انت أملي~،،💔

أنت أملي~26

(عالقون ع الزاكره)

الجزء الثاني

2⃣_ باسم محمود
ودا ود خالي _ باين من الاسم طبعا_ من صغرنا بحكم تربيتنا مع بعض في في الغربه كان باسم هو الزول البهرشنا وبشاكلنا لمن نغلط 😊حتي مؤمن اخوهو الاكبر منو كان بهرشو لانو مؤمن مسكين ومسالم م زيو وكنا لمن يكاوينا الا نتلما عليهو انا ورزان وعادل  اخوانو حتي نقدر عليهو وهو طبعا اكبر واطول مننا بي كتير😛
وكبرنا واتزوجتا وبقيت م بشوفو الا صدف حتي حكاية انو هو اتقدم لي لما حكتا  خالتي لي منعم  راجلي انو اتقدمو ليها خيرة شباب العايله بس رفضوهم وحسبت باسم مع الجماعه انا م صدقتها لانو تعاملو معاي عادي وانا مش بعتبرو اخوي لا انا كنتا مقتنعه انو هو اخوي🙄
ولما منعم طلقني بسبب اني ركبتا معاهو في العربيه كنت بكورك فيهو بقول ليهو دااا أخوي وكنتا بفرح بي شوفتو زي م بفرح بي شوفت حاسم وأحمد وعلي اخواني ولما شال مني الصينيه _الورطوني فيها_ في عرس لينا بت خالي  (ودي حكايه براها إنو أولاد خالي عثمان أكب  واحد فيهم يوم عرس اخوهو حلف طلاق الا شهد تشيل صينية الغدا براها علشان عارفني م ح أقدر عليها كمان عاوز يثبت انو نسوان البلد احسن مننا وقال إحنا نسوان أي كلام ولولا باسم كنت وقعتا علي وشي وانا شايلاها) 😰 جيت منو رسايل في الواتس بقول لي فيها انو تاني م امشي ولا اخش محل الطباخ في مناسبات العايله وقال لي خلي الشغله دي لي غيرك م بتناسبك انتي🙁 قلت ليهو حاضر وم اعتبرتا فيها حاجه🙄 ورجعتا قلتا ليهو طيب مالك م منعتا وعد كمان😕 ليي انا بس😤 قال لي وعد قويه وبتحسمهم م زيك😏 انتي م بتعرفي شباب العايله قدري🙄 طبعا اعتبرتها فرز وحقارات منو وزعلتا بس م حبيت اكتر الكلام معاو😕 ويوم عرس اخوهو عادل الاصغر منو كان اي زول بقول باسم م عرس لييه وم كان يعرس مع اخوهو بدل يخليهو يسبقو🙄وعندو خالتو اخت امو كل م تشوفو تقول ليهو باسم الباير😕طبعا غاظتني المرا دي😤😤وطوالي رديت ليها قلت ليها هوووي وتاني هووي يبور مالوووو وجيييه ومكمل الوجاهه ومحااامي قدر الدنيا واحلي بنات فيك يابلد تتمناهو بس احنا الماعاجبننا😏😏 جا اخوهو عادل _العريس_قال لي ابششري😅 وقلبناها زغاريت ونسينا الموضوع😅 امي جات قالت كمان بقيتي رداحه😕 بس بركه السكتيها 😬😅كمان دايره تتكلم في اولاد اخوي😕
سمر أختي بيتت معاهم قالت لي المسا بعد مشينا امي وامو ومؤمن اخوهو عملو ليهو جلسة تحقيق ليييه ولييه انت م عاوز تعرس وانت م صغير وامكانياتك كويسه مافي شئ بمنعك العرس😕وكان بقول ليهم انو م عاوز يعرس نهائي وانو فقد الثقه بالبنات كلهم🙄 بعد الشافو والبشوفو كل يوم بحكم انو محامي وقال ليهم انا بشوف البنات بكونو مغطنهم بالملايات وقابضنهم في اوضاع مخلله وبشوفهم في الاستوبات بشحدو النوم مقابل القروش وعاوزني اثق وامي وامو يقولو ليهو ديل م بنات ناس احنا مالنا ومالم وباسم يقول ليهم انتو مغشوشين كلل البنات كده وانا ياما شفتا وكللو مر علي مافي بت بتتستاهل اضيع عمري معاها😕 وطلع فات خلاهم وامو بقت تبكي 🙄احنا لمن جينا الصباح لقينا عيونا مورمه قلتا لي سمر خالتو منال مالا ...حكت لي الحصل امبارح😕
