Unicode
*
Tee နဲ့ သူ့သားလေး ဘန်ကောက်ကားကွင်းကိုရောက်တော့ ညနေ ၄ နာရီထိုးလို့နေပါပြီ။
Tharn ဖုန်းမြည်လာပါတယ်။ Tee ဆက်တာပါ။
"ဟဲလို P Tharn" Tee စိတ်လှုပ်ရှားနေပြီး အသံက တိုးနေပါတယ်။
"ဟဲလို Tee!" Tharn က သူ့အသံကို ချက်ချင်းကျက်မိသွားပြီးတော့ "အခုဘယ်မှာလဲ? ဘန်ကောက်ကိုရောက်ပြီလား?"
"ဟုတ်...." Tee အသံက တိုးတိုးလျလျ။ သူ့သား Boom ကတော့ သူ့ပေါင်ပေါ်မှာ အိပ်ပျော်လို့။
"ငါလာပြီနော်! ငါ့ကိုစောင့်နေနော်။ မကြာပါဘူး" Tharn ကပြောပြောဆိုဆိုနဲ့ သူ့ပစ္စည်းတွေကို သိမ်းဖို့ပြင်ပါတယ်။
သူထိုင်ခုံကနေ ထရပ်လိုက်တော့ Tong က သူ့အနားရောက်လာပါတယ် "မင်း ဘာတွေ အလောတကြီးဖြစ်နေတာတုန်း?"
"ငါ အိမ်ပြန်ဖို့ စိတ်လှုပ်ရှားနေတာ" Tharn ကဖြေပြီးပြီးချင်းထွက်သွားတော့ Tong သူ့ခေါင်းကိုကုတ်ရင်း ကျန်ခဲ့ပါတယ်။
"ဟေ့ကောင် နေဦး! ငါမေးစရာရှိ....." Tharn က သူပြောတာကို ဆုံးအောင်တောင် နားမထောင်ပါဘူး။
Tong လဲ သူ့စားပွဲသူ ပြန်လာပြီးတော့ အိမ်ပြန်ဖို့ သိမ်းစရာရှိတာတွေ သိမ်းနေပါတော့တယ်။
-----------------
"Type အချစ် ကိုယ်အခု သူတို့ကို သွားကြိုနေပြီနော်" Tharn ဖုန်းထဲကပဲ အကြောင်းကြားလိုက်ပါတယ်။ သူအခုကားမောင်းနေပါပြီ။ သူက အလုပ်အရင်ဆင်းတာမို့ Tee နဲ့ Boom ကို ကြိုဖို့ သူသွားနေတာပါ။
"ငါ သူတို့ကိုတွေ့ဖို့ အရမ်းစိတ်လှုပ်ရှားနေပြီ။ ကားသေချာမောင်းဦးနော်" Type ကတော့ သူ့အပျော်တွေ ဖုံးမရ ဖိမရဖြစ်လို့နေပါပြီ။ သူက အခုထိ ရုံးမှာပဲရှိနေသေးတာပါ။ သူလဲ 4 နာရီခွဲ ဒေါင် ဆိုတာနဲ့ ရုံးဆင်းမှာပါ။
"အိုကေ ခဏနေ တွေ့မယ်နော်"
"အိုကေ ဟန်နီ ပြီးမှတွေ့မယ်"
------------------------
ကားကွင်းထဲက ဆိုက်ရောက်ကိုရောက်တော့ မနီးမဝေးမှာ Tee နဲ့ Boom ကို Tharn လှမ်းမြင်နေရပါပြီ။ ကလေးကတော့ ခုထိအိပ်နေဆဲပါ။ Tee က ကလေးနဖူးလေးကို အသာအယာထိနေပါတယ်။ Tee ရဲ့ အဝတ်အစားတွေက နွမ်းနွမ်းဖတ်ဖတ်နဲ့ပါ။ သူ့ကြည့်လိုက်တာနဲ့ ဆင်းရဲတယ်ဆိုတာ တန်းသိသာနေပါတယ်။ သူ့အဝတ်အစားတွေကြောင့် Boom ရဲ့အဖေနဲ့ ဘယ်လိုမှ မတူပါဘူး။ ဒါ့အပြင် ဟိုတလောကမှ Tharn နဲ့ Type ဝယ်ပေးခဲ့တဲ့ အဝတ်အစားအသစ်တွေ Boom ကို ဝတ်ပေးထားတော့ သားအဖဆိုတာဘယ်လိုမှ မတူဘူးဖြစ်နေပါတယ်။
KAMU SEDANG MEMBACA
The unbreakable two (Unicode+Zawgyi)
Fiksi PenggemarTharn Type တို့နှစ်ယောက်ရဲ့ married life ဒါက original link https://my.w.tt/aOrDjcQtE5 Ongoing fan fiction ပါနော် ကိုယ်ဖတ်ရတာသဘောကျတာမို့ ဘာသာပြန်ကြည့်ထားတာပါ ကျွမ်းကျင်အဆင့်မဟုတ်လို့ လိုအပ်တာတွေရှိရင်လဲ အကြံပေးပါနော် :) Tharn: မင်းရဲ့အချစ်တွေက ငါ...
