عقد قران .. بقلم Doctorita

الثامن

وصل امير ومنيب.. وتركوا ريحانة في السيارة.. فهم لا يعرفون كيف الحال بالاعلى...
وكان امير ابلغ بهذه الحالة.. وامر بان تأتي قوة معهم طبيب نسا وتوليد... ويا للدقة وصلت القوة في نفس وقت وصول امير ومنيب.. وصعدوا معا تجاه شقتهم...

كان الباب مغلق... وفي اللحظة التي اقترب ياسر من منار لقتلها... صدح صوت جرس المنزل.. وطرق الباب بشده....
فتح اخو ياسر الباب.. ودخلت القوة معهم امير ومنيب والطبيب..

وكان الحال هكذا
تتكور منار علي الاريكة ببكاء وضعف.. بينما يقف بجانبها ياسر حيث كان يستعد لما يريد فعله بها... وامامهم يقف والدي ياسر ومنار.. وعند الباب يقف اخو ياسر... الذي قام بفتح الباب... وقوة الشرطة تحيط بهم.. وامير منيب يقفون ..

نظر امير بكره لياسر.. وهو بنظر لتلك المتكورة على الاريكة بضعف... وهو برى شكلها الذي يرثى له والاسدال الذي ترتديه.. وشعرها المشعث...
منيب يحمد ربه انه ابقى ريحانة بالاسفل خير من ان ترى هذا المنظر

بينما كلهم مضطربون.. فمن ابلغ الشرطة

اقترب امير من منار.. رادفا بهدوء
-أستاذة منار... استاذة منار... انا الظابط امير.. معايا قوة من القسم.. ممكن تقومي معايا..
ازداد بكاؤها...
بينما هجم ياسر بهمجية عليها
-تروح فين.. دي هتتقتل انهردا. دي فاجرة

ازاحه امير قبل ان يصل اليها... رادفا من بين اسنانه
-ممكن تهدى... استاذة منار مقدمة بلاغ بمحاولة قتل.. ابعد احسن

اقتربت والدة ياسر هذه المرة رادفة بغل.. بصوت عالي وانفعال شديد
-مقدمة بلاغ... الوا.... الي ماشافتش تربية.. دي واحدة فاجرة يا باشا... احنا الي عايزين نقدم بلاغ.. انها كدابة.. ومش بكر.. وواحدة شمال...

تدخلت والدة منار بخوف تتحدث مسرعة
-لا.. لا.. بلاغ ايه.. مافيش بلاغات يا باشا... دي.. دي مشكلة عائلية.. وهتتحل

-والدة ياسر : لا.. احنا بقا مصممين نقدم بلاغ.. دي واحدة ماتربتش.. وماشية علي حل شعرها.. وماطلعتش بنت

اقتربت والدة منار تربت على كتف والدة ياسو
-. لا.. لا.. الله يخليكي.. بلاش فضايح.. وبعدين البنت متربية.. ومتطهرة.. استحالة تعمل حاجة زي دي.. استحالة.. بلاش فضايح والنبي

امير بغضب موجها حديثه لوالدة منار
-انتي مجنونة يا ست انتي.. ايه دخل دا بده.. بنتك مقدمة بلاغ بتقول هيقتلوها.. ودا بس الي في دماغك

اومأت برأسها عدة مرات
-ايوة... امال احنا بنطهرهم وهم صغيرين ليه.. ه. علشان مايمشوش علي حل شعرهم لما يكبروا.. ايوة.. بلاش فضايح.. احنا هنحل الموضوع

-امير بغضب: بس يا ست انتي بلاش جهل.. انتوا مجانين.. احنا في مدينة.. والمفروض متعلمين..

ثم اقترب من منار محاولا ضبط اعصابه
-استاذة منار.. فوقي بس كده.. قومي ادخلي اي اوضة علشان الدكتور يكشف عليكي بس وهنعرف نتصرف