عتمتي المضيئة

٢٠

مشيت سكن الشركه وشفت الشقه عشان اشوف الناقص فيها شنو واتفقتا مع ناس خالتي م يكلمو ناس امي طوالي لانهم ح يقعدو معاهم اسبوع وبعدها يجو سكن الشركه
بعدها مشيت المكتب وكلمت دوامي ومشيت السوق وشلت الحاجات العايزاها وكان معاي بكري وصلني البيت ورجع
ومن دخلت البيت اتصلت لي مؤمن اتونسنا شويه كدا وقال لي  اها قررتي شنو .....لسه ع راي ....تمام يا رؤي انا حاولت معاك كتييييير شديد واترجيتك وبكيت ليك وكلو م نفع فيك وم فكرتي فيني ولا في مستقبلنا واني منتظر اليوم البكون فيهو مع بعض ....بس انتي قطعتي اي حبل وصل بينا.....وسكت
قصدك شنو يا مؤمن....ح ننفصل يعني 💔 برضو ساكت
هههههههههههه انا عارفه اني م ح اكمل معاك بس م اتوقعت تجي بسرعه كده وعموما انا م.انانيه لي درجه اخليك ترتبط بي وحده م معروف مصيرها شنو وربنا يسعدك بالاحسن وقفلت الخط
قلبي وجعني شديييييييييد💔💔💔 لدرجه اني م قدرت استحمل الالم الطالع منو ورقدت وختيت المخده في وشي وصرخت صرخه مكتومه بس حسيت قلبي بنزف وروحي بتطلع انا وقت عرفت مرضي م اتجرست قدر در ليه يا مؤمن تعمل كدا ليه كان تخليني اموت وبعداك اعمل العايزو اقلاها صورتك م تتشوه قدامي في باقي ايامي دي وافضل شايله ليك الحاجات الحلوه ....انا حبيتك بي كل ذره بتاعه فيني اخر حاجه اتوقعها اني انفصل منك وكمان في ظروف زي دي يعني لو كنت مرتك كان ح تطلقني وبقيت بضحك وببكي في نفس الوقت......
تلفوني برن برن برن وكان نفسي يكون مؤمن بس 💔
ايوا يا بكري....مالك يا رؤي وهي رؤي بقولو مالا انا كل شي فيني مات قبل روحي تطلع انا كل ذره امل انتهت يا بكري انتهت ....بقيت حطام زول بس اقعد احسب ح اموت مني او بالاصح روحي ح تطلع متين ااااااااه
رؤي انا جاييك وقفل الخط
وانا بس ببكي
بكري وصل وجا معاهو احمد في غرفتي وكانت حالتي تحنن الكافر بكري لمن شافني دموعو جرت واحمد جا جاري وقعد جمبي في الارض رؤي مالك تعبانه انتي في شي واجعك ...اي يا احمد واجعني قلبي واجعني شديد لدرجه اني م قادره استحملو يا ريت لو بقدر اشيلو يا ريت لو اموت في اللحظه دي ...في شنو يا رؤي.....مؤمن مالو مؤمن ....خلاني💔 بكري خبط يدو في راسو وبعدها ضرب الباب وقال بكل غضب حيوااااان ود وقتو هسه
عاينت ليهو بانكسار شديد فهم من نظرتي انا عايزه اقول شنو ...رؤي البسي عبايتك وارح معاي م طالعه انا يا بكري رؤي انا م بشاور فيك اطلعي هسه قمت بي كل استسلام بي نفس هيئتي لبست عبايتي وطلعت وخالتي بس بتبكي طلعنا انا وبكري وبقينا لافين بس واخر شي مشينا شارع النيل وركبنا عباره برانا وكانت واقفه بس في طرف النيل سكتنا مسافه طويله وبعدها بكري قال لي رؤي ماف كلام بقدر يبرر الحصل ولا في مواساه بتقدر تخفف عليك ....بس اعرفي انو دا كلو لي خير ليك وربنا كريم وكريم شديد امسك في درب ربنا بس وم بتجيك عوجه وقلبك ده اربطي عليهو بي نزيفو بجي يوم وبطيب وبتقولي كان مر ومره
وانا معاك في قرار يا رؤي معاك بس بكره ناس امك جايين حاولي اتمالكي نفسك قبل م تكلميهم وبعدها انهاري بي كل قوتك  كلام بكري كان زي التلج في النار م طفاها بس خفف من اشتعالا
