(عالقون ع الزاكره)
غلطان البظن انو زاكرة الانسان بتحتفظ بالاحداث؟؟🙄
ابدا !!!؟
زاكرة الانسان بتحتفظ بالمشاعر وتربطا بالاحداث وبالتالي تربطا بالاشخاص🤔🙄 دي م حقيقه علميه دي رؤيتي انا في الحياه ...
بالنسبه لي انا في ناس كتااار عالقين لي في زاكرتي م ح انساهم ابدا حتي لو نسيتم ح ارجع اتزكرهم بسرعه في اي موقف ممكن يزكرك ليهم يبعث جواك نفس المشاعر سواء كراهيه او حب او احترام او حتي ود😊وفي ناس هم السند هم الاساس حياتك بدونن ناقصه او فاقده الطعم🙄 لانهم الاساس في حياتنا والباقي هوامش
وبالنسبه لي امي وابوي بي ذكراهو واولادي ... 😊 كانو السند والاساس وأخواتي وأخواني كانو دعايم اولي بعد السند😊 واخواني اولاد ابوي وخالي بي زكراهو واولاد خالي كانو دعايم ثانويه😊 وفي ناس ليهم مكانه في الزاكره ح احاول اذكرهم ع حسب قوة الذكري بتاعتهم جواي سواء شر او خير🥺
وأول الناس الليهم زكري🌹
1⃣_اماني ...
كان كل م تجي سيرة العمر انا بتعقد لاني بصراحه م عارفه هل اعبش عمري ولا العمر المفروض علي بحسب عمر أولادي !!!🙄😓 يعني انا زاااتي م عارفه هل انا كبيره ولا صغيره م عارفه نظرة الناس لي شنو؟؟؟ 😢 بزات ال م بعرفوني من زمان🙄🥺 وكتيير بسمع كلمة خالتو من ناس اكبر مني بس اولادهم صغار وانا اولادي بقو طولي😪 وكانت نسيبتي الله يرحما علشان تعقد حريم اولادا الباقين كانت دااايما بتردد شهد دي صغيييرااا خالص انا لمن جبناها شافعه🙄😢 ودا طبعا عمل لي كتله من الناس البكرهوني🙁حتي الكانت بتتعامل معاي كويس من حريم حمياني كانت بحس بيها منافقه وعاوزه تعرف اخبار وشمارات مني علاساس اني الوحيده العلاقتي كويسه معاهم🙄 المهم نرجع للعمر😟 كان لبسي متناقض في الفتره الاخيره مرات شيك واستايل وحاجات حلوه وتياب راقيه والوان متناسقه وشياشب عاليه زي م انا بحب ومرات تياب ساده والوان غامته واي خامه والسلام اي تشكيله والسلام واي لون وخلاص😧 ومافي زول ملاحظ للتضارب دا غير سمر اختي😥 طبعا هي اقرب زول لي😊وبجد علاقتنا حلوه ببعض وبخاف عليها وبتخاف علي اكتر من اخواتي كلهم😊 في يوم قالت لي ياشهد عاوزه اعرفك علي زول😁 بس الا تمشي معاي تشوفيهو😊 ومشيت معاها وانا فاكره البت ربطت ليها مع واحد وعاوزه توريني اهلو😛 ...ومشينا لقيتم ناس حلويين وظراف ودمهم خفيف تحس انك بتعرفهم ليك سنين😊 بس لاحظتا انهم قاعدين براهم وكانو اربعه بنات تلاته صغار عمر طاشرات 16 _17 _18 وواحده كبيره عمر كم وعشرين يعني آخر العشرينات كده🙄 وبقينا نتونس وحكاويهم مضحكه وونستهم حلوة واحده فيهم ياها صاحبة سمر واسمها جوجو وشفتها كتيير مع سمر والباقين اول مره اشوفهم قامت الكبيره قالت لي سمر والله اختك ظرييفه ياسمر🥰🥰 قمتا انا اتراشقتا🌚 وقلت ليها انتي الاظرف ياأخت جوجو😊 وهنا كلهم انفجرو ضحك زي