انت أملي~،،💔

انت أملي~ 10

كنتا بعاني من الصداع🤕 دايما بزات لمن اصحي من النوم كنتا بصحي بيهو دايما لمن عيوني بتكون مطششه وقدر م ابلع بندول م بعمل شئ😢بس م كنت مهتمه بالموضوع كتير ومره جاتا امجد اخوي وهو طبعا بقي دكتور اخصائي ماشاءالله😍 مافي زيو وهو المدير الطبي لي مستشفى خاص معروف😊😎 شكيت ليهو من الصداع دا😢 بقي يسأل فيني اسئله كتيره وانا بجاوب ومشي جاب مقاس الضغط من العربيه وقاس لي الضغط 😥وقال لي ضغطك عالي خالص ياشهد🙁 واعراضك دي اعراض ضغط مزمن كمان يعني الارتفاع الهسي دا م حاجه مؤقته 😕 ودا مؤشر م كويس ياشهد اضععففي☹😤 مليون مره انا بنصحك تضعفي لمن انتي في السن دا يجيك ضغط متوقعه ح يجيك شنو كمان لمن يكون عمرك خمسين سنه🙄🤔؟؟؟؟ امشي اعملي فحوصات كامله ووظايف كلي ورسلي لي النتايج😕😢قام منعم يتظارف وقال ليهو ياخ انا عندي ضغط لي عشرين سنه م عمل لي حاجه م تخوفا ساي😏😏 امجد رد ليهو وبي مساخه قال ليهو 😒 ماف حاجه اسمها م عمل لي حاجه😏 هو عمل ليك بس انت م حاسس بيها هسا😏 زول الضغط ووظايف جسمو كلها بتكون في خطر😳 وبتظهر مع تقدم العمر حتي في شكلو بتظهر هسي انت البشوفك بقول عمرك 70 سنه م 45😳😳غايتو أمجد دا عليهو جنس مساخه 😳😢 وبطلو الموضوع وقعدو يتغالطو في العمر😒 والفاتح اثبت ليهو انو عمرو 45 لمن بقي يسألو عن الناس القدرو لمن وصلو لي انو هو دفعة عاصم اخوي الكبير وعاصم عمرو 45😅 وانا قااعده اتفرج ومنعم خلاااص كره الوضع وكره الفاتح كراهيه شدييده😬🙄 ...يستاهل هو الجابا لي روحو عشان تاني يتظارف😅 أمجد وهو طالع قال لي امشي اعملي الفحوصات الليله دي وم تهملي الموضوع اووووعك😕😕 وفات بس صوت عربيتو بعدت طوااالي منعم قام يكورك ويجوط وعمل لينا دراما🙄😯 اخوك المفتري المتكبررر😟☹ هو فاكر نفسووو شنو؟؟؟؟؟ عشان دكتور🙁 احنا عندنا بدل الدكتور تلاته دكاتره كمان بنات عبدالعزيز اخوي ماشاء الله عليهم التلاته دكتورات م حصل افترو علي زول😕😢 قلت ليهو هسي هو افتري عليك فشنو🌚🙄 بقي يطنطن بكلام م مفهوم وانا قمتا من جمبو قبل يكوس ليهو سبب تاني🙄😏 ٫٫٫٫٫٫ وتاني يوم قلت ليهو خلاص نمشي نعمل الفحوصات قال لي صدقتي كلام اخوك الموهوم دا😕 قلت ليهو الموهوم دا اخصائي باطنيه وجراح كمان😏😕قال لي عشان كده موهوم فاكر الناس كلها عيانين وعاوز يشرع فيهم زي م عاوز عليك الله طنشي م تسمعي كلامو الفاضي دا😕😕 قلت ليهو يعني هسي م ح نمشي الدكتور🙄 احنا م قابلنا خالص وانا هسي في الشهر الخامس ومفروض اخد حقنة التتنس😕 قال لي امشي المركز اخديها😏 مافي داعي للدكتور