عتمتي المضيئة

٧

صحيت الصبح صليت وفتحت تلفوني ع طول صبحت على مؤمن واتونست معاهو شويه وم نمت تاني صليت لي ركعتين تاني وقعدت ادعي لحدي م الشمس طلعت وبعدها نزلت تحت لقيت ولا زول م صحي ياخ زهجت شديد و وقلت خلاص ح اشيل ورقي واطلع افتش شغل براي رجعت الغرفه ولبست لي عبايه وبدون اي ميك اب طبعا ونزلت لقيت روزه شربت الشاي واكلت حاجه وطلعت طيب انا امشي ع وين واركب مواصلات شنو وتاني ح اجي راجعه كيف البيت😰😰😰يا ربي انا اعمل شنو واقفه قريب نص ساعة وفجأه اسمع ليك صوت بوري وفرمله لمن حكت اللاستك مع الظلط 😱😱😱يا بت انتي عمياء ولا ماشه وانتي نايمه دي عوارض شنو المن الصباح دي ....وانا طبعا لسه مهجومه كنت ح اموت😭😭😭😭 بعدها الولد نزل من شده م طويل لمن برفع راسي وانا بعاين ليه ماشه وين انتي ....😧😧😧كنت عامله كدا ...يا بت ها بتكلم معاك انا طايره وين ....م م م م عارفه ...يا رب تصبرني ع المخلوقه دي طيب بيتكم وين واشرت ع البيت عاين لي ورجع عاين للبيت نظام متاكده انتي ساكنه هنا ولا الشغاله😄😄 طوالي مسكت في شنطتي ورجعت البيت وانا كلي برجف حتي وشو م شفتو زي الناس
واول م دخلت لقيت ادهم في وشي 😳 انت جيت متين مش سافرت وقالو م معروف تجي متين انا بسافر حسب الشغل يا بتنا وانتي جيتي من وين ومالك وشك عامل زي عمي عبدو😂😂 طوالي حدرت ليهو سكت  اها طيب  كنتي وين كنت ماشه افتش شغل هههههههههههه ضحك لمن شرق وانا ساكته بعاين ليهو يا بت انتي بتعرفي شنو عشان تطلعي براك وانا مش قلت ليك ح اشغلك شفقانه مالك .....
م انت سافرت وانا م عارفه ح تجي متين  ومن يوم شفتك تاني م لاقيتك وانا في سباق مع الزمن عندي ميه حاجه في راسي طيب طيب اهدي
انتظري الواطه تصبح زي الناس ونطلع مع بعض  كويس
رجعت غرفتي واتونست مع مؤمن شويه ونزلت تحت لقيت ادهم بفطر اكلت معاهو وقال لي امشي اجهزي عشان نطلع🙄اجهز شنو م لابسه انا هسه انتي جاده يا رؤي ماشه معاي كدا والله بواب م يقبلو بيك😂😂😂😂بس ماشه كدا يا بت الله يهديك امشي غيري واعملي شي في وشك يفرزوك بي من الاولاد المهم بعد نقاش مشيت لبست فستان ظريف كدا وميك اب خفيف ونزلت صاره وشي
قال لي والله اجتهدي شديد ارح ارح
طلعنا وطول الطريق نتونس ونضحك وصلنا مبني بتاع شركه انا م قدرت اشوف اخرو حاجه كدا خرافيه دخل ادهم جوه وسلم وسال من المدير وقالو موجود ونحن اي ماشين اي بت تلاقينا بتعاين بطريقه غريبه و وحدات يشاغلو في ادهم غاظوني شديد ياخ ....وصلنا مكتب المدير وكان عباره عن مسرح م مكتب سلمنا وقعدنا اتكلمو شويه انجليزي كدا وانا كنت زي الاطرش في الزفه بعدها ادهم قال لي جيبي ورقك دا المدير عاين لي بطرف عينو كدا وقلب الورق وقال لي ادهم والله الشهاده والتقدير كويس بس م عندها اي شهاده بتاعه خبره ولا اي كورس في اي مجال وانت عارف الإمكانيات العندنا كيف ادهم قال ليهو ايوا عارف بس ح تفيدك كتير لي قدام وهي مجتهده وشغفوفه للعمل بس اديها فرصه ...