انت أملي~،،💔

أنت أملي~ 27

(عالقون ع الزاكره )

3⃣_ حبوبه

وحبوبه دي زوله من الهوسا والفلاته ولا الزغاوه م بعرف بس من تشاد اولادي اتعودو يقولو ليها حبوبه حتي انا بقول ليها حبوبه لانها مرا كبيره وحنونه شديد من اول يوم عرفتها علاقتنا م انقطعت لحدي م ماتت🥺💔 كانت بتجي تشحد علشان تربي اولاد بتها المرحومه💔😭 وهم سبحان الله طولهم قريب من طول اولادي مع انو هم الاصغر يعني ملابس اولادي بتلبسهم كلهم من الكبير للصغير بطلع مننا مبسوط  وكنا احنا بنكون فرحانين أكتر منهم بي فرحتهم دي 😅😊😊وكانت حاجات بسيطه شديييد بتفرحهم واقل حاجه بتفرحهم ويشكروك عليها كأنك نزلتا ليهم السما🥺 لمن يخجلوني والله😢 كانت لمن تجيبهم وتجينا اولادي يفرحو بيهم شدييد كنتا بقول لي كل واحد يفتح دولابو ويطلع ليهم اي حاجه هو م بلبسا اي حاجه قعدت في دولابك شهر وشهرين انت م لبستها معناها انت م محتاج ليهم هم محتاجين ليها اكتر منكم😊 مرات بجلطوني ويطلعو ملابس الطلعه لاننا بنكون شهر وشهرين م طلعنا بس م كنتا برجهم لانها حكاية مبدأ ولما انت الكبير تتراجع عن الخير دا بعلمهم البخل والانانيه وحب النفس اي حاجه يطلعوها اولادي كنت بعتبرا رزق لليتامي ديل وكان ربنا بعوضنا دايما😊وعشان م نحرجهم كنت بخت الملابس وبقول ليهم عزلو الحاجه العاوزنها وال م عاوزنها خلوهو وبمشي😊 لمن اجي بلقاهم شالوها كلها😊 وكنتا م بحب افرزهم من اولادي هاجر وامي لمن يجونا كانو بهرجو ويزعلو ويقولو لي ديل شنو المخالطاهم مع اولادك ديل🙄😤 كنتا بقول ليهم ديل رحمة ربنا لينا منو العارف انو كان م اليتامي المخالطينهم احنا ديل كم مصيبه ربنا مسكا مننا؟؟؟ وفعلا ممكن احسب من الواحد لحدي الف وزياده حاجات كانت ممكن تكون اسوأ لولا رحمة ربنا😊 وكانت احوال البلد تصعب واحوالنا تصعب معاها😢 لمن بقت حالتا صعبه شديد ومرت علينا ايام كماليات كتيره اتخلينا عنها😢 بقينا عايشين ع الضروريات بس😪كانو لمن يجوني كنتا انا البكون خاطري مكسور وبجيب ليها حاجات وانا بتعزر وهي الكانت بتقول لي استحملي بتفرج بأدن ربنا😔
ويوم الباب خبط مشيت فتحتو لقيت راجل غريب قال لي انتي خاله😓 كنت عاوزه اقول ليهو انا هاله م خاله بس اتزكرتا ناس حبوبه بنطقو اسمي كده وكمان شفتا اصغر واحده من بنات المرحومه بت حبوبه معاهو قلت ليهو ايوا انا😊 مد لي كيس قال لي امي الله يرحما ادتني ليهو قالت يدوك ليهو😭 قلت ليهو الله يرحما؟؟؟؟😱😱😭😭 قال لي ايواا الوالده ماتت من اسبوعين ووصتني اوصلو ليك الكيس دا اداني ليهو وفات😭 قعدتا في الارض وبقيت ابكي😭😭 المرا زوله طيبه وحنينه شدييد م كانت بتقصر معاي في مساعده كل م تجيني كانت بتساعدني في شغل البيت دا غير اننا حبيناها انا واولادي😭😭 كمان هم كانو رحمة ربنا المرسلا لينا😭 منو البقبل بي الحاجات الكنا بنديها ليهم وكمان بقبلوها فرحانين😭 تاني رحمه وانقطعت مننا😭😭 وفجأة اتزكرتا البنيه ال مع الراجل الاداني الكيس وفتحتا الباب وجريت اكوسهم لحسنن الحظ م كانو مشو بعيد اصلا الظلط قريب مننا ولحقتهم قلت ليهو عاوزه اطلب منك طلب قال لي تأمري انتي قلت ليهو البت دي ادوني ليها قبل يعترض قلت م تعيش معاي خلوها معاكم بس قرايتا علي علاجا علي كسوتا علي والباقين م تحرمونا من جيتهم لينا عليك الله🥺😢 الراجل بقي يبكي وبكاني انا زاتي معاهو😭😭 وناديت البنيه اسمعا فاطمه وعصرتا ليها القروش الكانو في ايدي وكانت مصاريف الفطور بتاعت اولادي وربنا يعلم م كان معاي غيرل م كنتا بستكترهم عليها 😊 ورجعتا البيت وانا حاسه انو بجد ربنا رحمتو وسعت كلشي والدنيا دي فيها ناس القليل خالص بفرحهم ويفرحك انت اكتر منهم 😊 واتزكرتا الكيس الانا شايلاهو في يدي وناسياهو وفتحتو لقيت فيهو طقم بتاع خرز الابيض واسود دا البعملوهو فولكلور مع الدهب والشئ البعرفو انو الحاجات دي غاليه😳😳 غاليه شديييد😱 وبعد داك عرفتا منهم انهم بورثوهو لي بعض الام بتورثو لي بناتا وم كان عندهم فكره عنو انو غالي قدر دا🥺 الطقم م زال معاي لي هسا بس اول م تعرس واحده من بنات المرحومه ح اهديهو ليها🙂 ولو انا متتا او حصل لي شئ موصيه اولادي واخواتي يوصلوهو ليها ويمكن دا الكانت حبوبه عاوزه مني اعملو😇

#يتبع ،،،،،

#إقتباسهه ،،،،

تربينا منذ الاذل🙄 علي مقولة ان المال لا يشتري الساعده !!!🤔

وأن السعاده اغلي من تحوذها بالمال😒

كلااااا ياسادتي 😏 كلاااا ياأرث الاجداد والاسلاف😕
كلا للمعتقدات العقيمه!!!😓

يمكنك ان تشعر بالسعاده مقابل المال😌 ... وسعادة كبري كذلك🙂

ايا كان وضعك المادي حرجا ومتواضعا اعرف انه هناك من هو اسوأ من🥺

ان كنت لا تجد الكماليات فهناك من لم تتوفر ليه ضروريات😟
وهنالك من لا يجد الكفاف من العيش😢 هؤلاء فقط هم من يمكنهم منحك السعاده اعطهم من بعض ما لديك وستري كم هي كبيره السعاده التي يمنحونك اياها🙂 فقط دونما تكبر دونما ترفع دونما تصنع 🙂 والاااا... انقلب السحر علي الساحر !!!🙂 وفضلا عن رؤية السعاده علي وجوههم ستري شيئا آخر 🤔🤔
ستري ترفعا اكبر من ترفعك ستأخد صقعة في وجه غرورك وستحظي بدرس لن تنساه😕
فلاشئ لاشئ لدي الفقراء المتعففين اقوي من غزة النفس لديهم😕
كيف لا 🤔
وهي كل م يمكون😟 من زخرف الدنيا الزائل🥺،