انت أملي~،،💔

انت املي_4

صحيت الصباح وكان جسمي كلوو بوجعني وتعبانه ودايخه😓 وحاسه بألم فظيع حاولتا اقوم م قدرتا وجسمي سخن كنتا محمومه عديل وبقيت تاااني ابكي بخاف من الحمي وكنتا فاكره اي زول بتجيهو حمي ح يموت زي حبوبتي ماما زينب ام ابوي ماتت بعد جاتا الحمي طوالي 😩😓 وبقيت أبكي انا خلاص ح أموت وكمان انشليت😭 وهو كان مافي مشي ويين م عارفه كانت الساعه 11 فضلتا ابكي واتنخج 😩😭وجسمي زايد سخونه لحدي م نمتا تاني وانا بدون فطور ولا اكل ولا حتي شاي😢 صحيت بيهو بصحي فيني قال لي ياكسلانه معقوله نايمه لي هسي؟ وانفقعت ليهو بكي وديني لي أمي هسسا 😭😭 بس عاوزه أمي عاوزه اموت جممبهااااا😩😩وشي مخاخيط ودموع وانا ولاااا هاميني قاعده ابكي ولا حتي مسحتهم بقي يتزهج فيني ويكورك فيني انا تعبتا من دلعك الفاضي دا 😤😤 هسي انتي بتبكي زي الاطفال كدا ليييه الحصل دا شئ عادي وم عملتا جرييمه انا عشان امبارح يغمي عليكي والليله تصبحي لي تمنحي كدا😤😤 كلامو كان زي السكاكين علي قلبي وبقيت اتنخج زياده وقلت ليهو ساعت انا م عاجباك خلاص طلقني ورجعني لي أمي😭😭 وبقيت تاااني ابكي جا قعد قدامي وقال لي انتي فاكره الحياه لعب ياخي اعقلي ياشهد ومسك ايدي عشان يكمل كلامو بس اتخلع لمن لقي الحمي والسخونه الفيني زي النار😳 قال لي انتي محمومه بجد ياشهد😳😳 قلت ليهو انت بتهمك شهد في حاجه وديني لي امي العاوزاني اكتر منك😩😭 قال لي بي اصرار قومي البسي اوديك الدكتور هسسا قومي يلااا🙁🙁 ابيت أصلو اقوم وانا اصصلا م قادره اقوم ولا قادره اتحرك من الألم الفيني بس ابييت اوريهو😕 وقلتا م ماشه الدكتور لو الدكتور جا هنا انا م بمشي ليهو واتغطيت بالملايه وخليتو قاعد يعاين لي والزعل بااين عليهو🙁 رجعت تاني قلت ليهو طق☹ بقي يتحسبن ويقول دي اخرت البعرس ليهو شافعه عنيده وراسا قوي كمان😤😤 وانا كنا بهتهت بالحمي وكل شويه يجي يلمس جبهتي احس بي ايدو باااارده من سخونة جسمي😥 والصداع عاوز يطلع مخي برا😬 لمن م قادره افتح عيوني وفضلتا مغمضه عيوني لمن نمتا صحيت بيهو بصحي فيني قاللي قومي ياشهد البسي ليك هدوم كويسه والبسي توب الدكتور دا برا ح يخش يكشف عليك😳 طبعا اتهجمتا وم اتخيلتو يعملا يجيب الدكتور لحدي الغرفه وشفتا طرف الشنطه بتاعت الدكاتره بعند فتحة الباب بطني وجعتني اصلن انا بخاف من الحقن😩😩 والدكاتره وبقيت احنس فيهو