وفكرتا اني اتدخل واتكلم معاهو يمكن يسمع لي كلام🙄وفعلا انتظرتا لما بقي براهو ومشيت اتكلم معاهو🙁 وبعد م سألتو من احوالو وانا بحااااول الف الموضوع لي سيرة العرس وكدا🙄 هو براااهو جابا لي وقال لي امبارح قالو لي ردحتي لي مها خالتي ردح شديد😅 وبقي يضحك قلت ليهو تعال هنا يعني انت عاجباك قولت باير دي😕😤 اختصرني وقال لي اي عاجباني😏 قلت ليهو بس احنا م عاجبانا ليك😕 قال لي الموضوع دا انتو كلكم م عندكم حاجه غيرو😕😤 انا امبارح حسمتو مع امي وعمتي وخلاص .. م تفتحيهو لي تاني🙁 قلت ليهو شفتا حنك انا م بثق في البنات وم عارف شنو انا م بمشي علي انت عندك واحده داسيها مننا شكلك ويمكن خايف خالتو منال م توافق عليها مش كده🙄😕 (طبعا السيناريو دا م جبتو من راسي دا كان الحصل لي مؤمن اخوهو كان مرتبط بي زميله معاهو وكمان كان صارف عليها ولمن كلم امو يخطبوها ليهو امو ابت كلو كلو  وقالت  البت شينه واهلها م عاجبنها وقدر م دخل اجاويد ابت ليهو ومشت خطبت ليهو بت اخوها وعرسا غصب عنو🥺😳 ) لمن قلت ليهو كده ضحك وقال لي انتي قايلاني انا مؤمن😏 انا لو اقتنعتا بي بت من خشم الاسد بقلعا😏 قلت ليهو يعني انت م مقتنع بي اي بت نهائي نهائي😳😓 قال لي لأ ...مقتنع بي واحده بس🥺 قلت ليهو خير😄خلاص م تلكمنا نمشي نخطبا ليك الليله دي😍 قال لي بس انا م عارفه مطلقه ولا لأ عشان ارسلكم تخطبوها😊 ضربتا صدري بي يدي وقلت ليهو سجمي😳😳( ودي حركه تدل علي الخلعه وكدا😛 ) كمااان معرسه ومطلقه😳😳 انت جنيت ياباسم قال لي وعندها سته اطفال😁 قلت ليهو وووووبعلي وووووبعلي😱😱 دي عامله ليك عمل وفقيرا شاطر😳😳 بقي يضحك ويضحك لما دموعو جرت قلت ليهو ياخ عليك الله بطل الهظار البايخ دا😕😤 هسي انا صدقتك وقلت خالتو منال لو ح تكتلك وتدفنك هنا في البلكونه دي والله ريحة العفنه تكتلنا وم تخليك تعرس الحيزبونه دي😬😛 رجعت ملامحو جاده تاني قال لي والله العظيم م بهظر انا بس ضحكني كلامك😂😂 قلت ليهو طيب كدي فهمني بالعقل كدا🙄🤔 باسم محمود المحامي القادر ومقتدر بحب ليهو واحده اكبر منو ومطلقه وعندها اطفال ليييه😳😳دي بي بنزين م بتنبلع لي😕 قعد يضحك تاني وقال لي بس هي م اكبر مني والله اصغر مني بي كتيير كمان 😊 بس دفنوها بدري😕 قلت  ليهو انت البضمنك شنو انها  صغيره ولا عرسوها بدري😕 م يمكن عجوووزه قدر جدي😕😤بقي يضحك تاني وقال لي عشان شلتها