اهل مؤمن اتصلو باركو لي وكل باقي اهلي وفرحو شديد وفي ناس م كان عاجبهم الانا فيهو دا نهائي وم بتمنو يشوفوني إلا وانا زعلانه وم اتبسط نهائي .....بس م كنت مركزه معاهم ...نظام من اشتغل بالناس .....وطوالي نزلت لي خالتي و وريتها اني اتخطبت لي فلان ود ناس فلان حسيت بيها لمن اتخلعت يعني كيف الولد دا يقول دايرك انتي ....غايتو خلق الله ديل الله يكفينا شرهم ...عملت فيها مبسوطة لي شديد لمن بتزغرد وباركت وباقي ناس البيت فرحو لي وادهم قال لي عازمك بالمناسبه دي بكره ح اجيك نهايه اليوم لاني مسافر بليل وم معروف اجي متين ....اتفقنا ع كدا واي زول مشي على اتجاه
مشيت غرفتي وبقيت بتونس مع مؤمن مساااااافه كدا ....
بعدها اتصلت لي منتهي وقالت الاسبوع الجاي جاينا وفد من بريطانيا ودا وفد المتابعة من هناك يعني جاي خصيصا لي قسمنا ومفروض تستعدي للموضوع دا لانو ترتيبات الوفد دا كلها عليك من عربات و حجوزات الفندق وكل التفاصيل طبعا انا خلاص هبطت من الخوف وفد من بريطانيا وانا مسؤولة عنو ياخ انا مسؤوليه نفسي م قادره عليها دي ورطه شنو دي واستعين بمنو ....بس خلاص ادهم ...وجري ع غرفتو و وريتو بالقصه وطبعا اتفلسف لي شديد وانو دا تحدي بالنسبه ليك ولازم تكوني قدرها من غير مساعده خارجيه وشغلي مخك المهم طلعت منو من غير حق ولا باطل رجعت غرفتي بخفي حنين ...انا بعرف شنو هو في البلد عشان اكون مسؤوله من وفد واجنبي كمان .....اتونست مع مؤمن حبيبي😍🙈وشبعت ليهو شكيه طمني حبه واداني كم فكره كدا .....ياخ مؤمني دا ماف زول زيو الله يخليهو لي بس م كنت متوقعه القي زول زيو في حياتو بالجد انا محظوظه بيهو شديد نمت وانا مبسوطه ....صحيت الصباح بي نشاط قشرررررت ومشيت المكتب لقيتهم قاعدين وكل زول في شغلو بعد مسافه عشان ردو لي السلام بكري عاين لي وغمز نظام الليله مزه 😄😄ولد مجنون ياخ ....صريت ليهو وشي بي هظار كدا بعدها جاني في طربيزتي وبدا يوري فيني تفاصيل الوفد الجاي كم نفر والعربات المحتاجنها واسم كم فندق عشان نقدر نحدد منهم واحد للحجز وجدولهم خلال الأيام القاعدنها قمت قلت ليهو ح اتعامل معاهم كيف انا الانجليزي بتاعي م ظابط نهائي ....م تخافي انا معاك ...ياخ لمن قلبي عمل شح😍😍 المهم اتفقنا ع كم تفصيل كدا وطبعا امنيه بتعاين لي والشرر يتطاير من عينيها وانا احب المغارز 🥳🥳 بعدها قال لي ارح للمدير توريهو الخطه دي ونطلع ع الفنادق دي عشان ناكد الحجز ..مشينا للمدير وقعدنا معاهو قريب ساعه م خلا شي م سال منو التقول الوفد دا داير يخطب بتو😅بعدها طلعنا انا و بكري وكان اول مره نكون برانا بقينا نتونس كتير اندمجت معاهو بسرعه كبيره وبقي بحكي لي عن تفاصيل حياتو كلها لمن حسي روحو انفعل كدا قال لي والله ارتحت ليك بس و م عندي اصحاب مقربين لي شديد بعرف كميه من الناس بس ناس وناس وضحك وكدا
ابتمست ليهو كدا و واصلنا مشوارنا شفنا كم فندق واكدنا الحجز بعدها قال لي ارح ناكل انا جعت مشينا مطعم ظريف كدا واكلنا ودردشنا مع بعض كدا عرف اني من وين وقريت شنو يعني تفاصيل بسيطه كدا ورجعنا الشركه ....في الفتره البنجهز فيها للوفد دي كنت مع بكري 24ساعه ولمن ارجع بكون معاهو بالتلفون رتبنا ترتيبات ظابطه شديد ويوم بكره جاي الوفد مشينا نتاكد من كل الحاجات الكلام دا كان بعد نهايه الدوام خلصنا حاجاتنا وقال لي انا عايز اخش السوق اشتري بدله للاستقبال ارح معاي تساعديني في الخيار قلت ليهو م اظني ح افيدك كتير بس بمشي معاك....يا زوله البتختاري بلبسو حتي لو شين كفايه انو من زوقك ....احم احم دا بكش ولا شنو....دا جد والله ...طيب يا عمنا ارح ارح لفينا كتييير وكل مره انا اقول دي م حلوه لمن زهج مني في الاخر قال لي انا فترت ياخ بشيل بس ...انتي م بتتعبي ....قلت ليهو مش قلت م ح افيدك .....امشي امشي يا قصيره الله يهديك .....شايفني بسكر لا سمح الله ...يا بت انتي لسانك دا جايبه من وين ......من تركيا ....طبعا حدر لي بس وم رد ....وانتي م عايزه تشتري حاجه....لالا انا مجهزه لبستي يا عيني يا عيني بكره اظني ح اخلطك.....ولا تحلم ....وانتي لاقيه ابوبكر محمد بحالو يتواضع ويخلطك لالا يا اخوي ولا عايزه القي
وصلني البيت وقال لي بكره م تجي الشركه ح نمشي المطار ع طول وانا ح امر عليك
اتفقنا على كدا
ونشوووووووووف ح يحصل شنو
أنت تقرأ
عتمتي المضيئة
Romanceرواية سودانية بقلم ريان العجب اي حاجه بتحصل لينا في الدنيا دي لي خير بس وقتها م بنكون عارفين الخير الوارها شنو اللهم إلا بي موقف معين
