انت أملي~،،💔

أنت أملي~23

كنت مكتئبه جدا😓 وم قادره امنع نفسي من التفكير لأيام 😢 في إنو الحصل دا حصل لييه🙄😓 شنو الغلط الأنا عملتو علشان علاقتنا تنتهي كدا😪 وفي عز احباطاتي دي أيمن أتصل وفضل يتصل كم مره😓😢 وانا بعاين للرقم ع شاشة تلفوني وجواي مليون احساس متناقض🥺😓 عقلي بقول لي كلام 🥺😓 وقلبي بقول كلام تاني 😪😥 كنتا مشتاقه ليهو ونفسي ارد وأقول ليهو مشتاقه ليك🥺😓 بس عزة نفسي منعتني واتزكرتا آخر كلامو لي كان كلو إنتقاد في إنتقاد🥺😢 ف خليتو يرن لما بطل يتصل ورفضتا المكالمه كمان 😕🥺 أحسن أنهي الحكايه بي إيدي وبي قناعتي أحسن مما ينهيها هو زي كل مره😪

ولأنو رجعت لي حالة للكآبه والاكتئاب من تاني😪💔 وعلشان افرق علي نفسي بقيت كل يوم والتاني انا عند وعد بزات وانو امي وسمر قاعدين معاهم بسبب الصيانه ال في بيتنا في مدني😥 وكنت بحاول اكون عاديه وطبيعيه وانا من جواي بتمزق حتت😪💔 وفي يوم ختيت تلفوني في الشاحن في الصالون حقهم إمام اخوي كان معاهم🙄 وجيت لقيتو شايلو في ايدو😢 اصلا م اهتميت لاني كنت بمسح رسايل ايمن اول بأول 😪 مع اني كان نفسي اخليها وهسا متحسره انها راحت😓😢 وبعد شويه لقيتو موصلو باللابتوب وبرضو م اهتميت وانا واثقه انو تلفوني م فيهو شئ😏😏 بس هو جنو يعمل حركات زي المحقق كونان واصلا عدم الثقه فيهو طبع من زمان !!🙄😒😕 بعد مده قال لي وعد جهزي اولادك وكلمي امي علشان ح اوديكم لي خالتي في امدرمان وكانت غريبه منو انو هو ال يقول يلاكم ح اوديكم🌚🤔 في العاده انو يحنسوهو ويرفض🙄🤔 عاصم راجل وعد رجع السعوديه عشان كده إمام ماخد راحتو في بيت ناس وعد🙄 امي قالت البسي امشي معانا قلت ليها لو ح تمشو وتجو في يومكم بمشي معاكم بس لو ح تبيتو م اقدر اخلي اولادي براهم أصلا انا ماشه لي أماني صحبتي ..قالت خلاص بسأل إمام يوصلك معانا مشت امي سألتو وجات قالت لي قال م عارف وقال انتي تستنيهو لما يوصلنا ويجي 🤔🙄 ضحكتا وقلت ليها يعني استني لاااامااا يمشي امدرمان اخر الدنيا وتاااني يجي عشان يوصلني وانا لو اخدتها كعابي أصل قبالكم😊 قوليهو شهد ح تاخد ركشه امي قالت لي قوليهو براك😏قلت ليها حاضر😊 ومشيت وبكل طيبه وحسن نيه قلت ليهو مافي داعي تكلف نفسك توصلني😊 انا ح اخد ركشه ولا وصلوني وانتو ماشين انا ممكن اشيل سمر ولا منيه بت وعد في رجليني😊 ومديت يدي ع اساس اشيل تلفوني وامشي🙄 زح لي يدي بعيد من تلفوني وقال طلعه من البيت دا م بطلعي الا علي قبرك 🙁🙁والتلفون دا اكسر ايدك لو تهبشيو ولو اضطريت اقفلك هنا بالمفتاح م ح اتردد😕 هزيت كتفي قلت ليهو وتقفلني لييه انا راجياك هنا😏😏 كنتا متأكده انو الدراما دي اخرا سوء تفاهم وانو في النهايه ح يطلع هو الغلطان😕 بس جواي كان في حبة قلق وحاولتا اتزكر اخر رسايل لي ايمن انا حزفتها او لأ🙄🤔 قلت لي نفسي حتي لو م حزفتها اخر كلام بينا كان كلو قصف جبهات لبعض🙁 واخر كلامو قال عني اني متصنعه😩🥺 وانتقدني علي الكلمات العالقه ع لساني من صغري من اللهجه الاماراتيه 🙄😓 زي كلمة محدا وكلمة صحبتي الانتيم🤔😒 واني بشتغل بكلام الناس اكتر من اللازم 😤😤 يعني كلامو كان كلام انتقاد م كلام حب😓 وحتي لو كان كلام حب 🙁 إمام م عندو عندي حاجه