من الجامعه وركبت التكسي بكري كان عرف اني طلعت ومشيت الجامعه وطوالي جا الجامعه وقت وصل شافني انا بركب في التكسي وشاف الزول المراقبني وم اطمن للموضوع وحاول يتصل بس تلفوني م دخل معاهو سريع فاا اتصل لي واحد صحبو في الشرطه وهو بقا لاحق التكسي.....
Back
طبعا محمد اترعب وقت شاف العربات مسكو محمد ومعاهو اتنين اصحابو والبت العملت فيها اختو ايه من الخوف جاها نزيف وقتي وانا من منظر الدم والخوف اغمي علي
محمد وشلتو في القسم
وانا وايه المستشفي ....ايه نزلت البيبي وحالتها كانت كويسه وانا اخدت دربات وصحيت وطبعا بكري عيونو لمن حمر من الغضب بس م اتكلم معاي نهائي قال لي طالما نحن في المستشفي نشوف الالم البجيك ده ومشينا لي اخصائي وعمل لي كشف وطلب مني موجات في مستشفى معين قلت لي بكري الليله انا م قادره خليها لي بكره بقي بصر علي اني وانا رفضت لاني بجد م كنت قادره
طبعا الدكاتره عملو قومه وقعده في موضوع ايه هي متزوجه و وين زوجها وقصص بكري حلا الموضوع بس كيف انا م عارفه وم سالتو وم جاب لي سيره وصلنا البيت ورجع قبل يتحرك قال لي تاني مره قبل تطلعي توريني...قلت ليهو اتصلت عليك .انت م رديت ...تنتظريني لحدي م اجي يا رؤي فاهمه😡 وع الله عيدي التصرف دا تاني ....
م انتظر ارد ليهو طوالي مشي
وانا وايه دخلنا البيت
من دخلنا شافتنا خالتي واااااااااي سجمي مالا أيه😱😱
#يتبع......
أنت تقرأ
عتمتي المضيئة
Romanceرواية سودانية بقلم ريان العجب اي حاجه بتحصل لينا في الدنيا دي لي خير بس وقتها م بنكون عارفين الخير الوارها شنو اللهم إلا بي موقف معين
