عقد قران .. بقلم Doctorita

🔥💫الاخير💫🔥

ظل سامر يناظره بغضب..
-انا عن نفسي مش فاهم انت عايز ايه.. ماه مش من كلمتين سمعتهم من ريمو وقعت ودبت.. وجيت اشتريت الفيلا دي وبتراقبها..

جلس حمزة.. وجلس امامه سامر
اردف حمزة هو يناظر عينيه
-دول مش كلمتين.. دول حياتها كلها.. وبعدين مدبتش دلوقتي بس لما هنقرب ان شاء الله هدوب
كانت كلماته بصدق.. وبجدية توصل لسامر رسالة ما..

سامر
-ريمو اتولدت في عيد ميلادي.. كانت هدية ريحانة ليا.. وخلتني اسميها.. ريمو دي بنتي واختي.. وصاحبي.. ومش علشان انت عارف المشكلة ااي حصلت تفكر انها مالهاش حد

ابنسم حمزة..
-مين قال كده.. انا عارف عمق علاقتكوا.. وعارف انت ايه بالنسبة لها.. انا عارف انتو كلكوا قريبين ازاي من بعص.. ويمكن المشكلة دي بعدتكوا دلوقتي بس هتقربكوا اكتر مع الوقت.. انت جي يا سامر توصلي رسالة ان ريماس مش لوحدها.. وانتوا في ضهرها.. ودي وسالة وصلت

ارتاح سامر قليلا.. حمزة ناضج.. حديثه منمق.. يعرف ماذا يوصل للذي امامه

سامر وهو يقوم للخروج
-تمام همشي انا

حمزة بهدوء
-ماتحكيلي مالك.. وممكن نبقي أصحاب.. وريماس بعد كده هتتبسط اكتر

جلس مرة اخري بصمت.. لا يعلم ماذا يقول
ثم نظر امامه بشرود
-مش عارف اعمل ايه.. اطلقها.. ولا افضل كده بعيد عنها.. ولا نرجع.. مش هقدر استحمل تملكها.. وطريقتها الي مه الوقت بتبان وبتخنقني..
تنهد

اجابه حمزه بسؤال
-انت قلبك عايز ايه؟

نظر له صامتا.. ثم تحدث بحيرة
-مش عارف

ابتسم حمزة
-انك مش عارف دا بحد ذاته حاجة كويسة.. انت كنت ابتديت تحبها؟

هز سامر رأسه يتجرد من كل شئ.. كاشفا مشاعره
--حبيت حبها.. ان واحدة من صغرها بتحبني وخلاص اتجوزتني فهتعمل اي حاجة علشان تسعدني.. كنت فرحان بيها اوي.. اوردي كنت معجب بيها..بس انانيتها وتملكها وعايزة تبعد كل حاجة عني.. ومشكلتها مع ريمو حسيت انها قضت على كل حاجة

حمزة
-انت عايز ترجع لها؟

سامر بتنهيدة
-الرجوع صعب والبعد صعب

حمزة وهو يحاول فهم ما يدور في رأسه
-ايه الي صعب الرجوع وريماس دلوقتي بعيد

ابتسم سامر بألم
-عمر ما ريماس او منيب هيبعدوا.. المشكلة اننا لو رجعنا هنرجع بشروط.. وهنتفق الاول علي حاجات وحدود مانتخطاهاش.. ولازم قبل دا كله تعرف ان هي غلطت في حق ريمو..

حمزة ببساطة
-خلاص روح لها.. واتكلموا.. ولو وصلتوا لنقطة مشتركة ارجعوا..

ابتسم سامر ثم صدحت ضحكاته..
-عارف انا كنت جي افش غلي فيك مش عارف ليه..بس دلوقتي مرتاح اننا اتكلمنا