Unicode
*
ဧည့်ခန်းက သန့်ရှင်းသပ်ရပ်နေပါတယ်။ Tharn တို့စုံတွဲက Gun အိမ်ရောက်နေတာပါ။
Gun က အခုထိ ဆေးရုံမှာပဲရှိပါသေးတယ်။ သူ့ရဲ့ စိတ်ကျန်းမာရေးဆရာဝန်စကားအရဆို Gun ဆေးရုံမှာ ရက်နည်းနည်းထပ်နေဖို့ လိုအပ်လို့နေပါတယ်။
သန့်ရှင်းရေးအမျိုးသမီးက Tharn နားကို ရောက်လာပြီးတော့ ကွဲနေတဲ့ဖုန်းကို လက်လှမ်းပေးလိုက်ပါတယ်။
"ကျေးဇူးပါ" Tharn က ပြောလိုက်ပါတယ်။ အိမ်သန့်ရှင်းပေးတဲ့အတွက် ကျသင့်ငွေကို ပေးလိုက်ပါတယ်။
"ကျေးဇူးတင်ပါတယ်" အမျိုးသမီးက ပြောရင်းနှုတ်ဆက်လို့ သွားပါတယ်။
"ကျေးဇူးပါဗျ'' Tharn ကလဲ လက်အုပ်ချီရင်းပြောလိုက်ပါတယ်။
Tharn က ဆိုဖာပေါ်ထိုင်ချလိုက်ရင်း Gun ရဲ့ဖုန်းကို စစ်နေလိုက်ပါတယ်။
"Type ကိုယ့်ကို နဲနဲကူညီဦး ဒီဟာတွေ ဘယ်လိုပြန်တပ်ရမှန်းတောင် မသိတော့ဘူး"
Type က အနားကပ်သွားလိုက်ပြီးတော့ သူ့ခင်ပွန်းဘေးမှာ ဝင်ထိုင်လိုက်ပါတယ်။ "ငါ့ကိုပေး"
"သူအသစ်ဝယ်သင့်ပြီလို့ ငါတော့ထင်တာပဲ" Tharn က သူ့ဘေးမှာထိုင်ပြီး Iphone ကို ပြန်လုပ်နေတဲ့ Type ကို ထိုင်ကြည့်နေလိုက်ပါတယ်။
"အားသွင်းကြိုးကဘယ်မှာလဲ?" Type ကမေးလိုက်ပါတယ်။
"အခုနေ အားသွင်းတာ စိတ်ချရပါ့မလား?" Tharn က စိုးရိမ်တကြီးနဲ့မေးလိုက်ပါတယ်။
"ဒါဆို မင်းသွင်းမလား?" Type က ဖုန်းကို သူ့ဆီလှမ်းပေးလိုက်ပါတယ်။
Tharn က ပြုံးလိုက်ပြီးတော့ "ဆိုတော့ မင်းက ကိုယ့်ကို ဓါတ်လိုက်စေချင်တယ်ပေါ့ ဟုတ်လား ဘေဘီ?"
"ရူးနေလား.... မင်းဘေးမှာ ပလက်ပေါက်ရှိလို့ကွ" Type ကပြောလိုက်ပါတယ်။
"တကယ်လို့ ပေါက်ကွဲသွားရင်ဘယ်လိုလုပ်မလဲ?" Tharn တကယ်ကြီး စိတ်ပူနေတာပါ။ "ဒီဖုန်းကို ကြည့်ဦး.... ကောင်းရောကောင်းသေးလို့လားကွာ?"
Type က ဖုန်းကို ယူလိုက်ပြီးတော့ "မင်းက မိန်းကလေးကျနေတာပဲကွာ" သူ တီးတိုးပြောလိုက်ပါတယ် "လူကောင်ကြီးက ကြီးသလောက် သတ္တိကဖြင့် ပဲစေ့လောက်တောင် မရှိဘူး"
YOU ARE READING
The unbreakable two (Unicode+Zawgyi)
FanfictionTharn Type တို့နှစ်ယောက်ရဲ့ married life ဒါက original link https://my.w.tt/aOrDjcQtE5 Ongoing fan fiction ပါနော် ကိုယ်ဖတ်ရတာသဘောကျတာမို့ ဘာသာပြန်ကြည့်ထားတာပါ ကျွမ်းကျင်အဆင့်မဟုတ်လို့ လိုအပ်တာတွေရှိရင်လဲ အကြံပေးပါနော် :) Tharn: မင်းရဲ့အချစ်တွေက ငါ...