عقد قران .. بقلم Doctorita

الرابع والعشرون

لقد مر اليوم بسلام...
والان ريناس ومنيب.. جالسين بشقة رضا... تلك العجوز الجميلة..
ومعهم سامر

رضا وهي تستند علي العكاز أمامها جالسة علي الاريكة
--والله يا بنت يا ريمو كنتي وحشاني.. مابتجيش ليه

ابتسموا جميعا.. فهذه المرة الخامسة التي اخبرتها بها.. فهي تسترق السمع.. وأحيانا لا تسمع.. واحيانا تتذكر.. واحيانا تنسى.. السن واحكامه..

سامر متدخلا وهو يجلس بجانبها يقبل يدها
-اهي جت اهي يا ست الكل.. حد واحشك تاني اجيبهولك

بكل تلقائية
-اه.. وحشاني مراتك هاتها

شرق سامر.. واخذ يكح.. هذه الرضا ستصيبه بجلطة في يوم ما

بينما صدحت ضحكات منيب وريماس

منيب بضحكات
-الا قوليلي يا رودي اسمها ايه مراته

رضا وهي تلكز سامر في كتفه
-لما يتجوز هعرف.. مش عارفة حابب الصياعة ومش راضي بجيب لي حفيد حلو العب بيه

-تلعبي بمين.. دا انتي مافيكيش حيل.. دا الخوف هو الي يلعب بيكي
قالها سامر باستخفاف

وكان رد رضا حاضر وبسرعة بلكزته بعكازها في قدمه
-اخرس يا واد يا قليل الادب انت.. انا هجوزك يعني هجوزك..

اقتربت ريماس منها.. وعينيها تتابع والدها الذي يضحك
-وان قولتلك علي عروسة حلوة

امسكت رضا بسرعة كفها مبتسمة
-لو حلوة زيك انا موافقة

زيماس وهي تقبل وجنتها
-دي احلى كمان

سامر وهو يشعر ان الموضوع اصبخ خطرا
-بس بس.. مافيش جواز رلا حاجة..

لكزته رضا مرة اخرى تمنعه من الوقوف ليهرب رادفة بتهديد مضحك بشدة
-اعد كده.. هنشوف العروسة.. وهتتجوز يعني هتتجوز.. يلا يا ريمو يا حبيبة قلب رودي قوليلي مين العروسة

ابتلعت ريماس ريقها بصعوبة.. بعد ان نظرت لسامر الذي يحدق بها بغضب..
-فيروز.. روزا بنت اخت طنط داليا.. يا رودي.. قمر و بتحبك وبتحبنا.. ومتربية شوية هنا.. وكمان عارفة سامر وسامر عارفها

سامر باستغراب واستنكار
-روزا... روزا دي كل حوارتها معايا واخنا صغيرين.. خنااااق وبس.. لا بتطيقني ولا انا كمان..

ريماس بسرعة
-دا وانتو صغيرين.. انما دلوقتي كبرتو.. وانت سيادة الطيار الجميل.. وهي بقت انثة جميلة.. وهادية علي فكرة مش زي الاول.. وانا بصراحة كده شيفاها مناسبة ليك.. ولا ايه رأيك يا بابا

منيب بعقل
-رأيي انها كويسة.. احنا عارفين أخلاقها.. بس سامر هو الي يقرر

رضا حاسمة الموضوع
-خلاص.. نروح نتقدم بكرة

اتسعت عينا سامر
-انتي بتقولي ايه بس يا رودي.. ماما اهدي كده وانتي ساعة وهتنسي كل الي اتقال ده