انت أملي~،،💔

انت املي 11

كلام وعد  وراجلا وقع علي قلبي زي السكين🥺💔 فكرة انو سمر تمشي تخليني قبل الولاده م كانت وارده علي بالي نهائي😳😓 يعني ح ارجع للاكتئاب والنفسيات من جديد😫🥺وقلت ليهم خلوها لي انا محتاجه ليها😢🥺 وعد🤚 قاطعتني وقالت لي احنا كلمنا إمام أخوي وقال لينا امشو سوقوها 😏واصلا هو م مرتاح لي وجودا في بيت عبدالمنعم دا🙁 هنا قاطعتا سمر وقالت ليها بس انا مرتاحه😏😠( وسمر طبعا م زيي  شخصيتا قويه ومن صغيره بتفرض رايا علي الناس ومرات بحس بيها شريره ولئيمه عديل ودا العاجبني فيها هي اقرب لي شخصية وعد زاتا بس سمر اخف قدرا) وهم الاتنين اقرب لي شخصية اخواني الاولاد بزات إمام وعماد وامجد لكن انا ورهف ضحايا العايله العجيبه دي احنا كنا العرب وهم اسرائيل😕😢) ... سمر قالت ليهم انا م بخلي شهد براها✋ عاصم راجل وعد قال ليها
_هي م براها😏 عندها بت واولاد سمر ردت ليهو
_ وانتو عندكم بت اكبر منهم وعندكم اولاد😒😏 
_ بس منيا  بتنا ممتحنه شهاده ومافي زول بساعد وعد أختك😏😕 
_ جيب ليها حبشيه😏😒

