انت أملي~،،💔

انت املي ~8

كلمة طلقانه وقعت ع قلبي زي الرصاص😓💔💔 وبقيت م قادره اتكلم 😓😩العبره السدت حلقي😖💔💔 وبطني بقت توجعني اكتر😭💔 وجع  ولاده عديل وانا قاااعده م بتحرك😓💔 حتي م قادره ابكي كنتا بشهق بس الموقف كان اكبر من الدموع😭💔💔 وقررت اني انتحر وخلاص😓💔 بس انتحر بشنو😭😭💔 حتي الصبغه في البيت ماف💔😣 اتزكرتا حبوبي جبتها كلها وبقيت افرتق فيها بي سرعه وايدي برجفو😩💔 فرتقتهم كلهم لمن بقو كوم كبسولات علي حبوب حتي حبوبو هو بتاعت الضغط جبتها😓 وفرتقتها كلها وجبتا كباية مويه كبيره وكبيت فيها الحبوب كلها عشان اشربا وارتاح😓😢كنتا اكب واسوط وانا ببكي😭😭🥺💔 وحياتي كلها بتمر قدامي 🥺💔 اتزكرتا ابوي وقعدتا ابكي زياده 💔😟 واتزكرتا المدرسه وصاحباتي وقراية الجامعه الطارت علي😭😭💔 واتزكرتا كريم واتمنيت لو سمعتا كلامو😭😭💔 واتزكرتا بيتنا وامي البعد شويه ح يقولو ليها بتك ماتت😭😭💔كنتا كبيت الحبوب كلهم وماسكه الكبايه عشان اشربا ودموعي جاريه اربعه أربعه😭😭😭 وشربتا منها شويه🥺😓 فجأة منعم جا خاشي وشاف شرايط الحبوب الفاضيه المجدعه حواليني 😳😬 والكبايه الفي ايدي اللونا بقي اسود من كترت الحبوب 😵😬 وقال لي عاوزه تكتلي روحك مش😤😡 وشال الكبايه وخبطا بالحيطه كسرا حتت وبقي يكورك فيني تاني انتي زوله مستفزه ومستهتره ومتناقضه😩😕😡 وانا تعتبتا معاك عمرك م ح تعقلي وتتصرفي بي مسؤليه😤😤

كنتا عاوزه ارد🥺😓 واقول ليهو انا عملت شنو عشان اسمع دا كلوو؟؟؟؟😭😥 كان واااضح انو ببرر في غلطو هو😩🥺😬 بس انا كنت خلااااص م قادره اتنفس من الوجع والألم الحسي والنفسي ووجع الولاده كمان زاد علي💔😭 بحاول اتنفس م قادره وبي صوت مبحوح قلت ليهو انااا .....😫 وم قدرتا اكمل كان نفسي كتم نهائي🥺😭

_ انتي شنوو😤؟؟؟ عاوزه تحججي تقولي شنو؟؟؟؟🙁

بي ااااخر نفس فيني قلت ليهو
_ ح اولد واغمي علي💔 فقتا لقيت نفسي خاتين لي جهاز التنفس وحواليني دكاتره وبحاولو يفوقو فيني وانا شايفه الدنيا زي الضباب 😳😲وكأني واقعه جوه بير لقيت حواليني كميه من الدكاتره😳 والدكتوره بتقول ليهم هدي ليها فاقت 😲 وجات وقفت قصادي وقالت لي:- شهد فوقي حاولي صحصحي معانا عشانك وعشان الجنين الفي بطنك انتي حالة ولاده وضغطك عالي😱 ودمك ضعيف😱 ونبضك كعب م بنفع ندخلك عملية ولاده بالحاله دي😱 م عندنا حل غير الولاده الطبيعيه ساعدينا وساعدي نفسك عشان م تضيعي انتي والجنين😬 الدكتوره بتتكلم بي سرعه وبصوت عالي دا خلاني اخاف شديد🥺😓