وهي صغيره وكبرت قدام عيوني🥺 بقيت افكر😳🙄🙄 دي منوو🤔و دي منوو🤔 وديتا لي اهل امو الحلب ديلك🙄 قلت ليهو طيب اسما منو😁 قال لي م بوريك😕 بقيت احلف فيهو عشان اعرف اسما وامشي ادق ليها جرس😤😤😕رفض نهائي يوريني وهو بضحك لمن قلتا باسم دا م يكون بالع خرشه😱😱 اصلا محامي والمحامين ديل عارفين محل السجم والرماد كلوو تلقي جروهو لي حاجات زي دي😱😳 قلت ليهو باسم انت واعي ولا بالع خرشه😳🙁🙁 بقي يضحك زياده وقال لي القال ليك الخرشه بضحك منوو؟؟😹😹😹 وكان بضحك لما م قادر يتنفس يسكت شويه وتاني يضحك🙄🤔 قلت ليهو خلاص اديني اماره اعرفا بيها عليييك الله🥺 كنتا مصصره اعرفا😤قال لي خلاص بديك اماره هي بتحب الافلام الاجنبيه شديييد وقناتا المفضله mbc2😊 عاينتا ليهو كده😒😏 وقلت ليهو يعني هسي انت جادي😒 انا ح امسك بنات العايله كلهم واسألهم انتو بتحبو mbc2 ولا لأ😕😤 بعدين زولتك دي قديمه قوليها واحده احسن منها اسمها Top movie😕😕 رجع يضحك تاني وقال خلاص انا المعلوماتي قديمه يعني😅 قلت ليهو اهاااا اديني اماره محدده😕😕 قال لي طيب ح اديك اماره وتاني م تجي تسأليني نهائي عن اماره تانيه فاهمه😉 قلت ليهو كويس هات بس😕 قال اسمها  بمعني خلاصة العسل ومن تلاته حروف الحرف الأول مع التاني بمعني جزب والحرف الناني مع التالت بمعني حطم😜 ضربتو في راسو وقلت ليهو انت لسه مع الألغاز دي أنا قعد أصدع منها🥺😢 ضحك وقال لي انا كنت فاكرك عرفتيها خلاص 😹😹قلت  ليهو انت فاكرني انا المحقق كونان😕😕 وهو يضحك ونادوني قالو لي تعالي اعملي قهوه ومشيت خليتو بضحك وخشيت المطبخ ختيت القهوه في النار واتزكرتا تلفوني نسيتو في الصالون جمب باسم لمن رجعتا لقيتو خاتي المخده في وشو وبطنو بتتخجا من الضحك قلعتا المخده منو وقلتا ىيهو انت لسه بتضحك اكييد انت بالع خرشه😅😅 واتفاجأت شديد لمن لقيتو ببكي م كان بضحك😳😳 اتخلعتا وقلت ليهو مالك؟؟؟؟؟😳 قال لي عندي صحبو ابوهو مات وكلمني هسا😭 قلت ليهو وابو صحبك تبكيهو مع المخده ليييه🙁🙄 امشي الحق صحبك وابكي معاه الابو حاجه م هينه🙁🙁 فعلا لبس وطلع بس بعد داك اتزكرتا انو باسم اكيد كان ببكي عشان هو كمان ابوهو ميت اللي هوا خالي😱😱 وشفتا روحي غبيه شدييد اني م فهمتها😓بعد شويه عادل أخوهو سأل منو  خالتو منال قالت ليهو باسم مشي البنزين انا قلت ليها لأ باسم مشي بكي ابو صحبو🙄 قالت لي باسم م بطلع حته بدون م يكلمني😕😕 قلت ليها طيب اتصلي عليهو شوفيه. وين😏 (انا مرت خالي دي بحبا وبحترما بس تسلطا علي اولادا دا اصلو م عاجبني😒😏 قلتا الليله بس خليها تطلع غلطانه😁 ) وفعلا اتصلت عليهو وفتحت الاسبيكر كمان😅 لمن سألتو انت وين ياباسم وقال ليها انا في صف البنزين يعني ح اكون وين انا مش كلمتك قبل اطلع🙁😳
٫٫٫٫٫٫٫ وانتهي العرس ومشينا بيوتنا والموضوع كلوو نسيتو🙄
