عتمتي المضيئة

٢

اصبحت الصباح بدري صليت ودعيت اتكلمت مع امي اني ماشه ابدا اجراءات الخدمه يا بتي انتي مش ابوك قال بكلم ليك النور قريبو دا يا امي الكلام دا ليهو اسبوع واخر شي بقي م برد ليهو وانا م بنتظر اي زول تاني يخدمني الله يسهل عليك يا بتي ويسخر ليك عبادو المهم انتهيت حاجاتي ولبست وطلعت ومشيت للمدير العام بتاع المستشفي والحمدلله اتسهلت واداني طلب الحوجه ومشيت بيهو المنسقيه وظبطت كل حاجاتي ونزلت شغل والحمدلله كل حاجاتي ماشه تمام وبقيت بشتغل عطل ومرات ليل لحدي م خلصت خدمه وسافرت وثقت شهادتي وجيت ورجعت تاني لي موضوع القعده في البيت والزهج وفي حاجات كتيره في البيت مفروض تتعمل واخواني صغار وكلهم بقرو واختي الكبيره اتزوجت وخلاص وم فكرت تعمل شي للبيت اخوي الاصغر مني وكان شايل معاي هم البيت اتوفي من انا في اولي جامعه خلاص راسي ح يطق من التفكير يا رب تهديني للطريق الصح يا ربي انا اعمل شنو ولا استعين بي منو وخطرت علي بالي فكره وم ح اتراجع عنها مهما حصل
نشوف رؤي فكرت في شنو وح تعمل شنو