المدير رجع عاين لي كدا وسكت مسافه وقال لي تمام ح انزلك فتره تلاته شهور تدريب مكثف وفي كم كورس مفروض تاخديهم بالاضافه لي انك تجيدي الانجليزي تحدث وكتابه انا طبعا فتحت خشمي م صميتو لمن ادهم اتنحنح عشان انتبهت بعدها ادهم قال ليهو تمام وح تنزل متين قال ليهو من بكره ....وعندك ترحيل بوديك ويجيبك الحضور 7صباحا والانصراف 3مساء وم بسامح في التأخير انا ولا اي غلط في الشغل وقال لي ادهم ممكن انت تتكفل بالباقي وع كدا طلعنا
واول م طلعنا قلت لي ادهم الباقي شنو قال لي شكلك لبسك لازم تكوني انيقه يظهر عليك انك بت هسه لاقتك بت فيها غلطه هنا ههههههههههه
لبسي م بغيرو يا ادهم ....يا بت افهمي م قلنا غيري قلنا عدلي شويه بس وانتي ح تشتغلي في اكبر شركه في السودان وعملائها كلهم من الخارج فلازم مظهرك يكون ظابط فهمتي....لويت خشمي وسكت ....وطيب ح يصرفو لي ههههههههههه ياخ والله انتي مسكينه ديل راتب المتدرب عندهم اكبر من راتب موظف حكومي بالدرجة الاولى ههههههههه
ياخ انا فرحت فرح وقلت لي قعدت سنه تدريب م عندي مشكله خلي تلاته شهور😅😅وسرحت في اني اعمل واعمل ....هي انتي سرحتي وين ....لالا م سرحت قاعده ....نرجع البيت .....يا بت انتي م بتزهجي من البيت من جيتي م طلعتي ارح الف بيك البلد وكان يوم من الموت لفينا م خلينا مكان ودخل معاي محل الملابس واشتري لي كميه من اللبسات وانا احلف م بلبسهم وم دايراهم وهو ولا شغال بي الاحذيه والشنط ملابس البيت المكياج العطور وانا احلف م بشيل منهم ولا شي وهو يقول خلاص بعقد عليك وتشيلهم رايك شنو 🙄🙄معاق انت يا ولد ولا شنو عقد شنو كمان
هو انتي صدقتي انا بعرس لي وحده لا مفروزه ولد لا مفروزه بت😂😂😂 ضربه قاتله كانت بعدها مشينا اتغدينا وشبعنا صور رجعنا البيت وانا طبعا نمت في الشارع من التعب بعد وصلنا بقي بعاين فيني مسافه انا حسيت بالهدوء فتحت عيوني لقيتو بعاين لي ومبتسم من صحيت كدا هو اتخلع ....كنت عايز اصحيك .....م شبه التعب ده ....هههه بس بعد تشتغلي مع مؤيد ح تموتي مؤيد منو😕 يا بت انتي خرفتي المدير القابلي قبيل
ايواااااااا
نزلنا ولقينا البيت صااااني لقيت روزه قاعده قبل اسالها جاوبت كلو في اوضه بتاعو😂😂حفظت السؤال
ادهم شاال لي الاكياس ودخلهم غرفتي وطلع
انا انجدعت في السرير شويه وقمت صليت الاوقات كلها تميتهم بالعافيه غايتو وفتحت النت لقيت كميه من الرسائل من مؤمن اول م رسلت جا داخل وين انتي اليوم وم فاتحه النت ليه وووووووو
ياخ دا م وقتك
حكيت ليه الحصل وطبعا م عجبو نهائي وانا م كان فيني حيل احنس ونستو وكسرت ليهو تلج حبه كدا ورضا

نشوف اول يوم شغل كيف والمنتظر رؤي شنو وهل ح تمشي حاجاتها زي م هي عايزه