_ اني انا كويسه م عندي حاجه خليهو يمشي عليييك الله خليهو يمشي🥺 قال لي بي نفاد صبر _تمشي تغيري هدومك دي ولا ادخلو ليك بملابسك دي!!!!😳 قلت ليهو _حاضر ح اغير يلااطلع لي عشان اغير يلااا 🙁 وفعلا من سكات طلع وانا الصداع م خاليني اقدر افتح عيوني او احركهم😭 لميت شعري المنكوش ولبستا اسكيرت وبلوزه وتوب وفرشتا السرير وصلحتا ملايتو وقعدتا في طرف السرير شويه هو جا داخل قال لي جاهزه حركتا راسي بي اي لاني م كنتا قادره اتكلم من وجع الحلق من بكا امبارح😓 الدكتور جا خاشي معاهو راجل كبير في السبعين من عمرو وباين انو دكتور كبير واخصائي قعد يسألني حاسه بشنو قلت ليهو الحمي والصداع ووجع الحلق قاس النبض قال طبيعي والضغط طبيعي وقعد يسأل فيني عندك ازمه ولا حساسيه قلتا ليهو م عندي بعد داك قال لي افتحي خشمك عشان اشوف الحلق وفعلا لقي اللوز موورمه ولونا ابيض من الالتهاب وكتب لي مضاد حيوي ومسكن للألم واداهو الروشته وطلعو سوا بعد نص ساعه جاء راجع شايل الدوا وشايل معاهو العشاء وانا اتزكرتا اني بلا فطور ولا غداء ختاهم في الكمودين الجمبي وقال لي اهااا طلعت لوز يعني م انا السبب يعني😏 قلت ليهو م تتكلم معاي تاني اووعك🙁 بقي يضحك قال لي والله العظيم حمودي ود اخوي ارحم منك ياخ انا كان عارف كنتا عرستو هو😳😒 طبعا غاظني شديد وشلتا المخده وبقيت اضربو بيها وهو يضحك سيادتو وقلت ليهو تاني م عندك كلام معاي ولا نوم ليك في الاوضه دي ليك ماف فااهم ولا لأ🙁 قال لي حاااااااضرر بس انوم وين يعني في الشارع يعني😅 وهو بضحك غاظني زياده قلت ليهو لأ تنوم في الحمام وانا ح اقفلو من برا كمان🙁 ولا توديني لي امي هسسا🙁 قال لي موافق😊 بنوم في الحمام م مشكله 💔😳 اتخيلتو يقولأ ولا يعترض ويتزهج زي كل مره بس وافق بكلل بساطه كدا😳💔 حاجه غريبه🤔🙄 كنتا عاوزاهو يقول لا عشان يوديني لي أمي 🥺 اشتقتا لي أمي وأخواني شديد🥺 ايوااا هو فاكرني بهظر وم ح اخليهو ينوم في الحمام🌚😒🙄 طييب بس خلصنا عشا طبعا بقيت عادي بنتعشي سوا حتي لو زعلانين يعني اموت من الجوع انا🙁🥺 بعد غسل ايدو من العشا قلت ليهو
_ يلا ع الحمام عشان انا عاوزه انوم هسي 🙁😒
_ خلينا نتونس حبه طيب
_ لأ☹☹
_طيب خليني احضر في التلفزيون وانتي نومي زي م دايره مع انك الليله نايمه النهار كلوو
_ لأ يلا علي الحمام م تكتر كلامك معاي انا☹😏
_ حااااضر .. اوامرك😹😊 ومشي علي السرير شال مخدتو وبطانيه ومشي علي الحمام من سكات لمن حنني😥بس اتزكرتا عمايلو بتاعت امبارح وخفتو يكرر😥 وفجأه قبل علي وبي ابتسامه خبيثه قال لي _خليني انوم جمبك وبوعدك م بكررا الليله😳🙁طبعا حسيت بيهو قرا افكاري لمن شعر جلدي وقف شوك 😳وبسرعه لزيتو جوه الحمام وقبل يستعيد توازنو كنتا قفلتو بالمفتاح جوه😁😏 بقي ينادي فيني شهد افتحي الباب قلتا ليهو ابيييت🤪🤪 قال لي احسن ليييك افتحي الباب ولا أكسرو ليك هسا قلت ليهو كسرو 😃😃 باب بيت ابوي انت فاكرو😏😏 ومشيت خليتو ينقنق قال لي بجي الخريف واللواري بتقبف وبففلك في الحمام زي دا كدا☹ انا بقيت اضحك😅 ومبسووووطه اني اتخلصتا منووو😍😍 وي داب شفتا الغرفه حلوه ومريحه ورايعه😍 والمرتبه الياي زكرتني ايام كنا صغار بنطط فيها حاولتا انطط م قدرتا اصلا تعبانه وجسمي مكسر رقدتا بي ارتيااااح شدييد بوضعية علامه الضرب😹🤤🤤 ونمممتاااااا نوم عمييق بكللل ارتياح🤤 ....