٫٫ حاولتا اتكلم غلبني حلقي كان ناشف ومركبين لي انبوب معده كمان😱 وبعد تعب قدرتا اتكلم بس لغلغه بسبب الانبوب قلت ليها خليني اموت وانا والفي بطني خلينا نموت😭💔🥺 ارحم لينا💔😭😭 الدكتوره قالت لي بالطريقه دي ح ادخلك عمليه ياشهد نجاحا 20% بسس ٫٫٫٫يا شهد ساعدينا وساعدي نفسك😖 وساعدينا عشان ترتاحي انا عارفااك تعبانه 😕في اللحظه دي دخلت امي ومن شفتها بقيت ابكي واقول ليها ياامي الحقيني😭😭😭💔 والدكتوره قالت ليها انتي امها؟؟😮 امي قالت ليها ايوه الدكتوره بقت تشرح ليها الحاصل ،،،  امي قبلت علي قالت لي بي حزم شدييد _  شهد !! 😕 قلت ليها ايوه 🥺 قالت لي  _ اكتمي نفسك ☹️
قمتا كتمتو قالت لي طلعيهو قمتا طلعتو امي قبلت علي الدكتوره وقالت ليها طلعو ليها انبوبة المعده دي😕 عشان تعرف تتنفس 😤😕فعلا الدكتوره طلعتا لي وقرربت تتطلع روحي معاها وقرربتا استفرغ اصلا بطني فاضية كنتا من الصباح م اكلتا حاجه😢 مع الغمه بتاعت الاستفراغ الدكتوره التانيه قالت ليها ساعدتنا الرحم فتح بس ساعدينا انتي عشان ترتاحي😕😟 وانا م فاهمه هم دايرني اساعدهم بشنو😩 وانا بجد م عاوزه اعيش تاني كرهتا الحياه وكرهتا نفسي💔🥺 امي تااني قالت لي اكتمي نفسك وطلعيهو بي قوه وانا بعمل البتقولو لي بدون وعي او تفكير حتي😥 _اكتمي نفسك المره دي اطول وطلعيهو اقوي وانا بكتم زي م بقولو واكرر😓 لحدي م قالو حمدلله ع السلامه وفرحو كلهم وسمعتا صوت البيبي وقالو لي جبتي بت🥺 حسيت بي فرحه عز الالم والوجع والتعب داك كلوو قلت ليهم انااا جبتا بت😳😍 قالو لي اااي واموره وحلوه كمان بجد فرحتا وحسيت انو ربنا كريم مع انو الدكتور قال ولد وظهرت في الموجات ولد🥺 بعد اربعه ساعات في الانعاش امي جات جمبي وقالت لي اعفي لي انا لو عارفاك تامه م كان مشيتك المشوار داك بس بطنك كانت فووق وحبيت جناك بنزل الحوض عشان تسهل ولادتك انخلعتا😳😢 قلت ليهاا انتي كنتي عارفاني حامل؟؟؟؟؟😱 قالت لي ايوا ومن اول شهر كمان انتي حملك بتدسا علي انا كمان؟؟؟😏 كان ظاااهر في عيونك🥺😢 اااااه ياامي انا بحبككككككك😭😭🥺انتي اكتر زول فاهمني😩😩 ماف غيرك بحس بي🥺😭😭 في اللحظه جابو لي العشا وجاء منعم قال لي امي انزلو الكافتريا اتعشي مع اخواتي تحت ياحاجه انا بقعد معاها انا طبعا م كنت عاوزه اشوفو 😕🥺 وكرهاهو كرهه العمي بعد امي طلعت قلت ليهو انت بتعمل هنا شنوو؟؟؟😕😬 اتفضل اطلع براا انا م عاوزه اشوفك انت راجل غريب وانا م مرتك!!!!!😕😕 ودي اسمها خلوه مع راجل غريب يااستاذ😡😡بقي يسلم لي في راسي ويديني ويقول لي اعفي لي😏 انا غلطتا في حقك عليك الله اعفي لي🥺😢 قلت ليهو انت م غلطتا انت كسرتني 💔💔😡!!!!! وكسرتني شديييد كمان 😡💔 ده طلاق يااستاذ يعني فراق 😕😕 انت م عندك كلام معاي تاني😡😡 قال لي ياهبله انا رجعتا في لحظتا والله ولمن جيت لقيتك عاوزه تنتحري يامجنونه كنتا جايي اعتزر واتأسف منك بس اتفاجأ بيك عاوزه تموتي كافره😕 هسي انا كان ح اعمل شنو لو انتي موتي لا سمح الله 😕😕انتي ناسيه انو انتي عندك ولد صغيير محتاج ليك وكمان بت قلت ليهو ربيهم انت🙁 انتو م محتاجين لي😕🥺بقي يحننس ويحنس وبجد انا زعلانه وبطني واجعاني وقلبي مجروح م قادره اسامحو ولا اتكلم كويس معاهو😬☹ ... واحتجتا لشهور طويله عشان اسامحو😕
