① Young Master Mo, Are You Done Kissing？

( 89 )

{ unicode }

ကျီးနွမ်  အသက်ဝဝမရှူအားသည်မို့...၊တဖြည်းဖြည်းနဲ့ အသက်ရှူကြပ်လာသည်။မော့ကျင်းရှန်း သူမ ကို  လွှတ်ပေးလိုက်သည့်အခါ ...သူ့ပုခုံးပေါ် ကို ချည့်နဲ့စွာ ခေါင်းမှီချလိုက်ပြီး လေကို အမောတကော ရှူရှိုက်၏။

“ ဆက်မလုပ်တော့ဘူးလား...? ”
စိတ်မပါ့တပါ နမ်းပြီး ရပ်သွားပြန်သည့် ကျီးနွမ်ကို မော့ကျင်းရှန်း ငုံ့ကြည့်လိုက်သည်။ ဒီအမျိုးသမီးလေးက ပျော့ခွေနေပြီး လှုပ်ရှားချင်ပုံမရ။  

ကျီးနွမ် မော့ကျင်းရှန်းကို ပြန်မော့ကြည့်လိုက်သည်။ 
"  ​ရှင်ပြောထားတဲ့အတိုင်း တစ်ကြိမ်ပဲနော်!  ”

“ အဟွန်း...မင်းစွမ်းဆောင်ရည်ကိုကြည့်ရဦးမှာပေါ့  ”

“…”

ကျီးနွမ် သူ့မေးဖျားကို ဆက်လက်နမ်းရှုပ်ငုံခဲပေးလိုက်သည်။ ထိုသို့ လုပ်နေရင်းဖြင့် လက်တွေကလည်း သူ့ရှပ်အင်္ကျီက ကြယ်သီးကို ဖြုတ်ပေးသည်။ မော့ကျင်းရှန်းရဲ့ လောင်မြိုက်နေပုံရသည့် ရင်အုပ်ကျယ်ကျယ်ကို ထိကိုင်မိတော့...သူမလက်တွေ အလိုလို လှုပ်ရှားပြေးလွှားကုန်တာကြောင့် ကျီးနွမ် သက်ပြင်းရှိုက်ပြီး ခေါင်းမော့ကာ သူ့နှုတ်ခမ်းပါးတွေကို ထိကပ်ပစ်လိုက်သည်။

—-

ကျီးနွမ် အကြာကြီး မလုပ်ပေးလိုက်ရပါဘူး။ အလေ့အကျင့်မရှိပေမယ့် သူမရဲ့ကြိုးကြိုးစားစားအပြုအမူတွေ​က မော့ကျင်းရှန်းကို ဆက်ထိန်းမထားနိုင်လောက်အောင် ဖြစ်သွားစေသည်ထင်။ သူ...ဆိုဖာပေါ်မှ ကျီးနွမ်ကိုယ်လေးကို ကောက်ပွေ့ပြီး ကျော်ကာလွှားကာဖြင့်  အိပ်ခန်းမဆီသို့ ခေါ်ဆောင်သွားကာ မွေ့ယာပေါ်တွင် ချပေး၏။

ကျီးနွမ်အဝတ်တို့ ဖယ်ရှားခံလိုက်ရသည်။ စကတ်စကို တွန်းတင်လိုက်ပြီးသည်နှင့်  သူ့လက်က သူမဆီ ကျူးကျော်ဝင်ရောက်လာတော့။

ကျီးနွမ် အသံမထွက်အောင်  သူမ အောက်နှုတ်ခမ်းကိုဖိကိုက်ထားလိုက်သည်။ မော့ကျင်းရှန်းက သူမနားသယ်ဖုလေးကို ခပ်ဖွဖွ ကိုက်လာသည်မို့  စိုစိုစွတ်စွတ်အရေပြားပေါ် လေပူတို့ ကျရောက်လာ၏။ ဒီလို အတောမသတ်နိုင်သည့် နမ်းရှုပ်မှုတို့ကြောင့် ကျီးနွမ် နားရွက်မှာ အဖြူမှ ပန်းရောင်၊ ထိုပန်းရောင်မှ အနီရောင် တဖြည်းဖြည်း သန်းလာကာ.. နှုတ်ခမ်းမှလည်း ညည်းသံသဲ့သဲ့ထွက်သွားလေ၏။