عقد قران .. بقلم Doctorita

الثاني عشر

يقف خلفها.. وطبول تدوي هي دقات قلبه....تشاهد كل ركن في شقتها المستقبلية.. فالمرة الاولى كانت عابرة.. خجلة.. لم تتمعن ولم تبدي كل مافي خاطرها...
لكن الان هي هنا هي وزوجها.. وعشهم المستقبلي الجميل.. فيجب ان تزينه كما تريد ولكن بإمكانياته هو..

-بص بقي انا هنا في الصالة عايزة ركنة جميلة خالص.. وعايزة ادام الشباك ده كرسي هزاز.. هقعد عليه وانت مافيش اقرا بقي رواياتي.. اممم.. وكمان مكتبه... مكتبه هديك نصها وانا اخد نصها

ثم نظرت لعينيه المبتسمة بخبث
-خلاص خد تلت ارباعها وانا ربع.. انت برضه ليك كتبك المهمة.. :

اتسعت ابتسامته  رادفا بمزاح
-لا والله

صدحت منها ضحكة رنانة.. سرعان ما وضعت يدها علي فمها.. واتسعت عيناها وهو يناظرها بدهشة. فهل هذه الرقيقة تصدر عنها مثل هذه الضحكة...

ازالت يدها تحمحم
-احممم. بص هي مش بتطلع ادام اي حد.. معلش

وعبست ملامحها بمزاح أيضا

هنا هو من صدحت ضحكاته... وكم كان وسيما.. وهو يضحك.. وعينيه التي تغلق بخطوط حولها جذابة.. واسنانه البراقة المصفوفة.. ولاول مرة تلاحظ تلك النملات الدقيقة التي تظهر على ذقنه وهو يضحك...

انخفضت ضحكاته رويدا رويدا.. يناظرها وهي تتأمل ذقنه
لمس ذقنه.. وهو بقترب منها متسائلا
-ايه.. في حاجة علي دقني.؟

همست وهي تشير تجاهها
-في عندك نملات علي دقنك!

تعجبت ملامحه وهو يتلمس ذقنه حتى يري اين ذلك النمل
لكن روني رأفت بحاله وهي توضح مبتسمة
-هه مش زي ما انت فهمت.. اول مرة اخد بالي انك لما بتضحك في نملات صغيرة.. او يعني حفر صغيرة خالص بتبان

جملة وحيدة منها اختطفت قلبه... فتساءل بعبث
-ودي حاجة حلوة

-روني بابتسامة جذابة
-جدا.. حاجات دقيقة كده بتبقي عايز تلمسها وتخليها في ايدك بس مابتظهرش.. الا لما بتضحك.. وانت مش بتضحك كتير

اقترب مدهوشا من حديثها... لاول مرة تتحدث هكذا
امسك كفها تحت نظراتها الخجلة.. والشقية بنفس الوقت.. واضعا باطن اصابعها علي ذقنه
-اهم المسيهم....

خجلت واخمرت وجنتيها
-احممم مش موحودين دلوقتي
وسحبت كفها بسرعة تعطيه ظهرها وتكمل جولتها في شقتهم الحبيبة..
وهو يكاد يطير فرحا... فهذه الملتزمة بحذافير فترة الخطوبة.. ليست بقفل كما يقال.. انما ستسعد ايامه.. وستضفي نوعا من المشاكسة عليها حينما يحل القرب

وقفت امام المطبخ.. حتي سمعها تنادي اسمه.. فاقترب منها
-هو ينفع نفتح شباك من المطبخ علي الصالة

-منيب : قصدك مطبخ أمريكاني

نفت
-لا... مش امريكاني.. انا عايزة خصوصية في المطبخ.. بحيث الشباك ده يبقي مقفول.. وشكلة جميل في الديكور.. بس لما الاكل يخلص.. نقدر نفتحه ونخرج الاكل.. والسفرة تبقي جنب الشباك.. فكده نشيل الاكل من المطبخ نحطه علي السفرة علي طول ايه رأيك