A ponte (galego)
__________________________________Un bosque en penumbra, apenas a luz é capaz de atravesar as follas das árbores.
Ao lonxe unha muller, a paso apresurado, entra nel. A súa respiración axitada é o único que enche o inmenso silencio.
Escapa de algo, pero de que? Ninguén máis que ela perturba o lugar. Nin sequera se pode oír a ningún animal.
Segue correndo, sen deterse, ata que chega a unha ponte iluminada, que permite cruzar un fermoso río. Parece irreal, mesmo belas flores azuis a decoran.
A luz da ponte convídalle a cruzalo, acompañada esta dunha brisa que chega ata a entrada, non sen antes removerlle o cabelo e desprender das árbores follas negras como a noite.
Vese que a muller dubida se debe cruzar ou non, a súa mirada diríxese cara atrás, algo a volve asustar e decide non deterse por máis tempo.
Párase antes de cruzalo, respira fondo e dá o primeiro paso, desaparecendo no acto.
Un forte vento comeza a azoutar a zona, miles de follas negras, máis escuras que as anteriores, dispérsanse polo lugar.
Un rumoreo e unha arrepiante risa quedan no aire: "ao final cruzou".
- E.B.
ESTÁS LEYENDO
🌻; Historias Curtas
Cerita PendekBenvid@/ Bienvenid@ :) Aquí encontrarás historias curtas fantásticas, cotiás e dramas/ historias cortas fantásticas, cotidianas y dramas @EverythingBegin 🚫: No copias ni adaptaciones