انت أملي~،،💔

أنت أملي ~30

جيت راجعه البيت وانا حاسه بالامل😊 والطاقه الايجابيه والامل🥺 اول م دخلتا لقيت كريم ورامز  في الصاله في الصاله شكلهم كانو بتونسو رامز اول م شافني قال لي ويييييين يامزه😃😍 شنو الاختفاء المفاجئ دا كل يوم😜  كريم ضربو في راسو وقال ليهو اتكلم مع امي بأدب🙁 المزز ديل المالين تلفونك بس🙁 قلت ليهو خليهو ياكريم رامز دا اصلو م بعقل😊 وجيت قعدتا معاهم الاتنين زحو لي وقعدتا بينهم في النص وقلت ليهم الليله انانفسي مفتوحه رايكم شنو نمشي نتعشي برا كلنا😊 طواالي رامز قال لي يااامزه يااعسل انتي احبك انا ياخ😍🥰 كريم جراهو من شعرو وقال ليهو انا هسي مش قلت ليك اتكلم بي ادب مع امي😤😤 فكيتم من بعض وقلت ليهم انتو قدامي بتتشاكلو وراي تعملو شنو؟؟😡😡😕 رامز قال لي يااحاجه دا م شكل ياخ دا تعبير عن المحبه بالطريقه الرامزيه بس م اكتر😜😜وبعدين إنتو في زول قال ليكم سموني رامز😜🙂وقال لي كريم بس تاني مره م تهبش شعري دا ثروتي القوميه ياخ😎 إياد جا خاشي الاتنين سكتو إياد طبعا ورث لي شخصية خالو إمام بس علي اخف كتير  وهو البحسم اي مشكله او خلاف بين اخوانو ودا حد زاتو شئ كويس كتير لانهم لولاهو كانو ضاعو😳🙄 ويمكن دا كان دور إمام في حياتنا انو لولاهو كنا ضعنا؟؟؟؟🙄😬 م عارفه🤔 إياد اول م قعد كريم قاليهو الوالده اقترحت اقتراح جميل انو نطلع نتعشي برا وصحي ياخ احنا طولنا من الطلعه سوا😊 إياد قاليهو تمام م عندي مانع كلمو أسيل تجي معانا كمان هي وراجلا أنا قلت ليهم اي والله انا اشتقتا لي جنان🥺 رامز قال لي هسي ياامي م قبل يومين كانو معانا وجوطتت لينا البيت وكسرت لي ريحتي الغاليه😕😤 العفريته دي م تجيبوها لينا بالله😤  راما جات داخله وقالت ليهو العفريته دي منو اوعي اكون انا😕🌚 رامز قال ليها لا لا عفريتة شنو ياخ😆😅 انتي ...انتي الأبليسه الشريره😁 وبقو يضربو بعض بالجداعات لمن إياد هرشهم وقعدو بقو يضربو بعض بي ورا إياد لما يتلفت منهم😊 قلت ليهم وين أيهم؟؟رد لي كريم .. أيهم  عندو تسليم موقع الليله وح يتأخر شويه لما يسلمو الموقع للمالك ويستلمو قروشهم قلت ليهم خلاص نعملا ليهو مفاجئه ونعزمو محل راقي بالمناسبه دي😊 رامز قال لي ..اي اي😅 ونكمل ليهو قروشو اللسه م بردت دي😁😅كريم شال تلفونو واتصل علي أيهم راما برضها اتصلت علي أسيل أولادي الحمدلله كلهم بحبو بعض بس في علاقه حلوه بين كل اتنين  قراب لبعض في العمر😊  (طرده زي م بقولو حبوباتنا😊) مع انو القراب في العمر ديل بكونو  بكرهو بعض أو  م بطيقو بعض🙄 إياد وأسيل علاقتهم حلوه وفي ارتباط بينهم بين بعض وكمان أيهم وكريم  الاتنين فاهمين ع بعض ومتفقين دايما وكل واحد م برضي في اخوه  صحيح كلهم م برضو في بعض بس في خصوصيه بين كل اتنين😊 ودي حاجه كويسه أما التيمان ديل فهم روح واحده في جسدين😊

