عقد قران .. بقلم Doctorita

السادس عشر

مر شهر على تلك الكارثة... بالطبع فالموت كارثة في حياة من يهتم.. من لا ينسى.. بالطبع نوحد الله... بالطبع الموت حق.. لكن الفقد والاشتياق هو المشكلة...
فمن اللحظة الاولى علمت ريحانة انهم رحلوا.. ايقنت.. وآمنت ووحدت.. لكن يظل هناك ذلك الجزء الصغير بداخلها يحاول الرفض.. يحاول البحث عنهم... يحاول اللجوء اليهم.... تشتاق.. تشتاق وتشعر بنخر روحها.. روحها فارغة.. بالرغم من وجود داليا ورضا.. ومنيب وكذلك امير وروزا التي تأتي مع داليا.. وسامر بحسه الفكاهي... ولكن.. هي تبحث عنهم فقط.. لاتريد غيرهم..

فذلك الشعور لا يستبدل.. الام والاب شعور لا نجده بعدهم الا بمنتهى الصعوبة.. خاصة ان كان الوالدين مثال للحنان والتفهم... لايوجد بعدهم

الان تجلس داخل شرفة شقتها.. جالسة بجسدها.. لكن روحها تحلق بعيدا... تنظر الي السماء تناجي ربها.. وتناجيهم

بينما بالخارج داليا كانت ترتب المطبخ.. ومعها روزا.. وبالصالة يجلس منيب وامير ورضا وسامر...

تجلس روزا علي رخامة المطبخ.. تتابع داليا وهي تنطم مطبخ ريحانة

فهي لابد من ان تساند صديقتها في محنتها.. ولكن خطيبها في نفس البيت.. لذا يجب ان تكون روزا معها في كل وقت.. لاخلوة يجب ان تجمع امير بداليا

روزا وهي تتاول قطعة حلواها.. تسأل داليا
-دودي.. هو جدو وفيق.. ونانا امال.. كده خلاص مش هنشوفهم تاني.. هم سابونا

اقتربت داليا منها تنظف فمها من بواقي قطعة الحلوي.. تحدثها بهدوء وحنان
-.. هم راحوا عند ربنا يا روزا.. ربنا بيخلقنا وبيحدد امتى ياخدنا تاني.. وربنا قرر ياخد جدو ونانا.. بس هم ماسابوناش.. طول ماهتفتكريهم.. وتدعي لهم بالرحمة يبقوا مش هيسيبونا..
ثم ربتت علي وجنتها بحنان
-ممكن يا ست روزا ماتتكلميش عن جدو ونانا أدام ريحانة.. علشان هي تعبانة وزعلانة

تساءلت روزا
-ليه.. مش هم باباها ومامتها

ابتسمت داليا بصبر
-بس هم راحوا عند ربنا.. وهي مش هتشوفهم تاني.. فهي زعلانة.. ولو اتكلمتي عنهم هي هتزعل.. انتي عايزة تزعليها

روزا بطفولية
-تؤ..

قبلت داليا جبينها..
-طيب وكمان ممكن تقولي لها ريحانة... ماتقوليش روني.. اتفقنا

وقفت روزا علي  الرخامة وتضع يدها بخصرها
-ودا ليه كدا.. مش دايما بقول كده

اجلستها داليا
-اقعدي بس.. هي مش حابة حد يقولها كده.. هي حرة.. فمش هنقول.. انتي بتحبي حد يقولك فيروزة

امتعضت ملامحها بطفولية
-لأ.. مش بحبه..يععع

ربتت داليا علي كفها
-خلاص انتي مش بتحبي فيروزة.. ريحانة مش بتحب روني.. اتفقنا..

اماءت لها بالمرافقة

مهما كان الحزن والغضب.. يجب التعامل بهدوء وخاصة مع الاطفال.. حتي يفهموا مانريد.. إنما العصبية هذه مؤلمة للطفل.. لايجب ان نتبعها.. فإما سيعند.. او سيخاف.. والشعور في اي منهما سخيف