انت أملي~،،💔

أنت أملي ~15

لاني فقدتا الأمل في انو  منعم يتصلح حالو سلمتا الموضوع لي اخواني😥🥺  وانا عارفاهم كويس قدر شنو هم صعبين😪بس م كان في حل تاني غير كده بعد تطاولو علي وعلي اهلي كلهم غير اجيبهم ليهو يحسموها هم بمعرفتن😪😓 وفعلا نفس اليوم العصرا اتصل علي أمام وكان في جده وقال لي احنا وصلنا الخرطوم ومعاي  حاسم وعلي  وح نصل ناس وعد لمن الزفت دا يجي كلمينا😓 بس قفلتا منو اتصلتا علي راشد وقلت ليهو اخواني ديل وصلو الخرطوم تعال عليهم عشان م يلاقو اخوك براهم قال لي حاضر انا جايي بس الشارع زحمه رجعتا لي إمام وقلت ليهو لو راشد م جا م تفتحو الكلام معاهو عشان بكره م يقولكم كلام م قلتو ويغلطكم سااي😕😕 وانا م دايره حاجه غير ورقتي بس ماف داعي للمشاكل😕قال لي حاضر حتي اتطمنتا شويه مع انو لسه م مرتاحه للجلسه دي ح تعدي علي خير...والمسا قلتا لي اولادي خشو جوه وافتحو التلفزيون وعليت ليهم الصوت عااأاالي....  إياد  كان محموم وأسيل مع عماتا قبل المغرب منعم جا ودخل المطبخ خت غداهو براهو    وبعد المغرب طوالي جو اخواني داخلين😓 وجاني إمام قال لي اوووعك تجينا برا انتي ولا الاولاد ديل مهما حصل وعرفتو م ناوي علي خير😳 وطلع وقفل الباب من بره🙄 وصيت إيهم يمسك اخوانو جوه ومشيت احاول اسمع حاجه وكانو بتكلمو بصوت عاادي وسمعتا إمام بقول ليهو احنا وليانا والليله الا تورينا مالا ودا شنو البتعرفو ليها يرمينا البحر😡😡 والله م نخليك الا تتكلم ولا   الليله ياكاتل يامكتول😳😳 انخلعتا وجريت اتصلتا بي امي قلت ليها إمام دا مجنون وداير يرتكب جريمه فيهو ويضيع نفسو😱😱 امي قعدت تكورك بي غادي وقالت لي بضرب لي عاصم راجل وعد يلحقهم😱 رجعتا تاني لي راشد وقلت ليهو لييه م جيت والله الليله الا تجي تستلم راس اخوك وقفلتا😠  وسمعتا الباب يتفتح فرحتا قلت خلاص دا عاصم ح يمنعهم من الفي راسن دا😱 لقيتو أحمد اخوي ودا اصغرهم بس من الباب ولي منعم طوالي لصق ليهو كف والضرب بدا😱😱 شالوهو التلاته زي الخروف دخلوهو الصالون وقفلو الباب😱😱 وسمعتو يكورك  ياراشد ياراشد الحقني وقلت الحمد لله راشد وصل وكنتا لسه سامعه صوت الضرب ومنعم داك يكورك علييكم الله فكوني انا زول كبير🥺 مع اني عارفاااهو يستاهل بس كنت حاسه انو البحصل دا غلط وانو دا م صاح وانو دي جنايه 🙄😬 واخيرا ظهر عاصم  وخش ليهم طواالي والاصوات علت بقيت م عارفه منو البتكلم ولا شنو البقولو😓 مشيت عشان اصحي إياد لقيتو واقع في الحوش جمب شباك الصالون مغمي عليهو💔😱😱 اتاريهو شاف ضرب ابوهو م استحمل😓😳😳 وبقيت اصرخ 😩😩 الحقوو ولدي مات إياد ماااات😭😭😭 الجماعه الكانو بضاربو جو جارين كلهم  وإمام اخوي شالو رفعو ومنعم يكورك فيهو ابعد من ولدي خلي ولدي في حالو😤😤  عاصم قال ليهم الولد دا مغمي عليهو بس🙄 اما انا لا حيه ولا ميته🥺 اتكلتا ع الحيطه وبقيت ابكي😭😭😭💔 عاصم دخل المطبخ وجا شايل بصله وسكين وقطع البصله ويشمما ليهو وإياد م بتحرك وانا بصرخ بقول ليهم مات مات مات ولدي مات😭😭😭💔 فجأة إياد اتحرك وفتح عيونو واول م شاف إمام أخوي مع انو بخاف منو شديد وم بعرف يتكلم قدامو كلمتين بس اول م شافو بقي يأشر ليهو بي ايدو ويقول  ليهو انت م خالي ولا بعرفك😳😳 كلكم م خيلاني لييه تدقو ابوي💔😳 وجري طلع الشارع😳💔قلت ليهم  الحقوهو الولد دا م يعمل في روحو حاجه😭😭😱😱 حاسم طلع وجا سايقو ودخلو جوه ورقدو في السرير وبقي يعتزر ليهو وإياد يقول ليهو م تعتزر لي انا اعتزرو لي أبوي😭😡😓
٫٫٫٫ دا الكنت خايفه منو انا!!!!!😔😓 لمن كنت بحاول امنع عن منعم الضرب والاذيه طول السنين دي عشان الموقف دا !!!😬😬💔 م كنتا فاكره ح اتختا فيهو طوالي كده 😓والجلسه كانت لسه م انتهت😓 رجعو تاني يتناقشو وعاصم يحاول يصلح بينن وهم يتشاكلو لسه وسامعه أحمد بقول ليهو عايزني اسمعو يسئ  اخوي الكبير واسكت!!!! والله يكررا تاني هسي الصق ليهو كف!!😱😱وعاصم قال ليهم انتو بالطريقه دي م ح تحلوها انتو بتعقدو فيها زياده قال ليهم يلا انتو اطلعو خلوهو منعم هسا ونجي بكرا بعد النفوس تهدا نحلها وفعلا طلعو التلاته فاتو وفضل عاصم براهو مع منعم
رجعتا اشوف إياد لقيتو خاتي يديهو في وشو ويبكي😓 جيت اتكلم معاهو قلت ليهو إياد .... ..قاطعني✋ وقال لي م تتكلمي معاي ياماما   انتي الكلمتيهم يدقو ابوي كده ليييه ياماما ليييه؟؟؟💔💔
وحسيت اني فقدتا ولدي💔😔اخواني غلطانين م راعو للحته دي😓