......عشان الضغط العالي الظهر لي دا قررو م يطلعونا طوالي😱 والدكتوره قالت ليهم خلوها لينا كم يوم نتابع الضغط دا اذا ضغط جنين ولا ضغط مزمن🥺😢 ورقدونا اسبوع كامل واخواتي رهف وسمر جو وفرحتا بيهم كتييير😍😊 .. البت قررتا اسميها اسيل اصلا اسم اسيل دا عاجبني من زمان😊 ... الايام بقت تبقي حلوه من جديد طلعتا من المستشفي لقيتو عامل صيانه للبيت😍 ومركب السراميك للمطبخ والبيت والحمام مع انو بلدي عمل ليهو مقعد افرنجي😅والبيت ضاربنو الوان جديده وحلوه😍😍 وستاير جديده 😍 وموكيت للغرفه وملايات رووعه😍 بس عرفتها دي ملايات وعد الجايباها من السعوديه جريت رهف اختي وقلت ليها اووعي تكون الستاير كمان شده😹 ضحكت وقالت لي لالا اشتراها راجلك ساقنا انا وحياة اختو اخترناها ليك طبعا اعتبرتا الحاجات دي كلها اعتزار منو وعاوز يراضيني بس م عبرتو😕
......السمايه كانت لمه حلوه😍 واصلا انا من صغري بحب الصيوان البعملوهو جوه البيت داك😍 م بعرف بس بزكرني بالحاجات الحلوه دايما😍 لما عملوهو في حوشنا فرحتا😍 وامي ونسيبتي عزمو م خلو زول منعم جاب خروف وامام  اخوي جاب خروف وجابو طباخ والناس كانو كتار والحمدلله ربنا سترا وقدرو كفوهم اكل وشاي وتحليه😊 وكان يوم حلو ولمه سمحه شدييد وعد اختي جابت لي دهبا قالت لي الا تلبسيهو وتغيظي حسادك😬😄 قلت ليها هوووي الدهب دا حق راجلك انا البسو ليييه هسي يجي يحمر لي وانا لابساهو😹😹 واصلا انا م بحب الدهب بحب الاكسسوار اكتر منو😊قالت لي في مرا م بتحب الدهب؟؟؟🙄😏 قلت ليها ااي انا😄
بقي عندي طفلين إياد وأسيل😊 وانا لسه عمري م تما ال 18😢 ابوهم 🙁احتجتا شهور عشان اقدر اسامحو طوال الشهور دي كان بحاول جادي يكسبني وانا م كنتا قادره اغفر ليهو انو قدر ينطق الكلمه ديك في وشي😬🙁 حتي بعد سامحتو كان لسه جواي شي من زعل 😪م قدرتا اتخلص منو😬 إياد واسيل كل يوم بكبرو التعب كان بخف اكتر😊 وانجلينا م خلتني يوم كانت دايما معاي😊 وكبرو وبقو حلااتهم🥺 إياد عمرو بقي 6 سنه وأسيل 5 سنه دخلتهم احسن روضه من هم عمر سنتين ونص وإياد إتخرج من الروضه😍 صحي صغير بس شاطر وراغب الدراسه زي امو😎😊 وأسيل كمان شاطره وناجحه😊😍 وبعد 4 سنه من ولادة أسيل جبتا أيهم 😊 وكنتا طوال 4 سنه منظمه كويس بعد العزاب والتعب الشفتو😢 أيهم هسي عمرو سنه كان خفيف علي م متعب زي اخوانو ولا تعبني في حمل ولا في ولاده😊 منعم فتح محل اسبيرات في السجانه واحوالنا بقت تمام😊 واحده من اخواتو اتزوجت وارتحنا منها😒🤪 انا علاقاتي بقت قويه مع الجيران والاهل وبقا عندي معارف وناس اكتر من زمان يعني بقيت سيدة مجتمع😎😊 وعندي ناس بحترموني وبقدروني وبؤمنو بي عديل😅 بزات لينا بت خالتي بتقول في الذوق الحلو شهد وبس😎😊 طبعا بعد م كنتا سميينه خسستا نفسي ومن وزن كم 90😢 بقيت كم و70😁 ورجعتا تاني البس شيك واستايل😍 والحمد لله حياتنا ماشه كويس صحيح انو روتين وممل😬 بس الستره زيها ماف😊 ك نوع من كسر الروتين والملل قررتا اني ارجع الجامعه بزات انا م بتاعت قعدات وجبنات وشمارات الحله🙁😢 البجيني في بيتي مرحب بيهو يشرب شاي ويطق الحنك ويمشي بالسلامه بس م بكوس لي شمارات في الحله🌚😏 قررتا اكلم منعم في موضوع رجعة الجامعه دي🙄 بس الاول كان لاازم امشي الجامعه😢 اتأكد اني ممكن ارجع تاني عادي ولا لأ وفعلا مشيت وقابلتا العميد وقال لي اذا اجراءاتك كانت كلها مستوفيه ممكن عادي ترجعي😊 وتواصلي من اخر سمستر امتحنتيهو فرحتا شديييد 🥺ورجعتا البيت اولادي اصلا بقو يحبو انجلينا ويتعلقو بيها حتي ايهم العمرو سنه😅 وعاوزه اخلص الجامعه واشتغل علشان ادفع قروش انجلينا ع الاقل انا لاني حاسه انها زيادة صرف علي منعم بزات بعد م دخلنا إياد واسيل مدارس ورياض خاصه ومصاريفهم بقت كتيره عليهو 😢