رجعني البيت وكان ناس ايه ورندا وصلو وقلبوها مناحه والغريبه انو رندا م قادره تسكت وادهم بس بعاين لي بس قريب ساعه عشان سكتو واتونسنا عادي بعدها طلعنا انا وادهم الحوش وبقي بتكلم معاي وبرضو قواني شديد خشيت استحميت وصليت واكلت ونمت ساعتين كدا وصحيت بقيت بصلي وبدعي لحدي الصبح صليت الصبح ونمت م صحيت الا بعد الضهر اول م صحيت فتحت التلفون عايزه ارسل لي مؤمن بس لمن اتذكرت الحصل امس قلبي وجعني 💔 وفتحت النت ع امل القي رساله منو بس 💔
فتحت البروفايل وكان عاملو سواد بس وكاتب في الحاله
اللهم هي وم دونها هين
بكيت بكا وكان نفسي ارسل واتصل ليهو بس اتراجعت وقلت دا اكبر قرار مؤلم صح
قمت ضبطت روحي وحاولت ارسم ضحكه صليت الضهر ونزلت لقيتهم يدوب بفطرو فطرنا مع بعض وادهم مشي الميناء يجيب ناس امي وكان بكري برضو معاهو وام بكري عرفت بي مرضي وجات تكفر لي ومعاها اختو وقعدت اتكلمت معاي في اني اتعالج وبرضو رفضت ...هو البتعالج عشان خلاني ح اعيش ليه تاني 💔 ام بكري قالت لي م تياسي من رحمه ربنا صلي كتير واقري قرآن وادعي ولو قدرتي اقيمي الليل ....الشفاء بيد رب العالمين....بس ادعي لي يا خالتي ....انتي بتي رؤي وم بنساك ان شاء الله
بعدها ناس امي جو داخلين وانا قدرت بعد تعب اكون عاديه واتونس واضحك واهظر لحدي م جا الليل ناس بكري مشو بيتهم وناس امي من التعب نامو وانا كان معاي في الغرفه براءه ونعم نمت شويه وصحيت صليت وقعدت في المصلايه للصبح وكل م اعاين لي اخواتي ببكي احساس انك ح تفارق البتحبهم ده احساس بشع شديد💔💔 تم الاسبوع ومشينا الشقه وابوي م جا مع ناس امي بس قال بجي بعدهم اتصلت لي ابوي وقلت لي جيب معاك رحاب تفرق شويه
اليوم التاني من الصباح لبست وطلعت الشغل ..يا رؤي انا حاسه بيك م كويسه من جيت قلت يمكن تعبانه بس كل يوم ماشه اسوا في شنو يا بتي انا قلبي م مطمن ....مافي يا امي مشكله بسيطه انا ماشه المكتب وبجي احكي ليك وانا جهزت ليكم اي شي ولو في حاجه ناقصه اضربي لي....الله يديك الصحه والعافيه ويطول عمرك يا بتي ......
اللهم آمين يا ست الكل ....كتري من الدعوه دي يا امي  ....
وصلت الشركه وكان كل الناس عرفت وبقو يكفرو لي وبدعو لي بالشفاء  ونظرات الشفقه💔
دخلت مكتبنا لقيتهم قاعدين كلهم وامنيه بتعاين بتشفي بس خلاص اظن احساسي زاتو مات اشتغلت شغلي والمدير طلبني مشيت ليهو واتكلم معاي في موضوع العلاج وحاول يقنعني بس،خلاص انا نفسي مرقت منو نهائي ومتأكدة انو دا بكري القال للمدي. يتكلم معاي
رجعت المكتب وقلت لي بكري انا م قادره اكلم امي قال لي خلاص المساء بنجيكم انا واني
وجا المساء كنت متوتره شديد وخايفه ع امي بكري وخالتو مني جو ضيفتهم واتونسوا كدا وسكتو شويه وبدت خالتو مني تتكلم بالامراض الظهرت دي وانتشرت والزول بس ايمانو يكون قوي وبعدها طوالي بكري قال ليها
خالتي سلمي انا داير اقول ليك حاجه بس حاولي اتمالكي نفسك
في شنو يا ولدي خوفتني
والله يا خالتي رؤي دي عيانه
عيانه ....عيانه عندها شنو والله يا خالتي عندها كانسر
طبعا امي سكتت مسافه كدا وقالت .... اللهم لا اسالك رد القضاء ولكن اسالك اللطف فيه ......
