{ unicode }
" မင်းနှစ်နှစ်ခြိုက်ခြိုက်အိပ်နေတာတွေ့လို့ မနှိုးတော့တာ " မော့ကျင်းရှန်းက အသံတိတ်ရယ်သည်။
ဘေးဘက်မှ အန်တီချန်ဟာလည်း ပန်းပွင့်ဖူးလေး ပွင့်အာသွားသကဲ့သို့ ကျီးနွမ်ရဲ့နှုတ်ခမ်းပါးထက် အပြုံးတစ်ပွင့်ဖြစ်တည်သွားတာကို မြင်၏။သူမ ဘာမှမပြောဘူးဆိုရင်တောင် ဒါဟာ အသံတိတ်ပီတိဖြစ်နေတာပဲ။
" မင်း...မနက်စာရော စားပြီးပြီလား? "
" မပြီးသေးဘူး "
ကျီးနွမ်က ပန်းကန်လုံးထဲက ဆန်ပြုတ်ကို မွှေပြန်၏။
ချက်ချင်းပင် မော့ကျင်းရှန်းအသံက တင်းမာလာသည်။
" အန်တီချန်က မနက်စာပြင်မပေးဘူးလား? "
" လုပ်ပေးတာပေါ့။ ကျွန်မ အခုစားနေတာလေ။ နောက်ကျမှ နိုးလာတာမလို့ တန်းစားရုံပဲ အဆင်သင့်..."
စားချင်သောက်ချင်စိတ်ရှိမနေတာက သူမရဲ့ပြဿနာ။ အန်တီချန်အပြစ်ဖြစ်အောင် လွှဲမချနိုင်ပါဘူး။
" အင်း အဲ့ဆိုလဲ ကောင်းကောင်းစား၊ မနေ့ညကဖြစ်ခဲ့တဲ့ဟာတွေကို အရမ်းလျှောက်တွေးမနေနဲ့ ...နောက်ကျ အဲတာတွေ အကုန် ကိုယ်ဖြေရှင်းလိုက်မယ် "
ဒါဆို သူက သူမ ထမင်းစားပြီးမပြီး လာစစ်တာပေါ့? နောက်ပြီး နှစ်သိမ့်လိုက်သေး?
ချက်ချင်းဆိုသလို ကြောင်ပေါက်လေးတစ်ကောင်ဖြစ်သွားသလို ခံစားလာရ၏။ ဘယ်လိုကြောင်လဲဆို' အူး ´ဆိုအော်ပြီး အမွေးလေးတွေ အပွတ်ခံနေရသည့်အတိုင်း။ အန်တီချန် ဟိုဘက်သွားနေတုန်း အခွင့်အရေးကို အမိအရယူရင်း တိုးတိုးလေးပြောလိုက်သည်။
" ကျွန်မကြောက်တာက တခြားမဟုတ်ဘူး...ဒီသုံးရက်အတွင်းမှာ ကျွန်မရဲ့စားချင်သောက်ချင်စိတ်က ကောင်းမှာမဟုတ်ဘူး။ အဲ့တော့ ရှင်ကျွန်မကို ကောင်းကောင်းစားစေချင်သောက်စေချင်တယ်ဆိုရင် စောစောပြန်လာခဲ့ "
မော့ကျင်းရှန်း : "…"
အဲ့တာဘာသဘောလဲ?? သူ မရှိရင် သူမကကောင်းကောင်းမစားနိုင်ဘူးလား??
အရင်ကတော့ ကျီးနွမ်က သူ့ကိုဆိုအမြဲ ပေ၈၀၀လောက် ခွာနေခိုင်းခဲ့တာမလား။ အခုကျတော့ အရမ်းချွဲပြနေတယ် ။
YOU ARE READING
① Young Master Mo, Are You Done Kissing？
RomanceMyanmar Translation of ❛ Young Master Mo, Are You Done Kissing？❜ Author：青青谁笑 《Qingqing Who Laughs》 Native Title：暖风不及你情深『墨景深VS季暖』 CP. Mo Jingshen VS Ji Nuan ဇာတ်ကောင်များ : မော့ကျင်းရှန်း VS ကျိနွမ် လိနန်ဟန် VS ဖုန်းလင် ချင်စီးထင် VS ရှီနျန့်ကော
