انت أملي~،،💔

أنت أملي~29

اثناء م قاعدين انا وايمن قصاد بعض😊 وبنعيد في ذكريات الايام الخوالي😊 ظهرت أماني😍 وكانت أماني ياها زاااتا م اتغيرت😍 الناس القصار ديل اصلا م بكبرو😅🙊 ومن شفتها حاولتا اقوم هي جات جاريه علي ،،، وحضنا بعض وبكينااااا😭😭😩 وكنا نسلم علي بعض ونحضن بعض تاااني😭😭 وانا م مصدقه اني لقيت ايمن وأماني في يوم واحد🥺😭 أماني كانت بتلوم فيني ليييه ياشهد بعدتي خليتينا لييييه😭😭 ليه م فكرتي ترجعي تسألي وتكوسينا😭😭 بقيت اسلم ليها في راسا عشان تسامحني وقلت ليها انتي م عارفه ظروفي ولا عارفه بأي حاله نفسيه انا طلعتا من المعموره🥺😩 وبعد ساعه من اللوم والاعتزار رجعنا تاني نحضن ونسلم ع بعض🥺 وبقت تسألني عن اخباري واسألا عن اخبارا أماني طبعا قالت لي راجلا أبو البنات رجعا من تاني بعد تحانيس واجاويد رجعت ليهو وبي شروطها كمان😂 😂وكنتا شايفه معاها بت حليييوه عمرا زي 16 سنه لونا لون أماني زاتوو بيضا وحلوه😍 قلت ليها م تقولي لي دي بتك😍😀 ايمن قال لي بقي عندها سبعه بنات😹😹😹 طبعا هو كان واقف بعيد بعد خلصنا دور البكا والعتاب ومسحنا دموعنا حتي جاب مقعد وجا قعد معانا😊 أماني قالت ليهو سبعه في عينك اربعه بس😕😕 ومعاهم ولدين😁 وضحكنا كلنا😅😅واتزكرتا اول مره اتلاقينا احنا التلاته واتلمينا لمه زي دي😊 كانت يوم عرفتا أماني ع ايمن طبعا دا كان بعد م هوستها بيهو😹. بتزكر لما قلتا ليهو دي صحبتي منمن قال ليها منمن ولا منينه😅 عشان قصيره وعمل حرك عفويه كدا بلسانو نظام بكاويها😜 كانت بتجنن🤤🤤ياحليل أيام الشباب🥺😥 أماني نادت بتها قالت ليها تعالي سلمي طبعا هي سلمت في البدايه لمن دخلت مع امها بس م كنت قايلاها بت أماني لانها م بتشبه بنات أماني التانيات😍 البنيه سلمت علينا بي خجل وقلت لي أماني خلاص حجزناها منك لي أيهم ولدي وضحكنا والبت خجلت زياده أماني قالت لي لالا احنا حاجزين اولاد التجار يابت😜😜 وعاينت لي ولد ايمن الولد اتلخبط واتربش😹😹 بزات انو كان بعاين لي بت أماني بي اعجاب😹😹 وضحكنا كلنا😊 ايمن قال ليها خلاص تعالو اخطبوهو وجيبو موية رمضان معاكم😹😹 قلت ليهم حرام عليكم الولد والبت ديل قرربو يخشو في هدومن 😹😹 قلت لي أماني اسمها منو بتك دي😊 عاينت لي وقالت اسمها شهد ياشهد😊بقيت اعاين لي أماني مسااافه🥺 م مصدقه انو أماني تعمل كده 😳😳 تسمي بتها علي🥺 يعني في بني آدم مسمي علي من 16 سنه وانا م جايبه خبر😭😭 وحضنتا أماني وبقيت ابكي😭😭 بجد م كنتا متوقعا انها تعمل كده😭😭 وبوستها في خدودا الاتنين🥺 وقلت ليها ليييي ياأماني تعملي كده🥺😓 م خايفه حظها يطلع زيي😢🥺 قالت لي كفايه قلبها يطلع زيك ابيض حليب صافي😊 وواصلت كلاما قالت فاكره لمن كنتي بتقولي لي أننا أكتر من أخوات بجد ياشهد انا اللقيتو منك م لقيتو من زول ومواقفك معاي أخواتي م وقفوها😊 رجعتا تاني بوست خدها وناديت البنوته تعالي ياشهد (وكان غريب علي انادي زول بأسمي لانو م لاقوني ناس بأسمي ده كتار م عارفه لييي😢) والبنيه جاتني وسلمتا عليها وحضنتها للمره التالته وفتحتا شنطتي وطلعتا الرجعه للبيت وعصرتا ليها الباقي في يدها البت بقت تحاول ترفضن والا نهرتها شيليهم ولا ازعل منك أماني قالت ليها شيليها ياشهد ديل من الغاليه😍😊
اماني اعتزرت انها عندها مشوار ولسه ح تمشي تجهز غداها وودعتني وطلعت بعد م وعدنا بعض بالزيارات 😊
بعد أماني فاتت طلبتا ترحال وقلت لي أيمن
_ أنا ح أمشي بعد كده لانو أولادي ح يقلقو علي ...
أيمن رد علي بي صوت مبحوح ⁦😣
_ طبعا ح تغيبي تاني وم ح نشوفك الا بعد سنين وسنين ياشهد😒⁦☹️⁩
_ هو فاضل في العمر سنين وسنين ياايمن 😪
جر المقعد وقعد قصادي وأبتسم انتسامه خفيفه وقال لي
_ إنتي ليه دايما متشائمه ياشهد؟؟؟ وليه دايما ظالمه نفسك وم مدياها حقها ،،، إنتي لسه شباب علفكرا بس التغيير اداكي هيبه وجمال 😁😅😅
ضحكتا وقلت ليهو
_قصدك الكبر مش التغيير 😒😏
_ أيوة بس برضو أداكي جمال وهيبه😊
_ هههه بقيت تصرح شايفاك😏 وينو أيمن السخيف البارد السقيل الزمان 😏😒