انت أملي~،،💔

انت أملي 1

انت أملي 💔

بعد سنين طويله من الغربه رجعنا السودان😊 ورجعه نهائيه كمان😍 كنتا فرحانه واحنا في الطياره كل شويه بسأل امي متين ح نصل🤪 😊كنتا مشتاااقه شدييييد لي ابوي وحبوبتي ام ابوي واخواني الكبار اولاد أبوي طبعا هم مستقرين في السودان بما انو امهم رفضت السفر برا السودان م مشلهتين زينا😢 ابوي كان كل سنه برجع السودان بقضي معاهم اجازتو ويخلينا في الامارات مع خالي م رجعنا السودان الا مرتين او تلاته مرات وكانت اجازات قصيره بس بس المره دي رجعه نهائيه 😍 علشان كده انا فرحاااااانه ومبسوطه أخييييرا ح نقعد زي م عاوزين ونلعب مع بنات خالاتنا وعماتنا بدون م نشيل هم الرجعه تاني للغربه بزات أنا لاني م عندي اصحاب هناك قطع حبل افكاري صوت خالي محمود هو بقول لي أمي خلاص وصلنا😍 يلاا وصي اولادك الحناكيش ديل كلام البلد ديك😕 هنا م يقولو ☹ والله يضحكو عليهم هنا😏 والتلفت لينا قال لينا سمعتو؟؟؟؟😤 هيك ومو هيك دي م عاوز اسمعا تاني🙁🙁 في اللحظه دي كنا وصلنا البيت وشفنا ابوي في قدام البيت واقف يلوح لينا بي ايدو وقبل العربيه م تقيف سمح طرنا عليهو طيران واتلمينا فيهو وحضناهو كلنا😊 وامي نزلت علي راحتا وقفت تعاين لينا ونحنا بنحضن ونسلم في أبوي وبتقول لينا كفاكم ابوكم دا كتلتو عدمتوه النفس خلاص كفاهو وهي طبعا عااااوزه دورا في السلام والاحضان بس احنا م اديناها فرصه😅😁

انا شهد أكرم فاضل عمري 32 سنه طولي 155 يعني قزومه بيضا وعيوني لونا مايل للبني ورثتهم من امي اهلها اصلهم اتراك من عائلة الآغا سمينه بس م سمينه شديد مع انو الحواليني بقولو انتي كده حلوه🤭 بحب الشعر والكتابه كان نفسي اعيش حياه رومانسيه وحلوه 😪 بس الدنيا عاكستني كتييير 😔 ح احكي ليكم حكايتي من البدايه😊

٫٫٫٫٫احنا مولودين في الامارات بس بنجي السودان في الإجازات 🙂 عندي تلاته أخوات وعد دي الاكبر مني بيناتنا ولد اكبر مني اتوفي وهو صغير ورهف وسمر دي الصغيره بس دي صحبتي😊 والمقربه لي من اخواتي واخواني الاولاد 4 وأولاد ابوي 9 من أخو لي أخت يعني كلنا ماشاء الله 17 ديل اولاد عائلة أكرم فاضل🙂

أبوي صايغ معروف في سوق الصاغه في الخرطوم كان بوزع وقتو وجهدو بينا وبين أخواني التانين وشغلو وهموم ألناس بالتساوي عمرو م قصر فينا ولا في أخواني ولا في شغلو مع انو عندو شخصيه قويه وهيبتو بفرضا عليك اول م تشوفو بس هو حنييين شديد وقلبو ابيض وبحبنا كلنا وم حصل فرز واحد علي التانين🙂

واستقرينا في السودان ونحنا قبلونا في المدارس وانتظمنا في الدراسه ومرت ابوي واخواني ساكنين كلنا سوا صح السكنه واحده بس كل ناس بيتهم براهم البيت كبيييير وواسع وغرفو كتيره احنا بنلعب مع بعض هنا او هناك م لينا دخل مستمتعين بالونسه واللعب بس😊والكبار كل يوم في مشاكل🙄 يوم امي ومرت ابوي ويوم حبوبتي ام أبوي تقوم عليهم الاتنين🙊 انا شخصيا كنت م عندي اي تفاعل أو اثر كبير في البيت😢
وبزات انا زوله انطوائيه لحد ما🙄 يعني لو م بعرفك م بتكلم معاك نهائي😢 بس لو بعرفك ح اطلع عينك حكايات وقصص اغلبا م حصلت😜 وكمان علي العلي خاشه مرحلة مراهقه وكدا 😥 ووعد أختي الكبيره اتقدم ليها عريس وزواجا اتحدد خلال شهرين 😳🥺 بقيت حاسه بالوحده وانا اصحاب م عندي غير سلمي بت الجيران وحتي سلمي دي صحبتنا م علي قدر كدا بس يداب نتكلم في امور البنات والصاحبات والمدرسه وخلاص 😥 وانا عاوزه لي زول اتكلم معاهو اتكلم معاهو ...اثق فيهو ... يكون لي قدوه🤔🙄 بس م لاقيه😓 البيت كبيييييير وفيهو دشليون نفر احنا برانا 8 انا ووعد ورهف وسمر😊 ... سمر دي مسمينها علي عمتي طبعا🙂 واربعه اولاد ٫٫ امام وحاسم واحمد وعلي طبعا ابوي عندو ثقافه دينيه ف اختار اساميهم ع الائمه الاربعه ....اولاد ابوي 9 خمسه بنات ايناس وميناس وشيراز واحسان وايمان واربعم اولاد عاصم وعماد واسعد وامجد إضافه لي اولاد عمتي قاعدين معانا اصلا جينا لقيناهم أبوي كافلهم بعد امهم ماتت وهم تلاته وحبوبتي وامي ومرت ابوي يعني أحنا زي الساكنين في داخليه 😓 وناس داخله وناس مارقه وأمي ومرت ابوي ي إما في المطبخ اليوم كلووو بساعدو بعض ي إما بتناقرو ولا طالعين مشوار🙄 وانا بديت احس بي عدم الاستقرار !!! عدم الامان !!! م عارفه بس حتي شعوري زااتو م كنتا فاهماهو 😓 ٫٫٫٫٫

جاء عرس وعد اختي وكان فخااااامه 😍وحاجه كدا زي الف ليله وليله اتخيل كده من انت زول مقفول في شقه والطلعه بالحساب وبالعربيه ومع العايله لي حاجه زي افلام بوليوود😳😳 كميه كبييييره من الناس البعرفوك😳🙄 أبوي طبعا شيخ الصياغ ومعارفو كتاااااار في الخرطوم والشماليه والولايات كمان ودا كان اول عرس لي بت ليهو في السودان عشان كدا كان قيامه حمرا😳
طبعا انا مندهشه 😳 وداخله ومارقه وكل شويه توقفني مرا
_ انتي بت أكرم فاضل؟؟😍
_ اي🌚
_ حلاااااااتك بتشبهي أمك😍
_عمرك كم سنه😊
🙄😏13_
لو م هبله وعويره وبجري وبنطط ساااي 🙊😅 كان عرسوني بعدها طوالي ٫٫٫٫٫ وعد اتزوجت وسافرت والبيت بقي بالنسبه لي فااااضي😢 مع اننا كنا مقضنها شكل طول النهار بس فقدتها من اول يوم وقعدتا ابكي اليوم داك 😭 بعدها بي شهرين بس جاتنا الطامه الكبري😳😳😭😭😭😭

#يتبع ،،،،،،