عتمتي المضيئة

١٤

رجعت البيت وعلاقتي مع ناس  خالتي بقت كويسه شديد خشيت سلمت وطلعت غرفتي غيرت وصليت وجيت نازله جهزت معاهم الغداء وعملت ليهم الشاي وخالتي سالتني من العرس وبرضو قلت ليها ح اعرس بعد الماستر ورندا اتقدم ليها زميلها في الشغل وكان منتظرين ادهم وعمي محمد يجو ويتممو الخطوبه
في بيتنا اخواتي الصغار امتحنو وجابو نتائج حلوه شديد ونعم وبراءه كانو ممتحنين تالت وباقي ليهم شهر من امتحاناتهم قررت اسافر ليهم وقت يبدو وعندي كم حاجه في البيت اعملها ....المهم اتغدينا واتونسنا لحدي المغرب ومشيت صليت وقعدت اقرا حسيت بالالم تاني بس كان خفيف  بعدها اتصل مؤمن وم وريتو بالالم البجيني دا اتونسنا كدا وقال لي انو بدا يجهز في البيت تشطيب والعفش والحاجات دي لحدي انا اخلص الدبلوم العالي بكون جهز ونعمل العرس وبعدها انا ح ارجع وانتي تنزلي ماستر وافقت ع الموضوع وقفلت منو اتصلت لي امي اطمنت عليهم و وريتها كلام مؤمن اتبسطت شديد
بعدها جاتني ايه وكانت بتبكي وحالا يحنن😱😱مالك يا ايه في شنو
انا واقعه فى مصيبه يا رؤي في شنو وقفتي قلبي
كنت بحب لي واحد من قبل سنه وكان جادي معاي شديد وقال لي ح اتقدم ليك بعد تخلصي جامعه هو كان قدامي اتخرج واشتغل وبقي وضعو ممتاز وبقي بزن لي علي نعرس وانا متاكده ابوي م ح يوافق الا انا اتخرج و بعد وريتو قال لي انتي م عايزني ولو كنتي باقيه علي بتقيفي معاي اتكلمت مع امي وم اشتغلت بي لانها اساسا م فاضيه لي ورندا علاقتي بيها م قويه وم قعد احكي ليها ....وبعدين.....طلب مني نتزوج عرفي واخت ابوي قدام الامر الواقع 😔😔شنووووووووو😱عرفي واوع يكون وافقتي .........ايه انا بتكلم معاك ردي ....وافقتي😔😔ايوا وانا متزوجه منو لي شهرين ....😱😱😱😱😱لا حولا ولا قوه الا بالله....استغفر الله العظيم....طيب كملي .....كان متفق معاي انو م يحصل بينا شي بس بقي كل مره يطلب مني امشي ليهو في شقتو بي حجه اني مرتو وبقدر بالمحكمه يجيبني....يا بنت انتي هبله مرتو شنو وجن شنو وانتي صدقتي يعني تهديدو دا .....يعني لمن كنت بلقاك جايه متاخره وخاشه بالدس كنتي بتجي منو😤ليه في وقتها م وريتني ليه م كنت متوقعه يحصل كدا....
يحصل كدا قصدك شنو يحصل شنو .......انطقي يا بت يحصل شنو ....حمل...😓😓😓يا الله وطيب وريتهو صح وطبعا قال ليك انا م مسؤول صح غبيه انتي غبيه ....م قدرت امسك نفسي واديتها كف وبقيت ببكي معاها شويه كدا وهدينا وقلت ليها طيب قال ليك نزيلهو😔😔😔ايوا
وانتي في الشهر الاول صح 😔😔😔ايوا اممممممم
طيب دقيقه بجيك هسه نزلت المطبخ عملت ليها عصير وانا رجولي م شايلاني يا ربي جي مصيبه شنو وانا احلها كيف دي يا ربي تلهمني الصواب
شلت العصير ومشيت ليها شربتو وقلت ليها غسلي وشك ونومي انا ح اتصرف واتعاملي معاهو عادي وقولي ليهو ح انزلو البيبي اتفقنا .....
طيب وانتي ح تعملي شنو عليك الله يا رؤي م تكلمي ادهم وانتي وقت متذكره ادهم م اتذكرتيهو وانتي بتغلطي ليه ها ....امشي يا ايه بحلها براي ولو م قدرت ماف حل غير ادهم عشان تكوني عارفه رسلي لي رقمو واسمو وعنوانو في الواتس و وريني بكون قاعد في شقتو متين طلعت مني وانا خلاص ع اخري راسي حسيتو ح يطق من التفكير قمت صليت ودعيت كتير حاولت انوم م قدرت اتصلت لي مؤمن م برد اتصلت لي بكري رد طوالي وسبحان الله من كلمه الو بس قال لي احكي لي يا انا فيك شنو والمضايقك شنو .....
انت يا بكري بتعرف كيف اني زعلانه او مضايقه ...بحس بيك يا انا😍😍 بحب كلمه يا انا دي وهي زاتها بتحبك يلا قولي في شنو
والله في مصيبه يا بكري بس م ح اقدر احكي ليك بحاول احلها براي ولو م قدرت برجع ليك ...تمام وانا في اي زمن تحتاجيني بتلقين .....م اتحرم منك انا يلا انا مصدعه شديد ح انوم ...طيب....
رؤي دقيقه....اتفضل انتي قصه الالم البجيك دى شنو والله ما عارفه بس حاجه بسيطه بكون شلت حاجه تقيله بالغلط او نمت غلط بس
لالا يا رؤي انا م مطمن ح تمشي الدكتور .....هسه كويسه انا ولو تعبت تاني وعد ح امشي ونمشي مع بعض اتفقنا .....تمام يا انا   تمام يا انا
يلا تصبح ع خير
تلاقي الخير

#يتبع.......