Unicode
*
တကယ်လို့ ဒါကသာ ရုပ်ရှင်ထဲက အခန်းတစ်ခုဆိုပါစို့ ဘာနဲ့တူနေလဲဆို ကားပြိုင်ကြတဲ့အခန်းပေါ့။ တကယ်လို့ ဒါကသာ ရသစုံတီဗီအစီအစဉ်တစ်ခုဆို 'The Amazing Race' ဆိုတဲ့ အစီအစဉ်နဲ့ တူနေပါတယ်။
နေသာတဲ့စနေနေ့မှာ Tong နဲ့ Bob တို့ Rome ကို သွားရှာကြတော့မှာပါ။
Tong က Bob ကားကို မောင်းလာပြီးတော့ သူတို့နောက်မှာ ကားနှစ်စီးရှိလို့ နေပါတယ်။ သူများကားတွေထက် ခပ်စောစော ရောက်ဖို့ လိုတယ်မလား။
တကယ်က သူတို့ကျော်လာတဲ့ကားက Tharn နဲ့ Type တို့ကားပါ။ Tharn က ကားမောင်းလို့ပေါ့။ Rome ကို သွားရှာတဲ့ သူတို့ရဲ့ မဟာလျို့ဝှက်ချက်ကြီးကို Tong က Tharn ဆီ ညကတည်းက စာပို့လို့ ပြောထားတာပါ။ သူ့စာ Tharn ဖုန်းစခရင်မှာ ပေါ်လာလာချင်း သူတို့နှစ်ယောက် အထိတ်ထိတ် အလန့်လန့်တွေဖြစ်ကုန်ကြပါတယ်။
နောက် တတိယမြောက်ကားက Gun မောင်းလာတဲ့ကားပါ။ သူ အိမ်ကိုပြန်ရောက်ရောက်ချင်း သူတို့ဧည့်ခန်းအလယ်တည့်တည့်မှာ ဖုန်းအသစ်တစ်လုံးရောက်နေပြီးတော့ အနားမှာလဲ မှတ်စုစာရွက်တစ်ရွက်ပါ ရှိနေတာပါ။ အဲ့ဒီစာက လွန်ခဲ့တဲ့ တစ်ပတ်ကျော်လောက်က ရေးထားတဲ့စာပါ။ စာထဲမှာ Rome ဘယ်နေရာမှာ ရှိနေလဲဆိုတာကို ဖော်ပြထားတာပါ။ ပြီးတော့ အဲ့စာထဲမှာ "Gun မင်းဖုန်း simcard ကနေ Rome ဘယ်မှာရှိနေတယ်ဆိုတာ ငါတို့ ရှာတွေ့ပြီ မင်းဖုန်းကို ပြင်မရတာနဲ့ ဖုန်းအသစ်တစ်လုံး ဝယ်ပေးထားတယ်နော်... မင်း ဒီစာကိုဖတ်နေပြီဆိုရင် မင်း ကုသမှုခံယူတာ ပြီးသွားပြီး အိမ်ပြန်ရောက်ပြီလို့ထင်တယ်"
စတုတ္ထမြောက်နဲ့ နောက်ဆုံးကားကို Earth က မောင်းလာတာပါ။ သူနဲ့အတူ Dos လဲ ပါတာပေါ့။ လွန်ခဲ့တဲ့ နာရီအနည်းငယ်က Type က Dos ကိုဖုန်းခေါ်လိုက်ပြီးတော့ Rome နဲ့ Gun တို့အတွဲကို Bob နဲ့ Tong တို့ မဟာအစီအစဉ်ကြီးကနေ ကယ်တင်မယ့်အကြောင်းကို ပြောလိုက်ပါတယ်။ ချက်ချင်းပဲ သူတို့လဲ အလုပ်ကနေ ထွက်လာပြီးတော့ သူတို့တွေနောက်ကို အပြေးလိုက်လာပါတော့တယ်။
"Earth ငါ ဒီလအတွက် ဝန်ထမ်းကောင်းဆုရချင်တာနော်? ဒီကိစ္စကြောင့် ငါ့အလုပ်မှာ ပျက်ကွက်တာ လစ်ဟင်းတာတွေမဖြစ်ချင်ဘူး" Dos က Earth ကို ဘေးကနေ နားပူဆာပူလုပ်နေတာပါ။
YOU ARE READING
The unbreakable two (Unicode+Zawgyi)
FanfictionTharn Type တို့နှစ်ယောက်ရဲ့ married life ဒါက original link https://my.w.tt/aOrDjcQtE5 Ongoing fan fiction ပါနော် ကိုယ်ဖတ်ရတာသဘောကျတာမို့ ဘာသာပြန်ကြည့်ထားတာပါ ကျွမ်းကျင်အဆင့်မဟုတ်လို့ လိုအပ်တာတွေရှိရင်လဲ အကြံပေးပါနော် :) Tharn: မင်းရဲ့အချစ်တွေက ငါ...