عتمتي المضيئة

٩

اول يوم دوام
لبست ونزلت وكنت مزززززه خالتي عاينت لي مساااافه سلمت عليهم وشربت الشاي جا ادهم وبشاغل شايف ناس كدا بقت مززز ....اصلا هم مزز 😒...مالك الليله انتي من الصباح ....م مالي كويسه ....البوري ضرب استأذنت وطلعت سلمت ع السواق وطبعا ساكت وقبل نطلع جا احمد سلم علي وبعاين لي بطريقه م ريحتني نهائي ....م بتسالي مالك انتي اسال من شنو.....مني ...واسال منك ليه....سكت شويه وقال لي معليش طيب ....بس انا ورندا كنا مسافرين وجينا امس بليل ...ايوا حمدالله ع السلامه عن اذنك لاحقه دوامي
ومشيت
وصلت الشركه وطوالي لقيت المدير طالبني ...دقيت الباب ودخلت ...صباح الخير .............م رد طبعا .....ياخ الراجل دا كريه كدا مالو ...طلع نضارتو وعاين لي كدا وقال لي تمام بس في تاخير دقيقتين قلت ليهو اسفه بس زحمه الطريقه ....زحمه الطريق دي تحسبيها في زمنك م زمني مفهموم ....م رديت ليهو برضو م بحب اخد اوامر ضرب تلفون شويه كدا وجات بت عامله زي الآيسكريم منتهي....رؤي ....منتهي دي ح تعلمك الشغل تمام واياك والغلط.....ماف زول م بغلط ....افندم قلتي حاجه ...لالا ابدا ....طبعا منتهي سمعتني وكاتمه الضحكه من طلعنا كدا فكت ضحكتها عاينت ليها وسكت هنا تتعلمي البرود تختي اعصابك في التلاجه وتجي وعلي شنو يختي طوالي بخلي الشغل هو من الله خلقو جا مدير 😏😏يا رؤي نصيحه ليك خليك في حالك
سمح يختي وبدت تعلم فيني الشغل طبعا مسطحه م فاهمه ولا شي ....م تتنشني بكره ح تتعلمي طيب نشوف اخرتها تم اليوم ورجعت البيت لقيتو قايم والناس دي جايطه واصواتهم من الباب تتسمع خشيت البيت كلهم عاينو لي
رفعت حاجبي نظام مستغربه رندا قالت لي هي انتي يا ...... ادهم رندا اياك تفتحي خشمك بي كلمه والا م بحصل ليك طيب.....طوالي سكتت .....ادهم قال لي رؤي كيفك....تمام بس في شنو ورندا كانت عايزه تقول شنو وليه سكتها ....مافي شي بس هم فاهمين غلط وانتي م عندك دخل بي حاجه .....فاهمين غلط شنو ودخل شنو فهموني الموضوع ايه قالت لي رؤي ....امي ورندا قالو انتي بتحبي ادهم وجاريه وراهو عشان مرطب و وضعو كويس وعايزه تلفي راسو وهم م موافقين بيك ......حسيت ادهم دا قرب يتفجر من الغيظ قمت ضحكت كدا وقلت الا اغيظهم
وعملت فيها خجلانه وطلعت ...شفت البت يا ادهم م داير تصدقني رده فعلها دي اكبر دليل ع صدقي ادهم عارف انو بحبو بس استغرب انا ليه عملت كدا م كان عارف اني مرتبطة بس كان حاسي وم سالني ولا انا دخلتو في خصوصياتي
دخلت غرفتي وابتسمت ابتسامه خباثه لاني عارفه رندا عايزه ادهم لي صحبتها وم دايره تطلع م عندها كلمه نظام هي الكل في الكل بالذات في بيتهم بس لو م جرستها ابقي انا م رؤي👿