كان دا اطول يوم في حياتي كلها😓😬 وكنت حاسه بيهو كابوس طويل وفظيع ومرعب💔😩 بس ح اصحي منو😊 ح اصحي القي نفسي شهد الزمان الكانت البسمه م بتفارق شفايفا😪🥺 بس عشم ابليس في الجنه💔😢 الحصل دا كان سينما دور اول😬😬 وبدا الدور التاني علي  اهل منعم جو وجاطوها هم كمان😤😤ليييه ياربنا لييه كدا😔💔 وفجأة الباب خبط كأنو زول عاوز يقلعو من الارض🙄 ويهز الباب ويضرب فيهو عاصم مشي فتحو دخل صديق ودفر عاصم وهو شايل ليهو حديده طويله في يدو وهو يكورك وينن وينن 😤😤..وينن  أولاد الحرام ديل😳😳 عاصم مسكو من رقبتو وقال ليهو هوووي يازول احترم نفسك عاوز تخرب ارجع من محل م جيت😖😡منعم من شاف اخوهو كورك في عاصم قال ليهو خليهو ياعاصم اختهم الجوه دي انا هسي بخش عليها اكتلا هسا😳😳 صديق قال ليهو زح من وشي ياعاصم وجانا داخل جوه وجا وقف قدامي وقال لي اخوانك لو رجال يدقو اخوي براهو😡😡 قلت ليهو اتصلو علي راشد وعزيز أخوانك مالن م جوا ؟؟؟؟🙁🙁 انت م عندك كلام معاي  عندك حق عند اخواني امشي شيلو منهم هم رجال وانت راجل 😤😤 جا عاصم جراهو جر من قدامي وانا لامه أولادي علي وببكي😭😭 وسمعنا صوت راشد وعزيز  برا وديل طبعا ديل التيم الكويس في عائلة خليل ومنعم وصديق واخواتن هم أس الشر زاتو والمؤامرات والمشاكل🙄😕😢 وفضلو يتناقشو وصوتهم يعلا وكلهم بكوركو في وقت واحد وعزيز يقول ليهو احنا اتكلمنا معاهم وقالو انت اسئتا لي إمام  قدام اخوانو في بيتك هم جايين لي اساءه تسمعن اساءه تانيه؟؟؟ تعقل متين يازول انت؟؟؟😕😕 وصديق يدافع ليهو ويقول ليهم يدقو براهو لييي؟؟ (دي بس ال الله قدرو عليها🙄😏)  وشويه كدا سكتو وراقو 🙄 جاني عاصم خاشي وقال لي الزول ده قال م تبيتي في البيت دا !!!😓يلاكي معاي تبيتي في بيتي وبكرا بجيبك انا راجعه ..قلت ليهو واولادي؟؟؟؟ قال لي خليهم م بتجيهم عوجه😓 وخليتم كانو نامو كلهم جوه مع التلفزيون والصوت العالي رقدتهم كويس وغطيتهم وطلعتا وانا قلبي مقبوض💔😓فضلتا عند ناس وعد اختي سبعه يوم كل يوم يتلمو اخوانو واخواني ويتكلمو وينقنقو ويفوتو وكل يوم يجينا واحد براهو بي كلام براهو ..كلهم طلعو اخواني غلطانين😪 مع اني عارفاهم غلطانين بس مافي زول برضي في اخوهو وكنتا بدافع عنهم لحدي م اسكت البتكلم فيهم🙁وانا قلبي عليهم دم دم🙁 والشئ العرفتو انو هم كانو بتكلمو معاهو قام هو اساء إمام ولم دخل أحمد الكلمه وقعت في اضانو عشان كده اداهو كف وفجر الموقف😟 جاء عزيز اول يوم وقال ناس منعم وشهد ديل مشكلتم دي مشكله قروش بس ووضعهم التعبان ده!!!!😳😓 والحل عندو منعم يبيع قطعة الارض حقتو الفي المعموره ويعمل مشروع يعيشو منو اولادي ويخلي المغلق لي صديق براهو !!!!🙄
٫٫٫٫٫٫ انا كنت خلااااص اشتقتا لي اولادي م قادره اصبر بدونن😭😭😭 واخيرا عاصم قال لي بكرا ح نتلما كلنا عشان نصل لي حل وانتي ترجعي بيتك😓

#يتبع ٫٫٫٫٫٫

#إقتباسهه٫٫٫٫٫٫٫

لم  يارباه ...

لم خلقتني ضعيفه ...

لما  لم تخلقني زلزالا يدمر الاشياء ؟؟؟

او فيضانا  يجرف الاشلاء !!!

او بركانا يحرق الانحاء !!!!

او اعصارا من الارض للسماء؟!!!

انا لم اكن في حياتهم سوي نسمة هواء😔

او أذتكم نسمات الهواء؟؟؟💔