صحيت بالليل وانا حاسه اني عاوزه انشرط😳🥺 حرفيا حاسه اني ح انشرط !!😳🥺 وانا النوع البمشي الحمام اربعه خمسه مرات بالليل 😩🥺 وامبارح م مشيت ولا مره مع الحمي الكانت ماسكاني قمتا علي حيلي قلتا اكيد ح يكون في حمامات في الهول بتاع الطابق بس م قدرتا حتي افتح الباب اتخيلتا اني بس افتحو زول ح يضربني في راسي 😳🥺💔 قمتا مشيت براااحه للحمام الفيهو السيد داك وبراااحه ضربتا الباب خفيف🥺 وناديتو منعم افتح الباب انا عاوزه اخش الحمام🥺 وهو نااااايم ويشخخر زي التور الضابحنو😳😤 بقيت اضرب ليهو الباب بي شده واخبط واكورك ليهو اصحي ياااحيوااااااان انا ح اطق هسسا😩😩 فتح لي الباب وهو مخلوع وقال لي مالك في شنو؟؟؟؟؟؟؟😳😳 صاحيه نص الليل بتكوركي مالك يامجنونه😳😳 الحمي زادت عليك😳 قلت ليهو انا كويسه بس عاوزه اخش الحمام اطلع لي بس☹🥺 وفجأة تعابير وشو انقلبت من الاندهاش 😳 لي الانفجار من الضحك زي باقة البيبسي كولا لمن يفتحوها☹ وانا واقفه بوضعية الكنغر 🦖حرفيا كنغر واقف فوق الصاج كمان🥺 وهو قاعد يضحك زي العندو هستيريا ضحك🙁😳 كل م يسكت ويجي يتكلم ينفجر ضحك تاني 😳☹😤 قلت ليهو اسمع انا ح يجيني تسمم ولا اعملا ليك هنا☹🥺 انفجر ضحك تاني وقال لي وهو بضحك😹😹 اسمعي انا عمري كلووو م ضحكتا😹😹 زي الليله دي كم وتلاتين سنه مع بضهم كوم والليله دي كوم تاني وعشان اختصر عليك الوقفه عاوزه تخشي الحمام؟
_اي🥺
_ طيب بكي ودلع ونياصه تاني ماف ☹
_ حاضرر🥺
_وديني ناس امي كل شويه تاني ماف☹
_ حاضرر 🥺
_نوم في الحمام تاني ماف☹😏
_ حاضر🥺
_خلاص يلا خشي😹😹
_اللهي تخش جهنم😤

وسافرنا كسلا وكانت رحله حلوه😍 واستمتعنا فيها كتير فسح وطلعات وكمان عمتو وبنات عمتو طلعو ظراف خالص😊 استقبلونا احسن استقبال وود عمتو اسمو حافظ حجز لينا في فندق في كسلا مع اني كنتا حابه اقعد معاهم في البيت 😊 عدينا سبعه يوم حلوين كل يوم نطلع حته احلي من التانيه م خلينا جناين ولا سواقي ولا منتزهات😍 وانبسطنا شديييد وجينا الخرطوم ونزلنا عند ناس امي😍 وكنت فرحاااانه فرحه شديييده بي اني راجعه لي اخواني وامي وكنتا مشتاقه ليهم شديييد 🥺💔 وفعلا لمن وصلنا البيت اخواني كانو مشتاقين لي زي م انا مشتاقه ليهم😊 قعدنا نتونس وعملو لي برنامج زي بتاع المدرسه وقمتا انا قعدتا احاكي فيهم كلهم🤪🤪 وكنا بنضحك كلنا😹😍 وانا بكاوي في اخواني 😜😜وبنضحك ونتشاكل😬٫٫٫٫ منعم قال لي
