Bawat sandaling inilalaan sa usapan
Mga oras na paulit ulit ang mga tanungan.
Hindi alintana kung ito ay mangyare man
Sapagkat ang mahalaga humaba ang usapan.
Isang halika dito nakakapagpasaya sa puso ko
Isang tanong mo, daan daang sagot ang meron ako.
Masyado kang matalino sa mga binabalak mo,
Sapagkat sa isang gusto, higit pa ang nalaman mo.
"Halika sa aking tabi, kailangan ko."
Hindi nagsasalita pero ang puso ay kuntento.
Sa umpisa pa lamang alam na ang nilalaman neto
Ngunit binalewala; hindi sapat ang kaalaman ko.
Isang tawag, takbo kaagad papalapit
Ang pagod ay napawi kaya pahinga ang kapalit.
Sa isang ngiti at tawa mong nasisilayan ko,
Nagiging mas mahalaga sa akin ang kaligayahan mo.
Hindi nakakaramdam ng pikon sa akin
Mas masaya ako kahit madalas inisin
Sapagkat isa lamang ang kaligayahan ko
Ang iyong mga matang kumikislap sa paningin ko.
Pagdating ng isang kapaguran sa buhay
Iyong mga litrato lang ang kaagapay
Pamukaw-sigla ang mga mata mo
Kaya lubos ang aking pahinga sa ngiti mo.
030320
BINABASA MO ANG
Mga Tula ng Aking Haraya
ПоэзияMay mga damdamin talagang kay hirap ibahagi Nakakatakot sabihin kaya sa tula ibinahagi. Kaya dito isinilid ang mga patagong nadarama Dahil dito lamang maisasambit ng walang kokontra. Isang librong puno ng tula Para sa lihim na pagsinta. ©️2020
