عقد قران .. بقلم Doctorita

الخامس

خرجت من غرفتها بحجابها وفستانها الفضفاض.. فهو مازال خطيبها.. ليس من حقه اكثر من ذلك

عندما خرجت كان موعد انتهاء الماتش.. وفوز فريقهما اللذان يشجعانه

كان هو اول من لمحها اتية...
فتحدث بلطافة
-وشك حلو يا أستاذة ريحانة والله فزنا

جلست بجانب والدها
-كويس.. انكوا فزتوا.. شايف يا بابا
قالت جملتها الاخيرة بعتاب تنظر لوالدها وهي تشير لمنيب

ابتسم وفيق لمنيب يغمز له ..
-والله يا حبيبة ابوكي.. الاستاذ ده سايبك تذاكري.. واعد يسمع الماتش.. ولا على باله
دخلت ريحانة في حضنه متحدثة بنبرة مقهورة مصطنعة
-شفت يا بابا

هنا اخيرا تحدث منيب
-لأ.. كده حلو. على فكرة كنت بتفرج معاك يا عمي.. وبعدين دا انا جي اشوف لو محتاجة اي حاجة اشرحهالك

خرجت من حضن والدها بعيون متسعة
-بجد

سرح هو في ملامحها المنبهرة.. وعيونها الواسعة.. وجمالها.. واخلاقها.. واسلوبها الذي اقر انه خطف قلبه
واحبها..

افاق تلقائيا...
-احمم.. ايوة بجد.. تعالي.. اسألي الي انتي عيزاه

تحدث وفيق وهو يقوم ليجلس بعيدا في مكانه السابق عندما جاء منيب لحادث ريحانة في أول زيارة.. بحيث يراهم.. وترك لهم خصوصية الحديث
-طب هقوم انا اعد هناك... انا وامولة.. هنسمع برنامجنا الاذاعي بقى.. لو احتجتوا حاجة شاوروا بس

-منيب : تسلم يا عمي

ها هما الان جالسين.. هي علي كرسي منفصل.. وهو في الطرف القريب من الاريكة
كانت قد جاءت بمذكراتها لتسأله... ويشرح لها بعض الجزئيات

-منيب : طب لما انتي فهماها.. بتسألي ليه

أجابت بمشاكسة اعتاد عليها مؤخرا
-زيادة تأكيد يعني.. وبعدين هو انت وراك حاجة يا منيب

منيب : تؤ.. ورايا انتي بس
قالها وهو يحدق في عينيها
خجلت وارتسمت الحمرة تلقائيا على وجنتيها..
واخفضت بصرها

اجلى منيب صوته
-ماتتكسفيش كده بسرعة يا حبيبتي.. قصدي يا روني

رفعت عينيها سريعا تنظر له..
فأسرع منيب
-بصي هي كلمة واتقالت.. خلاص مش هكررها.. بس هقول يا روني.. اتفقنا
والحق كلامه ببسمة خطفت قلبها

اماءت.. لا تعلم بماذا ترد... لكنها وافقت.. فجزء داخلها يريد سماع تلك الكلمة مجددا.. قلب الانثى.. لكن كلمات والدتها منذ قليل تصدع داخلها..

فتحدثت بخجل
-منيب.. على فكرة انا عايزة اسمع كلام حلو

نظر لها منيب منتظرا تكملة حديثها فهي لن توقف حديثها لهنا فقط
-بس ماينفعش دلوقتي.. ماما لسه محذراني لما لقيتني  ميالة لكده... قالتلي احسبي ان كل كلمة دلوقتي بخناقة بعد الجواز.. وكل لمسة مش من حقنا ببعد بعد الجواز.. وانا بخاف من ربنا جدا