م زكرني ليهو الا باسم نفسو يوم سافرنا الشماليه لي عرس سامي ود خالنا (واصلا بقينا م بتلمنا الا المناسبات بس) وأغمي علي بأنخفاض السكر من الزعل والضغط النفسي ال كنت عايشاهو بسبب منعم😬😓 لانو م كان عاوزني اسافر البلد خايفني امشي احكي مشاكلنا في للبلد ع اساس  إنهم م عارفين؟؟؟؟ 🙄وتيابي لقيتا مشرطه حتت وهي في الدولاب حتي مطابق التياب م سلمت منو😤😤 واولادو لما سألوهو قال ليهم التمشي تشوف تيابا شرطتا وين محل لافه كانت😳
حاولتا اعتزر عن السفر😥 اخوات العريس ضغطوتي بي لومهم لي وقالو لي اصلك م سافرتي معانا ولا جاملتينا حياتك كلها😳 واضطريت اسافر وانا نفسيتي زفت وكمان زاد وغطا انو يوم كامل قبل السفر كنتا حردانه الاكل 😓 ودا سبب انهيار السكر وكمان بلدهم سخاانه موت واغمي علي في بيت المناسبه😢 لما فقتا لقيتهم نقلوني المستشفي ومركبين لي درب في يدي وجمبي وعد وتلاته نسوان من بيت العرس قلت ليهم  انا هنا لييه؟؟؟🙄😳 قالو لي  عندك انخفاض سكر وركبو ليك درب جلكوز😢 شويه كدا وجات الممرضه قالت تطلعو علشان مرور الدكاتره وعد قالت ليها انا اختا الممرضه كوركت فيها وقالت ليها ممنووع وإنتي بزات تطلعي أول واحده😠😠 وشايفه دكتور لابس روب وكمامه واقف بعيد يعاين🙄 وعد طلعت وبعد م طلعت الدكتور طلع قروش اداها للمرضه وجا علي😳😳 انا اتخلعتا😳 بس طلع الكمامه بسرعه وقال لي انا باسم   ياشهد قلت ليهو طيب مالك متنكر كده🤭 م تخش عاادي😕 هو انت غريب؟؟؟ قال شهد مافي زمن😢 انا تعبتا ومليت اتفرج واسكت😤 م فهمتا حاجه قلت ليهو مالك فشنو؟؟ قال لي فاكره الزوله الانا حبيتا القلتها ليك🥺 قلت ليهو اااي الحيزبونه🤔 بتاعت الفقرا والكتابه😏 اهاا مالا😕 دا كلوو والدرب في ايدي😥 قال لي م بتاعت فقرا ولا حيزبونه ولا هي عندها فكره زاتو ....هي انتي ياشهد
😳😳قلت كيف يعني اناااا؟؟؟؟😳😳 قال لي ايوا انتي؟؟🥺 انا حبيتك انتي🥺 واتقدمتا ليك بس عمتي رفضت علشان م تخرب علاقاتنا ك أسرتين ربنا يسامحا وكتمتا احساسي دا جواي 10 سنه😳😳وكنت بتجنب الاقيك حتي اخبارك كنت بعرفا من سمر اختك🥺كان بتكلم وانا م مصدقه الكلام البقول فيهو دا وشايفاهو حلم حلم😳😳وقلت ليهو انت موهوم ياباسم وم طبيعي ابدا😳😳حب شنوو. وكلام م فارغ شنوو؟؟؟ 😱😱 عاوز تفهمني انك قاعد 10 سنه بدون م تفكر في العرس بي سببي انا؟؟؟😱😱 اكيد موهوم انت😵😵10 سنه راجي شنو مثلا؟؟؟؟😲😲 اطلق واعرسك؟؟؟😳😳 وانا عندي سته من ولد لي بت😳😲امك بتقبلااا مني؟؟؟ خلي انا اقبلا ولا لأ😳😳 بقي يقول لي انا م قادر استحمل اشوفك بتتعزبي كده وحياتك مع منعم اصلا انا م راضيها من البدايه🥺 قلت ليهو حياتي مع منعم انت مالك ومااالاااا😤😤 خليك في حالك وفي حياتك؟؟؟ انت ماخد الدنيا لعب؟؟؟؟؟