خالتو مني بدت تتكلم معاها وتصبر فيها جات حضتني. بكت شديد طبعا بكري م استحمل طلع طوالي جو اخواتي وعرفو الحصل وقلبوها مناحه وطمنتهم اني ح ابقي كويسه واتونست معاهم وبي هناك بكري وخالتو مني حكو لي امي بالحاصل
يا بتي الله يهديك اتعالجي يا بتي انت سند ابوك انا بعد ارتحت انوم واقوم بي فقدك يمكن تتعالجي يا بتي وترجعي لينا زي م كنتي
يا امي الدكتور قال مرحله متاخره والاعمار بيد الله نحن نعيش يوم الليله ويوم بكره ع الله وانا تعب العلاج دا م بقدر عليه ..وتاني في حاجه انا ومؤمن انفصلنا💔💔 الله كريم يا بتي الله كريم وطوالي امي اتصلت لي ابوي ورحاب وقالو جايين بكره والخبر انتشر
بعد ابوي ورحاب جو عادو نفس الاسطوانه وكانت عندي نفس الردود مرت شهرين ومؤمن خلاص شكلو اتجاوزني وكان داخل رمضان انا بكون كويسه قدام ناس البيت بس انا تعبانه شديد من كل ناحيه بس اكتر شي ماسكه فيهو الصلاه والقرآن
جا رمضان وصمت عادي بس اكلي كان ضعيف وبقيت خلاص زي الجثه وكل يوم في النازل وعلاقتي مع بكري بقت قويه شديد ..انتهي رمضان وتالت يوم في العيد بكري سافر الشماليه لي عرس صحبو ...تاني يوم انا تعبت شديد ودوني المستشفى ووصلت مغمي علي عملو فحوصات وكميه من الحاجات يوم كامل وانا م صحيت بكري عرف اني في المستشفى جا راجع طوالي تاني يوم فتحت وطلعت الفحوصات وطلع عندي ملاريا وتايفويد وباقي الفحوصات م طلعت لسه بتطلع بعد ساعتين ودي كنت حاسه انها اخر ساعتين لي ناديت بكري و وصيتو ع اهلي وع نفسو والناس دي بس كانت بتبكي اي زول بعرفني جا المستشفى وناس شارع الحوادث كلهم المستشفى دي بقت مليانه بي معارفي واهلي
الدكتور جا وطلع الناس كلهم من الغرفه....وجا داخل كم دكتور وستسره والجو بقي مكهرب شديد والنتيجه طلعت ودخلوها للدكتور بعد نص ساعه الدكتور جا طالع وكانت ملامحو م مفهمومه
م تقول لي انها ماتت عليك الله م تقولها انا انا اعيش كيف بعدها انا اشكي لمنو وافرح مع منو واتجنن مع منو والبهديني للصح منو وقعد في الارض وبقي ببكي بي اعلي صوتو مشيتي خليتني ليه كان تتعالجي عشاني عشان حبي ليك عشان اهلك عشان الناس البتحبك ساقتو الممرضه وادتو حقنه مهدئه
والدكتور دخل مع ابوي المكتب وبعدها جو طالعين
رؤي كويسه وم ماتت وماف كانسر في جسمها م عارف ياتو معجزه دي بس كل المضاعفات دي من الملاريا والتايفويد ...
الناس كلها من الفرح بقت بتضحك بتبكي بتزغرد بتحضن بعض
بعد اسبوع الخبر كان انتشر ع نطاق واسع وبقيت كويسه شديد ونزلت جامعتي وناس بيتنا رجعو الحله ..وكل يوم بشغلها لي بكري بالدراما بتاعه المستشفى

خلاصه ......
اي حاجه جايه من ربنا خير وخير دواء لكل داء كتاب الله ...و فيه شفاء لما في الصدور
وم كل زول قريب مننا بقدر يتحمل وجعنا وم كل زول بعيد بقدر بينا ...نختار الناس الصح عشان يكونو معانا وقت نحتاجهم بالجد وم نتخزل فيهم لانو اكعب شي تتخزل في زول انت قافل عليهو شديد

اول قصه اكتبها وبقبل اي نقد وبتمني تنال اعجابكم
Red Rose💚🌹