وانا م عدتا صغيره😕 😤 عشان كده م كنتا خايفه منو😕 وفعلا غاب زي ساعه ونص وجاء🙄 كنتا قاعده في الهول ومشغلا الشاشه بحضر 🙄 فصل الشاشه من الكهربا وشال الوصله بتاعت الكهربا العريضه وطبقا ولفاها في يدو😳😳 قلت ليهو فشنووو😳😳 قال لي ايمن دا منووو😡😡 ياحقييره يابت الكلب😡😡 قلت ليهو اوووعك تسئ لابوي وابوك 😤😤 رفع الوصله وبقي نازل فيا ضرب وهو بقول لي ابوك بهمك يامطلوقه😳😳 وهو بيضرب فيني بكل قوتو😱😱 مع انو الضرب حار ومؤلم ونازل فيني زي النار بس م كنتا حاسه اني اناا الغلطانه وربنا اداني قوة احتمال م عاديه😳😳 لو كان في زول حكي لي انو بشر احتمل الضرب دا وفضل واعي للاخر وبرد م كنتا صدقتو 😬😳😳بس كنتا عارفه انو هو الكلوو غلط في غلط م انا😕😔😔 عشان كده م خفتا منو ولا رجفتا😓 وهو كان بواصل ضربو فيني ويقول لي بتحبي واحد تافهه وبي مرتو كمان لو كان راجل كان جانا بالدرب😤😤 ويضرب ويضرب قلت ليهو التافه دا ارجل منك ع الاقل لامي اختو عليهو وشايلا في عيونو مش راضي تقعد مع راجل حرمانه عليهو في بيت واحد سنه كامله😩😩 واداني كف ورا كف 😓 وانا لسه بتكلم.... البتقول عليهو تافه دا خلاني عشان مرتو وعشان بيتو م صايع من واحده لي واحده زيك😤😤 وكان بمسكني من شعري ويضرب راسي في الحيطه لما اتجرحتا وشي بقي كابي الدم وكنتا برضو بتكلم م سكتا😓 انت فااكر احنا م عارفنك؟؟ احنا محترمنك بس عشان امي وكلنا عارفنك😳😕انا م جيت ليك حامل بالحرام ولا قبضوني في بيت كعب😕 وهو يضرب ويكفت لما واحده اسناني التحت اتكسرت وبقيت أنزف دم😓😱 وبرضو م سكتا كان بمسك الوصله بأيدو الشمال ويضربني كف لما اقع ارض وتاني يمسكا بي ايدو اليمين وينزل فيني ضرب وانا م ساكته 😓😩وبقول ليهو البتتكلم فيهو دا انضف منك ع الاقل م بصور بنات الناس الهو غشاهم ويملا زاكره بالصور دي زاكرتك يااستاذ عند حاسم لقاها ٫٫٫ عرفتا ليه حاسم بقي م بحترمك😓 م كنتا حاسه بالضرب كان جسمي كلو اتخدر من كتر الضرب المتواصل وبرضو م كنتا ساكته😳💔 ... اذا غلطتا دا بيني وبين رب العالمين وربنا غفور امشي انت شوف البنات ضحكتا عليهم بي قروشك وبي دهبك وعرباتك😤😤 امشي شوف كم واحده حملت منك بالحرام ولملم اولاد الحرام بتاعنك😖😓 كنت بستفز فيهو علشان يموتني وارتاح😭😭 كنتا بايعه الدنيا كلها الساعه ديك😔💔ضربني لمن فتر وحيلو اتهد😓💔 وشال تلفوني رماه في الارض كسرو حتت وقال لي من الليله انا لاخوك ولا بعرفك😤😤 ... قلت ليهو م بشرفني انك تكون اخوي كفايه حاسم وعلي وأحمد رجع تاني عشان يضربني بس إتراجع وكان وشي كلوو بنزف دم وخشمي بنزف لما الدم بصل الارض ونخريني بتنزف لما الدم بخش خشمي ومن كتر الكفوف اضنيني كمان بقت تنزف😓 وم كنتا حاسه بحاجه ولا كنتا ببكي كنت بشهق من ضيق النفس الحاسه بيهو بس م كنتا ببكي😓 طلع ودور عربيتو وفات حتي بديت ابكي😭😭وفضلتا ع الحال دا م بعرف كم!!!😓 وفجأه الباب فتح ودخلت سمر وحاسم ..سمر من شافتني بقت تصرخ وتكورك😩😩
وحاسم مخلوع وبكورك فشنووو؟؟؟؟😳

#يتبع،،،،،

إقتباسهه ،،،،،

أنا انثي نهار اتيت للدنيا ،،،،

كان نهار إعدامي !!!!

لم أر محكمتي ....

أو وجه حكامي .....

فقط !

سمعت قرار إعدامي ،⁦،،،،

جريمتي إنني انثي💔