انت أملي~،،💔

انت املي _ 2

اكتر زول في الدنيا انا متعلقه بيهو هوي ابوي😇 كنتا  وانا صغيره م بعرف اكل الا وهو يجي حتي لو إتأخر بكون قاعده بدون أكل منتظراهو رغم تحانيس امي برضو م باكل بدونو ولما يجي بنط ليهو في اكتافو واتعلق في رقبتو 😇 حتي بعد كبرتا وبقي عمري 14 سنه كنت برضو بنتظرو وبرضو بتعلق ليهو في رقبتو اول م يجي😄
وابوي كان عيان وم مكلمم زول انو عندو قرحة المعده🥺وضغط وم كان ملتزم بي نصايح الدكتور😩 وحتي الأكل المفروض م ياكل الا مسلوق وخالي توابل ودهون بس هو م كان بسمع الكلام بزات لمن اخوي عماد  البقرا طب يذكرو طواالي يقول ليهو عاوز تعمل دكتور علينا 🙁وبس مره تعب😟 وكان راقد في البيت اول وبمشو يقابلو اخصائي وياخدو علاج ويجو راجعين بعد داك اخوي الدكتور دا قرر انو لازم يمشو المستشفي وجابو الاسعاف وشالوهو مننا 😩😩وناس امي واخواني كلللهم طلعو وراهم بالعربيه وخلوني انا ومعاي اخواني الصغار بس 😟 وانا م فاهمه حاجه🥺 يومييين زي كأنهم مية سنه مرو علينا وخلونا برانا بس بجو الجيران يطمنو علينا واخواني الاولاد بجو يجيبو لينا الاكل ويشيلو غيارات لي أبوي وأمي ومرت ابوي ولمن نسألهم أبوي كيف يقولو لينا كويس 😢 لمن جاء اليوم التالت وأمي اتصلت علينا بليل قالت لي
_ ياشهد أمشو الجيران انتي واخوانك 😕احنا جايين عليكم م نتبهتا لي صوتا ولا نتبهتا للعبره البتحاول تدسها وتخبيها رديت ليها بي فرحه _ أيوي طلعو😍😍 طيب نمشي الجيران ليييه احنا مشتاقين ليهو يااأمي 🥺🥺نهرتني بي أعلي صوتا لمن صوتا اتغير وقالت لي
_قلت ليك امشي الجيران يلااا طيري اسمعي الكلام سوقي اخوانك وأمشي الجيران😡😡 قلت ليها _حاضر ونويت م امشي اقعد استناهم عشان ألاقي ابوي اول زول انا😍 وصحيت مستياهم بي فارق الصبر😟 لحدي م سمعتا صوت عربات كتيييره جمب بابنا وصوت صرييخ وكواريك وبكاء 😳😳 انخلعتا وفتحتا الباب بي سرعه 😳😳لقيت أخواتي الكبار بنزلو فيهم من العربيه وهم بصرخو وبكوركو😳😳 وعماتي اول م نزلو يخمو في التراب ويكبوها في راسهم😳😳💔 ويبكو ياحليلك ياأكرم أخوي ياود أمي وابوي😭😳💔💔 م حسيت بي شئ تاني ولا شفتا الا الارض لفت ودارت بي ووقعتا أرض💔 وعيت متين م عارفه لقيت نسوان جارني جر وواحدات ماسكني وببكو ويقولو ياحليل ابوك ياشهد فكيتن مني كلهم بي دفره واحده وجريت علي أمي ومسكتا رجلينا وقلت ليها م قلتي أبوي بقي كويس؟؟؟؟؟😭😭😳 انا راجيه ابوي يجي نازل من عربيتو ياأمي؟؟؟؟؟ وينو أبوي؟؟؟؟😭😭😭 والنسوان اتلمو يجرو فيني ويقولو لي حرام عليك عايني لي أمك دي عيونا قربو يتفقعو بالبكا ارحميها شويه وانا م قادره استوعب انو ابوي مات😭😭😭😭💔 مسكتني عمتي وقعدت تهز فيني ...أبوك مااات ياشهد أبوك شيال التقيله مات💔😭😭😭 واخواتي ببكو وبصرخو وانا م قادره استوعب انو ابوي مااااات😩😩😩😭😭 بقيت اجري علي اخواني واحد واحد بسأل فيهم يكذبو لي الكلام ده بس م كانو بردو علي اي واحد يحضني ويجعر بكا😭😭😭 اسيبو وامشي للبعدو وانا حاسه انو دا كابوس ح اصحي منو😩😭  كنت بسمع بقولو كفتوها عشان تفوق وبسمع البقول دخلوها للجنازه عشان تآمن انو ابوها مات 💔😩كنتا ببكي بهستيريه اي واحده تجي تعزيني بلزها بعيد مني 😭😭😫 لحدي م جروني ووقفوني في جنازة ابوي الميت وانا طفله عمرها 14 سنه 😭💔
مهما قلتا ليك ومهما وصفتا م ح اقدر أرسم إحساس انسان فقد كل شئ حرفيا كل شئ💔😭😭 انسان ضلمت الدنيا في عيونو💔😭😭 وانقلبت حياتنا فوقاني تحتاني 💔😭😭😭😭 اليوم الفقدنا فيهو أبوي فقدنا كل شئ 💔😔 فقدنا البسمه فقدنا المحنه فقدنا البهجه فقدنا اللمه وفقدنا  العز والاهل😔💔
أخواني أولاد أبوي قسمو البيت النص😳💔 وباعو بيتهم ورحلو بعيد مننا قبل إمي تطلع من الحبس لانهم إكتشفو انو أبوي كان مطلق امهم وهي مرا شريره وتستاهل والله وعماتي جونا قالو عاوزين حقهم في ميرات ابوهم الكان عند ابوي💔💔 واتوالت علينا المصايب😓💔 البيت الكان عامر فضا من الناس😓💔 اولاد عمتي المرحومه عبدالعزيز وماجد وعبدالله وهم صغاار لسه م دخلو المدرسه ابوهم جا ساقهم قدر م امي اتمسكت انو يخليهم ليها ابوهم قال م بخليهم يتقلو عليكم زياده انتو بعد كده م ناقصين😭 حبوبتي اتوفت بعد ابوي بي شهر واحد💔😭  البيت بقي الحزن مخيم عليهو💔😓 ولا حركه ولا حس كأنو بيت اشباح😓💔