  ٫٫٫٫٫طبعا انا قاعده اتابع في الحوار  دا ومتكيفه🙊 من لئامة ومساخة سمر معاهم وعرفتهم م ح يقدروها😅 عاصم قال ليها
_اختك م بتحب شغل الحبش والشغالات😒
_خلاص ساعدا انت😏😏 في النهايه زهج وقال ليها  _يعني م جايه معانا😤😤   _ااااي م جايه 😒🙁
  _ بنكلم ليك يوسف يجي يكسرك😳😬 
_ اشرب من البحر انت وهو😏😏 كان م بتعرفو تعال بوصف ليك😏😏
عاصم قعد يضحك وقال ليها _خلاص بشتري ليك تلفون سمح😉😁 
_ العندي دا مكفيني السمح دايره اعرسو😅😅...قويااا ياسمررر😅
وطلعو مننا زعلانين وانا وهي انفقعنا ضحك😹😹 بعد فاتو قالت لي والله م امشي اقعد معاهم الا امي تجي😬😬 قلت ليها لييه😳😳 قالت لي وعد دي حقاره تدرش الواحد لمن عينو تطلع وبعد تهريك مراسيل ولمن اقول ليها م ماشه😕😕 يطلعوني قليلة ادب وم بسمع الكلام😩 طوااالي اتزكرتا لمن كنتا عروس هبله وعويره كانت تسوقني تقوليهم عاوزه ادخنا واحننا وتلم لي هدوم عاصم راجلا تقول غسليها لي انا تعبانه وتمشي الجيران تتونس😔😢 وزكريات تانيه كتييييره وكنتا عارفه انها انانيه وغيوره وبتحب نفسها بس لكن هي اختي ح اعمل ليها شنو 🤷‍♀ غير اني اتقبلا كده مهما عملت😞😓
بقينا انا وسمر نمشي السوق نشتري حاجات😊😍 وحسيت انو المره دي ح اولد مبسوطه وفرحانه مش كل ولاده نكد زي كل مره🥺😤 بزات انو منعم مبسوط عشان م قلتا ليهو عاوزه قروش 😏وشايف الاكياس الكل يوم داخلين بيها وبتاع الديكور الكل يوم يجي يركب حاجه وجددت دولاب المطبخ وبعتا سرير الدبل واشتريت سريرين من المحاميد😍😍 والبيت بقي روووعهه😊 ويفتح النفس بس انا كل م اتزكر اني ح الد زولين اخاف واتغما🥺😰 لمن جا يوم بطني وجعتني واصلا احنا حاجزين في  مستوصف خاص ع اساس انو ممكن تكون قيصريه وانا بدعي ربنا كل يوم انها تكون قيصريه🥺😢 جاني وجع شديييد من البدايه😳😳 وم كان معاي زول غير سمر وهي م عندها فهم ولا خبره في الحاجات دي رسلتها لي  استاذه منجده جارتي وصحبتي وقلت ليها قول ليها تعالي سريييع😬😩 سمر جرت كلمتا في دقيقتين جاتني منجده وامها كمان ورسلت اخوها جاب تاكسي🥺 وقالت ليهو اطلع اقرب مستشفي قلت ليها بس احنا حاجزين في الزيتونه ردت لي امها قالت لي بي حالتك دي اقرب مستشفي لو وصلتيهو كويس😳😳 التيمان بجو بسرعه😳😳 وفعلا بس اول م دخلنا  وقالت ليهم عندها تيمان طوالي دخلوني الولاده مع انو الحالات القدامي كتيره شديد🥺😬 الدكتوره قالت ليهم دي حالت ولاده سرييعه تعالو ساعدوني وفي خلال ثواني بس ولدت البت أول😳😳 وانا جسمي برجف وم معاي غير منجده وامها ماسكين في ايدي وام منجده وبتقرا لي في القرآن😰 رغم جوطة الدكاتره الخوفتني بس قرايتا للقران طمنتني  ووضعتا التيمان في سلام🥺 وكانو بت وولد😇 كان الدكاتره بتكلمو بالانقليزي جمبنا وسامعاهم  بقولو انو واحد من التيمان ح يموت😳😳 وشي فهمتو وشي م فهمتو عشان المصطلحات حقتهم م بفهما بس الفهمتو 😱😱انو في حاجه غلط وممكن واحد منهم يموت😱😭😭  بقيت اصرخ فيهم في شنوو وروني فشنووو لييه بتقولو انو اولادي واحد ح يموت 😩😩 بقو يهدو فيني وقالو لي احنا م قلنا ح يموت بس الولد جا ناقص  اكسجين لازم نختو في الحضانه سرييع عشان م يموت وفعلا هسي هو في الحضانه ووضعو مستقر وتمام بس لازم كل ساعتين تمشي ترضعيهو  ٫٫٫٫٫٫   اليوم التاني الصباح صحيت ولقيت روحي في العنبر😥 وجوووطة الدنيا كلها حواالي صوت ناس والصدي مضخم الصوت زياده لما صدعتا انا😢🥺 بس لقيت وعد وامي وسمر جمبي وم كنتا حاسه بي اي وجع الحمدلله😊   علشان كده فرحتا لمن شفتهم وسلمتا عليهم مبسوطه😊 امي بعد سلمت علي قالت لي انتي يابت اي ولاده ليك تقطعي قلبنا كده فيها لييه😫🙁انتي م تكلميني بمواعيدك عشان اجيك احضر ولادتك😬 قلت ليها انا ولدتا قبل مواعيدي بي 21 يوم وبعدين انتي راجياك قعده طويله ياحاجه بزات ديل تيمان يعني م ح تمشي قبل يتمو اربعه شهور🙂 قالت لي انا كان قعدتا ليك للاربعين كويس😕 انتي عارفاني م برتاك في بيت زول😕😏  قلت ليها عشان كده م كلمتك بي مواعيدي عشان م تزهجي وترجعي قبل ولادتي😅 التيمان كانو نايمين وشكلهم حلوووو شديد زي الملايكه😍😍وبقينا نفتش في الاسامي للتيمان قام ابوهم قال سمير وسميره  😳😬 امي قالت لي راجلك دا من سنة حفرو البحر😅 اختو قالت امير واميره بس انا م عجبوني😒 قلت ليهم عليكم الله شوفو لي اسم غير فلان وفلانه ديل😒😕 بقو يختارو ويختارو وكلها اسامي م حلوه قلت ليهم طيب راما ورامز  قعدو يضحكو قالو لي رامز جلال😅 يقوم يطلع ليك زيو ويعمل ليك جلطه كل يوم😅 لمن جا منعم وكلمناهو بالاسامي عجبوهو ووافق عليهم 😊 بس شويه جات اختو سهام باركت  وحمدت لي السلامه وهم قاعدين قلت لي سمر اديني راماا قامو الاتنين بي صوت واحد قالو لينا راما؟؟؟😲😠دا اسم كفار😡😡 واتلفتت حياة اختو لي منعم قالت ليهو😒 تعال عاوزنك☹😠 وطلعو التلاته🙄عمتهم اخت ابوهم قاعده جمبي قالت لي الليله ح يهرشو ويحرشو ليك ياهو الاتعلمو من اهمهم يااما حرشت خليل اخوي علينا😳😢 وفعلا جا قال لي
_ اسم  راما ورامز ديل م ح نسميهو ليهم شوفي ليهم اسامي تانيه😕
قلت ليهو
_ ليييه☹☹ 
_ دي اسامي كفار😤
_يعني انتو الاسلام الكاتلكم كدا😤☹ انا ملبت من تدخل اخواتك في حياتي بي حجج واهيه😤😤
_ قصدك انا بسمع كلام اخواتي😡😡
_ ايواا⁦☹️⁩