انت أملي~،،💔

أنت أملي ~ 13

بدون وعي ولا تفكير مشيت نزلنا الشنطه الكبيره من راس الدولاب وبقيت اشيل الهدوم من دولاب التيمان وارمي فيها م عارفه ختيت شنو وخليت شنو😕 لبستا التيمان شنو انا م عارفه😩😓 وفوق ملابسي زاتا لبستا عبايه😕 وجريت الشنطه للحوش لقيتو واقف في نص الحوش😠😠 اتمنيت اشوف العمي ولا اشوفو😡 قال لي شهد تطلعي من البيت دا تاني م تجي راجعه🙄😏 اعتبري روحك طلقانه لو طلعتي احسن نتفاهم برانا م تكبري الموضوع بطلوعك من البيت بالطريقه دي😖😖 جريت التيمان وطلعتا 😠😠كنتا عارفه انو سكاتي خوفو بس كنتا خلااااص مليت بجد😤😤 لحقني في الشارع وقال لي شهد انا اسف ارجعي بيتك خلاص🥺 قلت ليهو الكلمه الانت قلتها تنشق ليها السما والارض وتطير فيها رقاب وانت م اسئت لي انا وبس انت اسئتا للناس الربوني😤😤😠😠قال لي خلاص معليش تعالي راجعه البيت نتفاهم😓 وطوالي رجع البيت ع اساس ح اجي لاحقاهو😠😠وانا م كان عندي اي استعداد لي رجعه تاني😩😩 خلاص اكتفيت منو ومن أغلاطو اللي م بتنتهي😓😤 وأكتفيت سكات😩🥺 واكتفيت نكد 😓 وقفت تاكسي ونويت حتي م ارجع اشيل شنطة الملابس وحتي اولادي الكبار أياد وأسيل وأيهم خليتهم وراي😭😭م كان عندي رغبه ارجع ونفسي اتسدت من الكلام🥺😓 خليتهم وانا عارفن انو اخواني ح يجيبوهم لي🙁 وطلعتا
٫٫٫٫٫ شويه وتلفوني رنه لقيتو عبدالعزيز اخوهو وقبل يسلم سألني
_ شهد انتي وصلتي بيت اهلك؟؟؟
_ لأ لسه
_ طيب الله يرضي عليك ارجعي ولا انتظريني مكانك انا جايي عليك
_ انا م راجعه ياعزيز اخوك م خلا لي نفسو وش عشان يرجع يقابلني بيهو خرب وشو بالمره وانا م عندي كلام معاك او معاهو كلامكم مع اخواني بس😬😤
_ علشان اوالادك ياشهد وعلشان بيتك م يخرب والله منعم اخوي هسي ندماااان وسافي التراب بس الموضوع لو وصل لي اخوانك ح يركب العناد وانتي عارفاهو
_ طيب انا المطلوب مني شنو؟؟؟؟
_ والله لو انتظرتيني مكانك انا جايي عليك هسا والله تكوني اكرمتينا وم كبرتي المشكله
_ طيب منتظراك😓

وفعلا عبدالعزيز اخوهو جاء ومعاهو راشد كمان وساقنا بس قلت ليهو م ح ارجع البيت انا الا اسمع الاعتزار ده منو وفي وجودهم هم الاتنين🙁🙁 قالو لي دا من حقك ومشينا بيت ناس وعد اختي لانو أقرب لينا وكمان انااا عاارفه نسوان اخوانو ح يشمتو علي لانهم انطردو من بيت نسابتي وانا بس علاقتي كانت كويسه معاهم او ع الاقل دا الفاكىنو هم🙄😓 علشان كده لما عبدالعزيز اقترح انو نمشي بيتو رفضتا😕
٫٫٫٫٫ لمن دخلنا بيت ناس وعد وانا كان عيوني اتورمت وبقو حمر من البكي عاصم راجل وعد لمن شافني بقي يقول فشنو فشنو😳😳😳 كلموني فشنو؟؟؟ افتكرنا شايلين خبر موت😳😳 عزيز وراشد الاتنين بقو يقولو ليهو مافي حاجه والله مافي حاجه عاصم قال ليهم طيب مالكم زي الشايلين خبر🙄😳 عزيز قال ليهو لا بس منعم وشهد حصل بين سوء تفاهم واحنا جايين نصالحهم عندك لو م عندك مانع🙄🙄 قال ليهم ابدا اخدو راحتكم وانا زاتي كنتا طالع الاولاد مشو الحدايق وانا قلت ليهم بجيكم بعد المغرب هسي انا ماشي عليهم وفعلا خلانا وطلع عزيز قال والله كتر خيرو طلع زول عاقل والله
بعد شويه سمعنا صوت الباب راشد مشي فتحو وسمعتا راما وىامز يكوركو بابا بابا 🙄😤😤 وحضرتو جا خاشي وقعد بعد سلم علي عزيز اخوهو وفضلنا ساكتين كلنا😒 كل واحد راجي الباقين يتكلمو واتكلم عزيز قال ليهو
_ اسمع يامنعم شهد دي احنا بنعرفا من 15 سنه والله القعدتو عندنا م قعدتو في بيت ابوها احنا ديل البسألونا عن اخلاقا مش اهلا🙁 وم عندها اهل اكتر مننا والله ومن خلق السماء بلا عمد تغلط فيها تاني الا تلقاني انا في وشك😤😤 مش اخوانا 🙁وحسابك بكون معاي انا وهسي قوم سلم علي مرتك وسلم ليها علي راسا لانها طلعت اعقل منك واكرمتنا بي رجعتا لي بيتا😟😟
٫٫٫٫٫ وبدون اي كلام قام سلم لي علي راسي🙄🙄 ورجع قعد في محلو عزيز قال لينا يلا قومو ارجعو بيتكم وبرضو بدون اي كلام قمنا كلنا وطلعنا عزيز قال اركبو اوصلكم بيتكم منعم قال ليهو بناخد تاكسي م نأخرك امشي انت بزات انو الدنيا مطر والشوارع كعبه وفعلا عزيز وراشد فاتو ونحنا رجعنا البيت ووقف التاكسي واشتري باسطه وعنب وكيك للاولاد🙄🙄 كنتا عاوزه ارد ليهو علي حالة الكرم المفاجئ البتجيهو لمن يكون غلطان 😣😣 بس حتي م كان عندي نفس اتكلم معاهو والكلام مات ع شفايفي قبل يطلع وفقدتا الرغبه في الكلام😪

#يتبع ٫٫٫٫

#اقتباسهه٫٫٫٫

سماء مدينتي تمطر ...
وعيوني متلها ..
تمطر ......😭

انا حزني رمادي
كهذا ...
الشارع المقفر ... !!

انا نبات صبار
لا يزهر
ولا يثمر ...😓

حياتي ...
مركبا حائر
تحطم
قبل ان يبحر .... 😪

وأيامي مكررة
كصوت الساعة
المضجر .... 😬

فكيف وانوثتي ماتت
وانا ماعدت استفكر
بمن اهتم ... 🙄
هل شئ ...
بنفسي؟؟؟
بعدما ... دمر😔

فلا صيفي انا صيف
ولا زهري انااا
يزهر ... 😢

حياتي كلها عبث
فلا لخير ...
اعيش انا .. !!!
ولا شئ استنظر 😔