الحلقه الأخيره
بارت 1
م عارف أكتب شنو🙄 بس من يوم استلمتا المذكرات بتاعت شهد منها وأنا بقرا فيها ليل علي نهار😓 م كنت عارف شهد دي اتعزيت في الدنيا قدر كدا😥 لو كنت عارف م كنت خليتا تواجهه الحياه براها💔😔
أنا أيمن إبراهيم كلل البعرفو عن شهد إنها كانت ملاك😊 الناس الطيبين بقولو عليهم انهم زي الملايكه🙄🤔 بس شهد الملايكه هم الزيها🙂 ...
كانت جميله ... جميلة روح وشكل وأخلاق😊❤ ورفيقه زي النسمه🙂 أي مكان تتواجد فيهو بتضفي عليهو جمال وبريق❤
والجمال مسحور😤 كلل مشاكل شهد في الحياه لأنها جميله وطيبه وبريئه وعفويه😓 من بداية حياتا مع زوجها الأول لحدي طلاقا منو🙄 لانها سمحه زوجها كان واضح إنو كل مشاكلو معاها عباره عن غيره🙄😬 بس هي لانها بريئه م إنتبهت لي الحاجه دي🤔 وحتي مشاكلا مع أخوانا وحكمهم ليها دا برضو لانهم خايفين عليها من ذئاب البشر بس طريقتهم كانت غلط😬🙁
ومع كده شهد قدرت تجتاز كل ده وتربي أولادا تربيه صالحه وطلعتهم رجال نافعين للناس والمجتمع 🙂
وأثبتت للكل إنها قويه🙂
وكمان أثبتت إنها قويه لما صمدت لي عمليه نسبة نجاحا 20%
وصمدت🙂
وطلعت منها بخير😊😊
وطوال الفتره اللي هي في الانعاش والعنايه المركزه 😢
كنا عايشين علي أعصابنا 😬🥺
بس بي قوتا ولطف ربنا وىحمتو شهد اتخطتا😊 ورجعت لينا😊 تبث فينا السعاده والأمل😊
بمجرد إنها إتخطت مرحلة الخطر جبتا إياد وأيهم وكريم ورامز أولادها وأخوها إمام وم كان صعب انو اجمعهم مع بعض لانو المستشفي بقي المكان البنتلاقي فيهو كلنا ٫٫٫٫
جمعتهم وطلبت يدها منهم في الأول أولادها أيهم وكريم كانو معترضين بس قدرتا مع إياد ورامز وخالهم إمام نقنعهم بإنو أمهم من حقها إنها تعيش حياتا وكفايه عليها التضحيات القدمتا طول عمرها😏 جاء دورهم علشان يقدمو تضحيات عشانا😏🙁 وفعلا اقتنعو 🙂 وبجد عندها ولد عاقل اسمو إياد 🙂
وأنا بجهه تانيه قعدت أولادي وبناتي وكلمتهم إني عاوز أتزوج ..... إبراهيم ولدي أول واحد وافق بحكم إنو شاف شهد ورغم صغر سنو بس هو واعي لي درجة انو بميز الزول الطيب زي شهد من الناس الشريرين ،،،، بتي الكبيره ولاء برضها بتعرف شهد ووافقت عليها برضو أما الباقين م إعترضو لانهم عارفين قدر شنو امهم سببت لينا تعاسه كلنا ،،،،،
وتم الزواج😍😍
وشهد بقت مرتي😍😍
وفضلت معاها وملازما طوول فترة العلاج الكيماوي كلها🥺😥
مع إنها كانت فتره صعبه بس شهد كانت صابره ومتقبله الألم برحابة صدر م عاديه🙂وكنا م بنشوف الا ابتسامتا عز م هي متألمه ،،،
ورغم إنو شكلها اتغير وشعرها اتساقط بس كانت في نظري أجمل من كل نسوان الدنيا🙂
وإتخطينا مرحلة العلاج الكيماوي بسلام وأمان🙂 ورجعت شهد تبتسم وتضحك بجد😍 وظهرت الفرحه في وشها وملامحا😍 كانت أجمل من الورود المتفتحه😍
وجاء دوري عشان أعوضا عن أيام العزاب🙂كنت بجهز في أوراقنا للسفر من أيام الكيماوي ٫٫٫٫ وبعد شهد اتعافت وبقت تمام عملنا كرامه وعزمنا كلل الأهل. والحبايب😍وكانت إشهار لي زواجنا لانو العقد تم في ظروف م سمحت لينا إنو نعمل عزومه وكدا🙂
بعد العزومه العملناها فاجأت شهد بي تزاكر السفر والأوراق والباسبورتات الطلعتها وساعدني إمام اخوها انو نطلعهم بدون م تتعبا إلا بالصور والمفاجأه الحقيقيه الأنا حضرتها ليها😊 إنو السفر لي ماليزيا😊 لي رهف أختا😊😊 وكيف كانت كانت فرحتي كبيره وأنا بشوف الفرحه في عيون شهد😍😍 مستعد أدفع عمري كله وأشوفا دايما مبسوطه كدا😊
ورجعنا السودان😊 وعشتا مع شهد أجمل لحظات عمري 😊معإننا كنا علي مشارف الخمسين أنا وهي بس أثبتنا للدنيا انو العمر م بتقاس بالسنين وأنو الشباب شباب الروح وإنو أجمل حب حب الروح للروح❤❤❤
#يتبع ٫٫٫٫٫٫
إقتباسهه ،،،،،
لو أن الحب كلمات تكتب ،،،
لانتهت أقلامي
لكن الحب أرواح توهب
فهل تكفيكِ روحي؟
حبيبتي ❤
أنتِي البراءة في روعتها،
وأنتِي الجمال في سحره،
وأنتِي سمو الحب بعطره
الشدي
أنتِي الأمل المشرق،
أنتِي الورد التي ترطبه
قطرات الندى،
أنتِي القمر الحالم يتهادى
في ليالي الصيف
يضيء المدى،
أنتي ِالأحلام الطفولية
أنت هدية للأرض من رب السماء،
لكِ سحر يسلب القلوب.
الليل له نهاية، والعمرله نهاية،
ولكن حبي لك ليس له نهاية.❤❤
أنت تقرأ
انت أملي~،،💔
Romanceقصه واقعيه مخلوطه بقليل من خيال تبث فيها شهد بطلة الروايه حكايتها وآلامها وشئ من لحظات سعاده عابره ٫٫٫٫ فيها الكثير من المسكوت عنه في هذا المجتمع الظالم💔
