Unicode
Tharn က Type ရဲ့ နက်ခ်တိုင်ကို ပြင်စည်းပေးရင်း ကားပေါ်ကဆင်းတော့မယ့် Type နှုတ်ခမ်းကို နမ်းလိုက်ပါတယ်။ "ရုံးဆင်းရင်တွေ့မယ်နော်"သူ့ကိုရုံးလိုက်ပို့ပေးခံရတာ ပထမဆုံးရက်ပါပဲ။ သူ Tharn ကို ပြုံးရင်း လက်ပြလိုက်တယ်။ နေကာမျက်မှန်နဲ့ Tharn က ပိုလို့တောင် ချောမောခန့်ညားနေပါတယ်။ "နောက်မှ တွေ့မယ်" Type က နှုတ်ဆက်လိုက်ပါတယ်။
-------------------
"ကြိုဆိုပါတယ်‼‼"
HR ခန်းမှာ ရှိတဲ့ ဝန်ထမ်းတွေ အားလုံးက Type ကို နှုတ်ဆက်ကြပါတယ်။ မင်္ဂလာဆောင်တာရယ် ဟန်းနီးမွန်ရယ် ကြောင့် အလုပ်ကနေ ခွင့်ယူထားတာ တစ်လကြာသွားခဲ့ပြီလေ။
Type ကလဲ ထိုင်းလိုအားလုံးကိုလက်အုပ်ချီလို့ နှုတ်ဆက်လိုက်ပါတယ်။ အစကတော့ နဲနဲရှက်နေပေမယ့်လဲ ဟန်ကိုယ်ဖို့ ပြုံးထားနိုင်ပါတယ်လေ။ သူ့လုပ်ဖော်ကိုင်ဖက်တွေက သူ့ကို နွေးနွေးထွေးထွေး ကြိုဆိုကြတော့ သူအရမ်းပျော်နေပါတယ်။
"အကုန်လုံးကို ကျေးဇူးတင်ပါတယ်ဗျ"သူ့ရဲ့ဆုံလည်ခုံမှာ ထိုင်လိုက်ပါတယ်။ ခဏလောက်နေတော့ သူ့ရဲ့အချစ်ဆုံးသူငယ်ချင်း Dos သူ့အနားကိုရောက်လာပြီးတော့ "ဒီတော့ မင်းမှာ အခု ကိုယ်ဝန်ရှိနေပြီပေါ့?"
"ဘောမို့ ကိုယ်ဝန်ပါလား ခွေးကောင်"
Dos ကလဲ သူ့လိုပဲ Gay တစ်ယောက်ပဲ ဒါပေမယ့် သူကတော့ သိုသိုသိပ်သိပ်နေတတ်တဲ့ Single တစ်ယောက်ပါ။ သူ့ရုပ်ရည်က သာမန်ပဲ ပိန်ပိန်နဲ့ ကျစ်ကျစ်လစ်လစ်ရှိသူပေါ့။ သူက ထိုင်း-တရုတ် တစ်ဝက်စီ သွေးပါသူပါ။
သူတို့နှစ်ယောက်က အလုပ်မှာ အရမ်းအတွဲညီတယ်။ သူ့မှာ ချစ်သူရည်းစားရယ်လို့ အတည်တကျမရှိသေးပေမယ့် ခဏတဖြုတ် အပျော်တွဲတဲ့သူတွေမှ အများကြီးပဲ။ သူက ချစ်သူရည်းစားအတည်တကျမထားချင်ဘူးလို့ သူ့ကိုခဏခဏပြောတယ် ဘာလို့ဆို သူက ငှက်တွေလို လွတ်လွတ်လပ်လပ်ပေါ့ပေါ့ပါးပါးနေချင်တယ် ဘာအနှောင်အဖွဲ့မှာ မလိုချင်ဘူးတဲ့။
YOU ARE READING
The unbreakable two (Unicode+Zawgyi)
FanfictionTharn Type တို့နှစ်ယောက်ရဲ့ married life ဒါက original link https://my.w.tt/aOrDjcQtE5 Ongoing fan fiction ပါနော် ကိုယ်ဖတ်ရတာသဘောကျတာမို့ ဘာသာပြန်ကြည့်ထားတာပါ ကျွမ်းကျင်အဆင့်မဟုတ်လို့ လိုအပ်တာတွေရှိရင်လဲ အကြံပေးပါနော် :) Tharn: မင်းရဲ့အချစ်တွေက ငါ...