الكأني فكيت فيهم غاز الضحك😬🌚🙁 لما اتعقدتا انا🥺 قامت جوجو قالت لي دي امي ياشهد م اختي لكن😱😳 طبعا انصدمتا😳😳وقلت ليها لالالا م تلعبو علي انتي وسمر دي كيف تكون امك وهي قدرك😕😏 اختهم قالت لي وهي بتضحك ااااي انا امها😅 وبعد داك عرفتا انو امهم اللي هي أماني اتزوجت بدري وهي صغيره وجابت البنات ديل وبعد داك راجلا طلقا وهم هسي عايشين مع اخوانا🙄 اماني قالت لي يابت تعالي نتونس برانا خلينا من الفتوات البايرات ديل😛 وجرتني من يدي ومشينا قعدنا في الهول برانا
وحكت لي قصتا🙄
اكتشفتا انو اماني عاشت نفس حكايتي بالكربون😓 نفس الغيره🙄😓 ونفس كواسة المشاكل وكمان الطلاق💔😪 قلت ليها بس انتي لسه حلوه وصغيره لييه يطلقك😱
اماني قالت لي م برضو انتي هدي صغيره وحلوه وطلقوك😏 قلت ليها بس انتي صغيرونه اكتر وماشاء الله عليك حلوه والله انا لي هسي انا م مصدقه انو ديل بناتك😳ولما قارنا تواريخ ميلادنا اماني طلعت اكبر من بي 8 سنه😳😅 بس بجد م باين عليها وهي لبسها استايلا بناتي اكتر من كونو حريمي وعبايات وبناطلين وكده😅
ومن اليوم داك واماني بقت صاحبتي وتؤام روحي والعارفه بكل اسراري وشكلت لي مصدر قوه وثقه بي نفسي😊 ... وهي زوله مرحه وعفويه وبتحب الونسه والضحك 😊لسانا شويه فالت منها🙊 لدرجة اني بقول ليها انتي قلبك ميت🙁وهم طبعا هي وعائلتا كلها الناس البقولو عليهم الاوبن مايند🙄 وديل طبعا م زينا يعني العقد والكبت ال في عايلتنا دا م عندهم لما ازورا بحس انهم حلوين وعايشين صاح بس بحس انو الكلام ده م بليق بينا🙄🤔 لييه م عارفه 🌚🥺 واماني مع انها مجنونه بس ماشاء الله ربت بناتا نعم التربيه😊ولما اشوفهم وهم بتونسو معاها بدون تكلف زي الاصحاب بحس بالغرابه🙄 لانو احنا م عشنا جو صحي وحلو زي دا من يوم مات ابوي 😥
#يتبع ٫٫٫٫
#إقتباسهه ٫٫٫٫
سأكتب عن صديقاتي 😕
فقصة كل واحدة ..
اري فيهاااا ....
أري ذاتي ...😢
ومأساة كمأساتي😪
بلا خوف ... سأكتب عن صديقاتي😦
عن السجن الذي ....
يمتص ...
أعمار السجينات ...😟
عن الاغلال ...
دامية ..
بأقدام الجميلات !!😕
عن الاشواق والدموع
تدفن ....
علي قطن
الوسادات ...😓
عن الهذيان والغثيان الدوران في اللاشئ ...🙄
عن الموت
البطئ وعد الهنيهات😔
صديقاتي !!!!🥺
تماثيل في متحف مغلق ...
نقودا ..لا تشتري
ولا تنفق !!!
اسماك في احواضها
تخنق !!!😩
صديقاتي !!!
رهائن ...مثلي
تباع وتشتري ...
في سوق الخرافات
سبايا ...
في سجون الظن ...
موتي غير أموات
صديقاتي !!!
يمتن يعشن كالعطر ...
في جوف
الزجاجات ...
صديقاتي !!!
عصافير في
اعشاشها ماتت
بغير أصوات😪💔
أنت تقرأ
انت أملي~،،💔
Romanceقصه واقعيه مخلوطه بقليل من خيال تبث فيها شهد بطلة الروايه حكايتها وآلامها وشئ من لحظات سعاده عابره ٫٫٫٫ فيها الكثير من المسكوت عنه في هذا المجتمع الظالم💔