☹😤😤بجد بطني طمت واتغميت غم م عادي المشاكل الفيها انا مكفياني جدا😤 م ناقصه باسم دا يجي يشلني هم ذنبو😤😤 انو حضرتو بي سببي انا حردان العرس وقاعد يحب فيني براهو😤😤وانا مصدومه وسرحانه وفاتحه خشمي لقيتو ببوس في يدي ويقول ياشهد علييك الله ارضي واقبلي😳🙁 والله انا اعيشك ملكه والحيوان داك اختو ليك في فتيل والله الزمو ليك حدودو بس انتي وافقي😳😳نفضتا ايدي لما الابره طارت وبقت ايدي تزف دم😬 حاول يساعدني🙁 منعتو بي ايدي التانيه وقلت ليهو اسمع ياباسم🙁 انا م لي دخل تحب منو او تكره منو🙁😤 وم تحملني مسئولية انك م اتزوجتا لحدي هسي وبعدي الكلام البتقول فيهو دا دي احلام واوهام انت معيش نفسك فيها براك🙄🌚 انا ماعندي ذنب فيها وثانيا انا بعد العمر دا عاوزني ارمي اولادي وهم صغار كده واتزوج واعيش حياه جديده😳😳 والله العظيم الناس ياكلو وشي😤😕 دا غير انو اصلا انا م بعملا حاول تاني يتكلم قلت ليهو لأ😕 م تتعب نفسك وطلع بي سرعه وهو زعلان  ومكسور😥 وحسيت اني شريره😰 بس كلامي كان لمصلحتو وفي اقل من شهر سمعنا بيهو خطب😊 ويوم عرس ود اختي عزمتا أماني صحبتي لي عرسو وطبعا أماني انا م بخبي عنها شي😊 جا سلم علينا وعرفتو علي أماني وعرفتها عليهو بعد فات بلبله قالت لي .. داااااا باسم😱😱😳😳 قلت ليها اي😊 قالت لي ياخ ده وجييييييهه🤤🤤وكسار عديل😛 قلت ليها اناديهو اكلمو😁😅 قالت لي هووي😕 لكن والله م اتخيلتو كده اتخيلتو شيييين ومكمل الشنا😛 ضربتا بالشنطه وقلت ليها لييي😕👊😅 قالت لي عشان البحنسو ويبوسو الايادي دي الناس الشينين بس😛😅 هسي هو م احلا من زولك داك الف مره😬😉 علي الاقل باسم دا كان جادي معاك🙄😏 قلت ليها بغض النظر انو انا ممكن افكر في موضوع باسم دا ولا لأ بس اولا الحكايه م حكاية حلا وسماحه 🙄 ولا حكاية انو هو جادي ولا م جادي ثانيا😏 الكلام حاجه والواقع حاجه تانيه ثالثا باسم م مناسب معاي نهائي رابعا عندو ام لو ختتني في راسا بطلعني برا السودان 😬😅 خامسا باسم عندو تجارب كتيره ودي حاجه بتعيب الراجل اكتر شئ في نظري انا🙄😏 سادسا منو القال ليك هو احلا من ايمن😕😛 اديك عيوني تشوفي بيهم ايمن😉🤤 وضحكنا سوا  أماني قالت لي صحي الحب اعمي😛😛 قلت ليها شايفه المرا دييك ال في نص الدايره بترقص (وكانت لابسه توب يتلامع كلوو حاجه اوووفر😛 ) رايك شنو في توبا قالت لي حلوو قلت ليها بتلبسيو؟؟ 😕 أماني قالت لي م تغيري الموضوع😕😕 قلت ليها جااااوبي علي السؤال🙄 قالت لي بررري م بلبسووو😂😂 قلت ليها طيب 🤷🏽‍♂... في حاجات حلوه .... بس م بتشبهنا ولا بتناسبنا ولا مزاجنا بمشي ليها😏 وفي حاجه انتي ناسياها قالت لي شنو؟😏🙄 قلت ليها حاجه بتميل الموازين لي صالح ايمن😊 أماني ضحكت وقالت لي انو ايمن حنيين😅😅 زعطيني بيها ياخ👊👊😅

#زكريات الزمن الجميل❣