_فيكم براءه وطيبه كلكم😊
_لا لأ عندنا قسم شرير انت لسه م شفتوو😛😬
_ منوو😅
_لما تقع معاهم ح تعرفهم😅 اليوم التاني عملو لينا ضبيحه وغزومه وكدا وكانت لمه حلووه😍 م زي لمة نسابتي كنتا قاااشره😍 واخواتي ظبطو لي الميك اب تماااام 😊انا طبعا م كنتا بعرف حاجه فيهو 😛لبستا حرير لون بترولي بالافوايت والبلوزه نص كم😁 والميكب خفيف وهادي وطلعتا حلوووه😍 لمن م صدقتا دي انا😁🙊
وكان يوم حلوو ورايع😍 لحدي م جاء اليوم المروض يرحلوني فيهو أمي طبعا مشتريه لي عده كتييره م ليها حد غير الجاتني هديه من الاهل والجيران كانت كراتين كتييره لمن شلتا الهم دي يودوها وين😅🥺 امي عزمت الجيران كللهم لمن البص اتملا بالناس عشان يرحلوني لي بيتي دا غير صحباتي بنات المدرسه😍 وكنتا مبسووطه وفرحانه شديد والبنات بدقو وبقنو لي وكل شويه يجيبو اسمي في غنيه الطريق كلوو ياشهد ياشهد 😍😊 .....وبقيت مستقره خلاص في بيتي بعد شهرين ظهرت نتيجة الشهاده السودانية وكنتا جايبه 83%😎😊 اهلنا اتلمو تاني والزغاريد ملا البيت تاني مع اني م كنتا راضيه بيها وزعلانه شديد🥺 لاني م اجتهدتا وكنتا محبطه وقتها بس فرحة الناس فرحتني انا بزات أمي اتصلت علي فرحااانه😊 وقالت لي ياشهد م تخلي قرايتك واتزكري الشرط الانتي شرطتيهو عليهم في البدايه قلت ليها حااااضر😊 وفعلا تاني يوم بقيت افتش في دليل القبول وللاسف لاني شايله احياء لقيت نسبتي م بتوديني كليه كويسه واحبطتا شديد😢 بس لقيت انو في امل في الدراسه الخاصه او اعيد السنه واجتهد من جديد وفعلا اول م جاء منعم قلت ليهو
_منعم رايك شنو انت اقدم خاص ولا أعيد السنه🙄🤔 طوالي قال لي
_ولا واحده فيهم!!! ....😏 _ليهو كيف يعني؟؟؟؟🙁 قصدك اقدم بيها نسبتي دي🙄 بس م ح تدخلني كليه كويسه🤔 🙄
_لأ برضو م تقدمي بيها من الاخر كدا قرايه تاني ماف !!!!🙁
طبعا اصلا م اتوقعتا منو رد زي دا 😳🙁طوالي سألتو _انت مش اهلي بلغوك انو انا كان شرطي مواصلة تعليمي؟؟؟🙁🙁
_ ايواا بلغوني😏
طوالي قبلتا علي الدولاب بقيت انزل في هدومي من الدولاب في السرير وجريت الشنطه الكبيره بقيت ارميهم فيها بدون م اتكلم معاهو ولا كلمه😬 تصرفي دا خلاهو يتراجع وبقي يقول لي _يامجنونه انا بهظر معاك بس🙄
_ اسمع هناااا🙁 موضوع القرايه دي انا عندي م فيهو لعب😕😕 انا اخليك انت ولا أخلي قرايتي فاهم🙁😬
_انا عارف انتي عاوزه تقري عشان بكرا تفتري علي😤😕 وتقولي انا عندي شهاده جامعيه وانا سيد دكان ساي !!!😧
_ معاذ الله اعمل كده😳 دي شنو الافكار السيئه الفي راسك دي😳 انا الدراسه دي رغبتي وعاوزه اكمله وبس😕😧
ورغبتي اني احقق هدفي وزاتي😊 والله لو فكرتا افتري عليك طلقني وامشي جيب الاحسن مني 😇....

#يتبع ,,,,