Triton Ventura [COMPLETED]

TRITON VENTURA 1

Lei's Point of View

"Good morning kuya, guard!" naka-ngiting bati ko sa guard ng school habang papasok ako sa gate.

"Good morning, hija. Late ka na naman." natatawang saad nito pero binigyan ko lang siya ng isang ngiti at tuluyan na akong pumasok sa loob ng campus.

Lakad-takbo ang ginawa ko dahil late na naman ako sa unang subject ko.

Dahil nasa ikatlong palapag pa ang classroom ko ay kinailangan kong gumamit ng hagdan kaya naman minadali kong tinungo kung nasaan ang hagdan.

"Excuse me, makikiraan." sambit ko habang nakikipagsiksikan sa ibang estudyante sa hallway.

Habang naglalakad ako ay sumisipsip ako sa kape na hawak ko na nakalagay sa isang disposable cup na kinuha ko sa canteen kaninang napadaan ako roon. Hindi kasi ako nakapag-agahan kaya kumuha ako ng kape sa vendo machine.

Nasa hagdan na ako at ihahakbang ko na sana ang aking paa para umakyat ng biglang may tumakbo sa tabi ko at nasagi nito ang kamay kong may hawak na kape kaya naman naibuos ito sa damit ko.

"What the f—" Hindi ko na tuloy iyong sasabihin ko ng isang panyo ang lumanding sa mukha ko.

"Here, use that to dry your blouse." rinig kong saad ng isang lalaki. Siya siguro ang nakabangga sa akin.

Sa inis ko marahas kong tinanggal ang panyo na nasa mukha ko para tingnan sana ang mukha niya pero ang likod na lamang niyang papalayo sa akin ang nakita ko.

"Hindi man lang nag-sorry." irap ko sa kawalan at saka pinunasan ang kulay puti kong blouse na ngayon ay kulay brown na dahil sa kape na natapon.

Napatingin naman ako sa pambisig na orasan ko nang makita kong limang minuto na lang ay matatapos na ang unang subject ko.

"Shit!" sigaw ko at tumakbo papunta sa classroom ko.

Nang makarating ako sa harap ng classroom ko ay bubuksan ko na dapat ang pinto nang biglang niluwa roon si Mrs. Tamani. Ang History teacher namin.

"Good morning, ma'am." bati ko sa kanya.

"There's no good in the morning miss Vizconde. You're late agai!" sigaw nito kaya napatingin ang mga kaklase ko sa amin. Napayuko naman ako.

"Sorry, ma'am."

Naramdaman ko naman siyang napabuntong hininga. "You always say sorry pero lagi mo namang ginagawa. One more late and I will drop you in my class. Naturingan ka pa namang honor student at SSG President ng eskwelahan na 'to pero ganyang pag-uugali ang pinapakita mo. How come that they vote you as their president? You don't know your priorities and responsibilities miss Vizconde. You can't be a role model in our school. If there's a chance to re-elect, I'd rather choose miss Rodriguez to become the SSG President than you."

"Sorry, ma'am" iyon na lang ang nasabi ko bago ito umalis.

Napabuntong hininga naman ako saka ako pumasok sa classroom.

Pagkapasok ko ay agad akong sinalubong ng matalik kong kaibigan ng isang ngiti.

"You're late again, Lei!" natatawang wika nito at saka lumapit sa akin. "nagpuyat ka na naman kasi siguro kagabi no?" tanong nito.

"Oo?" patanong na sagot ko sa kanya.

Binatukan naman niya ako kaya sinamaan ko siya ng tingin.

"Mamaya mabalitaan ko na lang mamatay ka sa kakapuyat mo." umiiling na wika niya.

"Ang OA mo na naman Shania." wika ko sa kanya at saka inilabas ang kwaderno ko sa math kasi meron na si Mr. Mesia, ang teacher namin sa mathematics.