خلينا نقابل في السابع مره واحده وخلاص😳 قلت ليهو انا حاسه اني م كويسه🥺 قال لي دي اوهام اخوك دا الدخلا في راسك😕 م عندك اي حاجه والدكاتره ديل غير يوهمو الناس م عندهم شئ البمشي ليهم زاااتو غلطان😤😳😢قلت ليهو احنا جمبنا عيادات الدكاتره الخاصه هنا اقوم امشي المركز البعيد😢 قال لي من الاخر انا م عندي ليك قروش😕😏 عندك امشي بي معرفتك انشالله تمشي لندن م عندك هداك المركز😕😏 ...بخييل معفن😕😕 بس عشان اكاوييهو شلتا التلفون وفتحتا الاسبيكر واتصلتا علي إمام أخوي وبعد سلمتا عليهو قلت ليهو عاوزه لي قروش🥺😢 محتاجه ليها ضروري ممكن تحولا لي🥺😢 قال لي عاوزه كم😕 قلت ليهو البجي منك كلوو حلو😊 نهرني وقعد يكورك انتي حيوانه؟؟؟؟😕😡 قوولي عاوزه كم م فاضي ليك انااا😬😕 طبعا عمك داك ابتسم بي خباثه وشمت فيني ع الاساءه البسمع فيها بس طنشتو😕😬 وعملتا م شايفاهو🙄 قلت ليهو اسمع انا قلت ليك محتاجه لي قروش ضروري وانت وذوقك وضميرك بعد كدا وتحديد م بحدد انا م عارفه ظروفك شنو؟🤭 قال لي ظروفي دي تخصني انتي ماليك دعوه بيها والحيوان راجلك دا وينو؟؟😳😳قرربتا اقفل الخط بالخلعه 😱 قال لي انا في الخرطوم هسا😱 انا في دلالة العربات شويه كدا وبكون معاكم😳😳 وووووبعلي جبتها لي روحي براي😱 زولي داك صبت فيهو المطره😅 وقال لي انا طالع عندي مشوار وانا عااارفاهو زايغ م داير يقابل إمام اخوي وانا قررربتا اقول لي سوقني معاك😫😬🥺 إمام دا زول صعب لي درجه😬 لو قعدتا جمبو تشيل هم الونسه معاهو🥺 وم بتكلم كتير ولمن يتكلم كلامو كلو قصف جبهات😩 وعندو حضور وشخصيه م عادي وهيبتو فارضا علي الاكبر منو 😳عشان كدا الناس كللها بعملو ليهو الف حساب😎 مع اننا كلنا بنخاف منو بس تحس بيهو سند بجد💪 وفعلا بعد ساعه كدا جانا😬 اولادي سلمو عليهو رجفانين😖 وجرو يشوفو عربيتو طبعا كل فتره بغير العربيه بتاعتو اصلا مع الدهب هو شغال يبيع ويشتري عربات كمان😐....بعد جبتا ليهو العصير قعد وهو ساكت وانا ساكته😢 بعد شويه طلع ليهو ظرف اداني ليهو حسيت بيهو تقيل وكتير😳😳 وعاوزه اقول ليهو ديل كم اصلو؟😳 قلتا هسسي يتماسخ معاي ولا يديني هرشه انا مالي جاايباها لي روحي🥺 شكرتو عليها😊 رفع يدو ومعاها صرة معناها اسكتي😳😬سكتا😩 وطلع بعد فات اولادي جو جارين من برا فرحانين قالو لي عايني ياماما خالو إمام ادانا كل واحد الفين جنيه😳😳طواالي بي خلعه فتحتا الظرف الفي يدي طبعا كنتا فاكراهو ورق خمسينات عشان تقيل بس لمن فتحتو لقيتو خمسميات انخلعتا 🥺😳وبقيت اعد واتلخبط فيهم لمن النهايه عرفتهم 200 الف😳😱😱 وانا م كنتا عاوزه غير 5الف😳