عتمتي المضيئة

١٥

حفره كبيييييره شديد وم فيها اي اضاءه بكورك بصوت مخنوق م قادره اتحرك بس شفت يدين اتمدت لي وفي يد كانت قريبه شديد وانا بحاول امسك فيها بس شويه شويه بتبعد وفي يد بعيده مني شويه بس انا م حاولت امسك وعايزة امسك القريبه مني بس بعدت مني شديد لحدي م اختفت......😭😭
صحيت مخلوعه شديد بسم اللة الرحمن الرحيم دي تاني مره اشوف الحلم دا خير اللهم اجعلو شويه كدا وسمعت الاذان قمت جهزت للصلاة وصليت وقريت قران شويه وبقيت قاعده بدعي وبحاول افسر في الحلم دا بس م قدرت وخفت شديد وقلت خلاص يمكن زول ايه دا كعب وممكن يعمل لي حاجه انا ح اكلم بكري م بمشي براي....بس الحلم كان عندو قصه اكبر من كدا
قمت من المصلايه جهزت ونزلت تحت شربت الشاي معاهم وكانت ايه بتعاين لي بترجي جيت جمبها وقلت لي ليها م تخافي كل شي بتصلح واي شي جديد يحصل قولي لي واوع تكلميهو انك حكيتي لي خليك عاديه جدا معاهو
طلعت مشيت الشركه وكان عندي شغل كتير حاولت انجز منو كميه كبيره قبل ايه ترسل لي.....
في بريك الفطور كنت مع بكري و وريتو اني عندي مشوار وعايزة معاي بس م يظهر الا لمن اطلب منو احتار فيني طبعا لكن قال لي م عندي مشكله فطرنا ورجعنا المكتب بعد الكلام ده بي ساعه ايه رسلت لي انو محمد حاليا في شقتو كلمت بكري وطلعنا انا ح امشي بي تكسي وانت تعال وراي ....يا رؤي قلقتي بي في شنو ....اصبر يا بكري ح تعرف وح اتصل واخلي الخط فاتح وبحاول  باب الشقه الح ادخلها فاتح لو حسيت في اي حاجه الحقني شقه رقم 23 الطابق الثاني اتفقنا ....اتفقنا
وصلت الشقه وانا قلبي في يدي وفاتحه الخط والتلفون في جيبي .....ضربت الجرس وجا فتح الباب الولد عرفتو لانو ايه ورتني صورتو ابتسم من شافني ابتسامه خباثه اهلا اهلا بالقمر ممكن اعرف جايني قصد😉ولا غلطانه وانا طبعا ماسكه نفسي بالعافيه....لا جاياك قصد وبعرفك من زمان ونفسي اصل ليك بس البت اللافه حولك دي م مدياني طريقه ويدوب قدرت اصلك طبعا بصوت حنين الكلام ده.....
انت م بتدخل ضيوفك ولا شنو .....طبعا الولد مخلوع ع متلخبط ....تتفضلي طوالي انتي دخل هو قدامي وانا رجعت سرعه فتحت الباب وجيت قعدت وهو بعاين لي من فوق لي تحت....بس باين عليك محترمه وما من اياهم....هههههههه يعني ايه محمد م كان باين عليها محترمه دي وحده متخلفه غشيتها بي كلمتين واخدت الدايرو ورميتها .....يعني انا ح تعمل فيني كده برضو يغص عليك .....انتي شكلك ح تبقي معاي للاخر بس تمشي معاي زي م انا عايز ....ههههه انت تامر