اول م فتحتا معاهو الموضوع قال ياشهد الجامعه دي عليك الله انسيها😳 وانتي م ح تستفيدي حاجه منها قرايتك دي !!!!😕 الهندسه المدنيه دي ح تنفعك فشنو في الحياه😬؟؟؟؟ 😕 طولت بالي ولعنتا ابليس 😬😒وقلتا ليهو ح اشتغل واشيل معاك الصرف شويه😊 قال علفكرا في الكم سنه الفاتو ديل انتي عقلتي كتييير بقيتي م شهد الهبله البكايه الزمان😍😝 بصراحه انا فقدتها والله😊✋😹😹 قلت ليهو سبحان الله ابقي م عاقله ومجنونه وبكايه م اعجبك 😬🙁وكنتا انت اكتر زول بلقي انتقاد منو😕🥺 هسي تقول فقدتها عليك الله الما عاقل فينا منو هسي؟؟؟😕😤 قعد يضحك وقال لي لالا هي شكلها قاااعده جواك بس مرا مرا بتطلع وتختفي😛😛 غاظني طبعا قلت ليهو اهااا نرجع لي موضوع الجامعة؟؟؟ 😒🌚 ...قال لي اسمعي ياشهد انتي اولادك صغار هسا وكمان ح تخليهم لمنو قاطعتو يعني عاوزني اقرا الجامعه بعد اولادي يبقو قدري؟؟؟😕😕 قال لي مالو نقراها سوا بعدين😅😊 قلت ليهو دي جامعه م دار عجزه يلمونا فيها انا وانت😤😕 قلت ليهو انا رغبتي في الحياه اني اقرا الجامعه واتخرج واشيل شهاده جامعيه زي اخواتي كلهم😕🥺 انت ليييه مصعبا علي؟؟؟😢قال لي خلاص ليك علي بس أيهم دا يخش المدرسه وانا اخليك تقري اي قرايه عاوزاها م بمنعك😊 ومرت الايام وأيهم دخل المدرسه وكنتا مشغوله مع إياد وأسيل 😓 .... أياد بقي في خامس وأسيل في رابع وأيهم في اولي😊 وبقيت اركز مع واحد لانو في مرحله صعبه🙄 التاني بكون خاشي مرحله اصعب منها بس الحمدلله كانو شطار ومجتهدين خالص ودي حاجه ربنا وفقني اني ازرعا فيهم🥺 وبعد 3 سنه جبنا ولد وسميناهو كريم 😍 ،،،،،  ومرت 10 سنه ونسيت الجامعه ونسيت اياما واتحولتا لي ست بيت وام عيال وبس😪 وانا عمري 28 سنه كنتا ام لي اربعه أطفال😢🙄 مع انهم اصحابي اكتر من كونهم اولادي 😊بس بقت نظرة الناس لي اني كبرتا حتي الاكبر من بعملو علي انهم شباب وانا اكبر منهم😓😪 مع انو انا م النوع المتشبب😬 بس استايلي في اللبس دايما بختلف عنهم انا بحب الحراير والحاجات الناعمه الحلوه للمناسبات واللبس الاسبور اكتر لانو مريح 😊😢 وبكرهه التواتل وبحب الجزم والشباشب العاليه😍 وبكره العادي🙁😬 بزات اني م طويله🙄😓 بس حسيت انو لازم اغير عاداتي واعيش العمر المفروض علي🙄 بحسب اني ام وكدا😓🤔 ودا كان راي منعم اكتر من هو رأيي انا🙄😓 وهو طبعا كمان العشره سنه دي أثرت فيهو اكتر مني وشعرو راح وبقي أصلع وجاهو سكري😓 وخسر وزنو بسرعه فجأة وكتيير من الناس بفتكروهو جد اولادو مش ابوهم والحاجه دي عملت ليهو عقده😓💔 مره في يوم جانا صاحبو من السجانه وانا كنتا مطلعه كريم الروضه وكنتا لابسه جيبه جينز😊 وشايله شنطة كريم في ايدي وفتحتا ليهو الباب عاين لي كدا قال لي ابوك في؟؟؟😳🌚قلت ليهو انت عاوز منوو؟؟ قال لي عبدالمنعم خليل قلت ليهو لحظه مشيت ناديتو ليهو لمن جاهو حكي ليهو انو كان قايلني بتو🙄وبقي يكاوي فيهو ويقول ليهو مرتك قدر اولادك لو عرستا من يومك🌚😢 والكلام أثر فيهو شديد وزعلو 🙄 مع انها كانت غتاته من صحبو بس !!

#يتبع ....