أبوي مات💔😔 وحياتنا إتغيرت 360 درجه واحوالنا اتدهورت كتيير وانا كنتا ع ابواب شهاده سودانيه ونفسياتي كعبه شدييد ونفسي مسدوده من كل شئ😔💔 كلما بفتح الكتب وبحاول اقرا بس م بقدر بلقي روحي ببكي لمن اوراق الكتاب يتتبلا 😭💔 واشوف صورة أبوي في كل حته اعاين فيها 😔 وفي عز الحزن والألم دا ...اتقدم لي عريس😳 وانا ي داب داخله عمر ال 15 سنه😳 جانا عن طريق عاصم راجل اختي وعد وهو  من العايله الكبيره الممتده قال شافني يوم أبوي مات وطلعتا بدون طرحه بالخلعه🙁💔😔 معفننن☹ قامو جوني أخواني ال 8 وقعدوني معاهم في الصالون وانا خايفه ارجف حاسه انو مفروض أقول لأ وأصر واتم دراستي  بس  خالتي مسكتني من يدي وقالت لي عارفاك ياشهد انتي صغيره علي العرس والمسئوليه بس انا عااااارفاااك قدرها 🙂وم بتخذلينا ان شاء الله وعايني لي امك وشوفي الحزن كسرا كيف؟؟ وافقي الله يرضي عليك وفرحيها بيك ودخلي الفرحه للبيت دا من تاني🥺 كلام خالتي شيلني الهم والمسئوليه وبقيت م قادره حتي اتنفس وفضلتا مساهره للصباح ابكي😭😭💔 لو كان أبوي حي م كان رضا اني أتزوج كده 😭💔 بكيت لمن نمتا وم عارفه نمتا متين بس صحيت لقيت مزن اختي بتصحي فيني وبتقول لي قومي دايرنك في الصالون 😳 إنتي عملتي شنوو؟؟😳 ح يقتلووك الليله😱😱 طبعا اخواني ناس صعبين وم بتفاهمو بس ربنا اداني قوه من ماف ومشيت قلت ليهم عندي شرط قبل اوافق وعليهو اوافق او ارفض طوااالي إمام اخوي عاوز يضربني كف وهو بكورك احنا ماعندنا بنات بتفاصحو وعايزانا نمشي ننقل شروطك للرجال زي الباطلين نقول ليهم اختنا قالت وقالت؟؟؟😳😳 وقبل يضربني قام عماد  مسك ايدو ونزلا ليهو بي قوه عماد دا اخوي ود أبوي وقال ليهو من حقها تشرط وتتشرط كمان واذا العريس ده كلامنا وشروطنا م عاجباهو يتفضل مع السلامه وسألوني شرطك شنو☹ قلت ليهم يخليني اكمل تعليمي 🙁 عماد قال لي خلاص انتي لما عاوزه القرايه يبقي مافي عرس من اساسو🙁 قلت ليهو احسن🙁 إمام قال ليهو ولا علي كيفا الراجل ده قال بخليها تقرا وتكمل دراستا يبقي العرس بكرا دي 🙁🙁
والعرس تما بعد كلموهم بي شروطنا ووافقو عليها وبقت مشكله بين إمام اخوي شقيقي وعماد أخوي الكبير طبعا اكبر واحد في أولاد أبوي اسمو عادل  دا لا بودي ولا بجيب😏 أمو كانت حاكماهو وممشيه كلاما عليهو وبعد عرس مرتو قلعتو من أمو ومشت كلاما هي عليهو🙄 والاتنين خلوهو لا بهش ولا بنش 😤بس الاتنين العندهم راي هم إمام وعماد بس والاتنين عاملين زي الريسين بتاعتين المركب اي واحد عاوز يمش كلامو كان عرسي عرس مسيخ وبايخ😰 ومافيهو اي فرحه الفرحه القالتا لي خالتي م شفتا منها شئ بزات انا عشان كنتا برا عند الجيران حابسني هناك وم حضرتا ولا شفتا حاجه بس جابوني من الكوفير وكان ملبسني توب وكنتا ضعيييفه بتجرجر فيهو ومقربه اقع😟 دخلوني سلمتا علي أمي والعريس جاريني من يدي وانا خاااايفه برجف وجسمي زي التلج بالخوفه وكان أبوي تما سنه ونص من وفاتو😔  و طلعنا وانا بعاين لي بيتنا وببكي بي حرقه 😭كانت اول مره اطلع بعد وفاة ابوي وكنتا خايفه من الحياه الجديده وانا لسه م مستعده ليها😟 وخايفه من المسئوليه وخايفه وميته خوف من الراجل البقيت مرتو وانا لسه م فهمتا للدنيا حاجه😓