طيب ممكن اسالك .....انتي م تطلبي انتي تسالي طوالي....انا عرفت انك اتزوجت ايه عرفي وهي حامل منك  يعني ممكن تمشي بورقتها وبي حملها دا المحكمه وتاخدك مني 😔😔ههههههههههههههه دي بت عبيطه قلت ليك الورقه العندها م ح تعمل ليها شي وبالنسبه للحمل قالت ح تنزلو لاني وعدتها اني ح اتقدم ليها طوالي بعد تعمل العمليه وح تقدم ليها بالجد.....هههههههههه ح اخلع بعد تنزلو وم ح تقدر تثبت علي حاجه ولو قلت ادبها ح افضحها في السوشيال ميديا لانو مصور ليها حاجات كتيره ....خلاص انا هنا فاض بي وطبعا كل الكلام دا مسجل كان ....قمت ع حيلي واديتو كف لمن رجع ورا خطوتين .....انا اخت ايه يا استاذ و غلطتك ح تصلحها غصبا عنك لانو كل كلامك دا مسجل مباشره مع مركز الشرطه ومع اخوي تحت هههههههههههه حركات الافلام دي م علي انا وم وحده زيك بتخوفني وع فكره انتي ح تلحقي اختك لو طلعتي عايشه من هنا .....بكري بكري بكري الحقني خطف مني التلفون واداني كف وبدا يعتدي علي  بكري جا مسكو ونزل فيهو ضرب وقال ليهو ايه دي وراها رجال يودوك ورا الشمس واحسن تجي تصلح غلطتك وشال منو كل الصور والفيديوهات وقال ليهو خلال اسبوع واحد لو م جيت نهايتك ع يدي وتف ليهو في وشو وطلع
طبعا بكري كان منظرو مرعب وهو زعلان وبدا يكورك فيني مجنونه انتي كنتي ح تمشي براك لو حصل ليك حاجه لو قتلك وكان جايط شديد وانا بس ساكته لمن قال لي ردي لمن نطيت وحسيت طبلتي انقدت ومن غير م احس بكيت سكت شويه واعتذر لي ودور العربيه طول الشارع ساكتين
قطعت الصمت وقلت ليهو اسفه انا بس م كنت عايزه زول يعرف ....وانا م اي زول يا رؤي وم محتاج اذكرك
طيب،خلاص م تجوط فيني تاني 🙁🙁طيب اسف يا انا
وصلنا الشركه وكملنا الدوام والسيد بكري اصدر قرار انو يجيبني ويرجعني كل يوم لانو م ضامن محمد ممكن يعمل فيني شنو
وصلني البيت و وقف لحدي م دخلت ولقيت ايه ماشه جايه زي المره الحارقه الوجع
اها في شنو عملتو شنو
محمد اتصل وقال ح يتقدم لي وقفل .....الكلب يستاهل دقيقه نخش الغرفه ....خشينا الغرفه وحكيت ليها كل الحصل ياخ ايه دي بكت لمن اغمي عليها فوقتها وخليتها تنوم معاي
وقلت ليها لازم نقنع ابوك انو يعرس ليك مع رندا ابوي م ح يرضي يا رؤي😭😭 ابوك م بقتنع إلا بي راي ادهم وانا بحاول اقنع ادهم ونشوف البحصل شنو بعداك حسيتها ارتاحت شديد ونامت من غير م تحس جات خالتي ولقتها نايمه معاي ....رؤي...ايه دي مالا الايام دي م عندها شي يا خالتي اتشاكلت مع استاذ ماده و خايفه يشيلها الماده وهي اخر ليها سنه وهي تتشاكل مع الاستاذ ليه يا بت ايه ...خالتي خليها م شكله كبيره سوء فهم بس وايه خايفه وانا معاها ان شاء الله اطمني انتي ....خالتي طلعت تلوي في خشمها وانا م فيني حيل اتكلم بيهو نمت جمب ايه بي ملابسي ....وصحيت مخلوعه من نفس الحلم
بجد انا بديت اخاف من الحلم دا
سمعت تلفوني برن لقيتو مؤمن رديت عليهو واتونست معاهو شويه وقمت استحميت وصليت ونزلت جبت اكل وعصير وصحيت ايه اكلنا مع بعض وصلينا ورجعت لي مؤمن تاني اتكلمنا مسافه كدا وقفلنا
اتصل بكري يطمن على الحاصل وريتو انو اتصل لي ايه وقال ح يتقدم خلال الاسبوع ده

#يتبع......