إياد قال لي ياامي عاوزك في موضوع وخايفك تحرجيني وتكسري خاطري !!!🙄 قلت ليهو خير ياولد فشنو؟؟؟ اتكلم؟؟؟😳😳 قال لي مافي حاجه ياامي بس  في زول عاوز يجيك يعتزر ليك ويطلب منك العفو🥺😢 قلت ليهو يطلب مني العفو؟؟؟😤🙄قال لي اااااي🥺 قلت ليهو  اوووعك تجيب لي سيرة ابوك؟؟؟ ابوك العملو فيني م شويه ابوك عزبني عزاب سنين وجاب لي امراض الدنيا كلها والدخلا فيني م مرقت لي يوم الليله وعاوزني اسامحو؟؟؟ 😤😤😤 إياد قال لي والله ياامي ابوي اتغير وندمان حد الندم😓 سامحيهو ياامي عشانا نحنا😥 قلت ليهو عشانكم انتو انا شربتا المر وعشانكم دفنتا نفسي بالحياه وعشانكم رضيت وقبلت بالزله والاهانه😡😡 عاوزني  اسامح غصب عني  الا دي ياإياد الا دي 😤😤 العفو دا  م بنفع الا يطلع من القلب وانا قلبي غضبان علي ابوكم لي يوم الدين😡😤😤 ورفضا امشي معاهم العشا الانا اقترحتو🥺😪 منعم دايما منكد حياتي ومنغصا علي حتي وهو بعيد عاوز ينكدا علي كمان😓😬 جوني اولادي السته حتي أسيل وبتها جنان وهم يحنسو فيني إياد يسلم في راسي ويعتزر وأسيل وراما ورامز   وكريم يحنسو فيني الا امشي معاهم نطلع سوا😥 وتحت الالحاح دا والعباطه دي كلها وافقتا ومشينا🥺😤 ....
بعد شفتا اولادي مبسوطين وتعاملهم مع بعض حلو وزي الاصحاب ارتحتا والزعل راح🥺 جاتني جنان تبكي قالت لي ماما شهد ثوفي لامس عداني في يدي🥺🥺 ومدت لي يدها لقيت اثر العضه في يدها وكوركتا في رامز وشاكلتو ليها وهو يضحك قال لي ياحجه علميا انا م عضيتا في اللحم العضه دي في وسادة الدهون الخاماها في يدها دي😹😹 أسيل ضربتو وقالت ليهو يعني بتي سمينه؟؟؟🙁 تعضي وكمان تتفاصح😣 قال ليها اي سمينه ودبه ياخ من بعيد قايلا أنبوبة غاز لابسه فستان😹😹 أسيل شالت قارورة الموية ورشتو بيها💦💦😊 وهو رشاها كمان المويه💦 وصلت كريم وهو كمان بقي يرش في رامز لما بقو يكورك لي راما تلحقو راما قالت ليهم انتو الاتنين بترشو في رامز ليه؟؟؟؟ وشالت قارورتين بقت ترشهم زي النافوره وبقو يتسابقو ع القارورات الفي التربيزه ويرشو بعض ويضحكو😹😹 بس شافو إياد جاي ومعاهو أيهم شايلين العشا وجايين علينا طوالي إتلمو وقعدو😊 وكانت قعده عائليه جميله وحلوه 😊 فرحتا بيهم كتيير وفرحتا بي حبهم لي بعض😊 حسيت بي تلفوني بهز واتزكرتا اني خاتاهو هزاز عشان مافي زول يقطع علينا لمتنا الحلوه  لقيتو رقم غريب بتصل🙄 الرقم كان بدون مفتاح ومكون من خمسه ارقام بس زي ارقام الطوارئ والمستشفيات🙄😳 رديت .. واتكلمت معاي واحده بي صوره رسميه كده قالت لي معاي السيده شهد ةكرم فاضل؟؟ قلت ليها ايوا قالت لي احب اعرفك انو صور الاشعه ونتائج الفحوصات حقتك طلعت ورسلناها بالايميل لي للدكتور المختص😳 قمتا بعيد من اولادي  قلت ليها طيب الفحوصات طلعت فيها شنو؟🙄😳 قالت لي م عندي صلاحيات اني اوريك النتائج دي  دا اختصاص الدكتور  المختص😕 قلت ليها طيب لما ح استلما من الدكتور بس انتو متصلين علي لشنو؟؟؟ قالت لي بما انو الدكتور هو الطلب انو يرسلوها ليهو بالايميل علي المركز انو يبلغك عشان يخلي المسئوليه ونهت المكالمه🙄انا اتوترت ع الاخر😖 وبقيت عايشه ع اعصابي وعاوزه اعرف نتيجة الفحوصات والاشعه بسرعه وبأي طريقه وفي نفس الوقت خايفه  ومرعوبه منها وقلبي مقبوض من النتيجه دي😩😰اتصلتا علي رقم الدكتور بتاعي وكان بديني جرس بس مافي رد😁 اتصلتا اكتر من مره م راعيت لي انو دا ازعاج كنتا بس عاوزه اعرف وخلاص🥺😤 اتصلتا علي رقم العياده بتاعتو ردت لي البت الكاتبه قالت لي الدكتور معاهو عيانين وم بقدر يرد علي تلفونو حاليا وسألتها طيب هسا ممكن تسجلي لي للمقابله قالت لي ايوا ممكن قلت ليها خلاص سجلي    🥺🙄 قلت لي اولادي في مرا عيانه لازم امشي اشوفا هسا ضروري إياد قال لي خليها لبكرا ياامي وانا بوصلك قلت ليهو لأ هسا ويوديني رامز دا😕 لي بكرا يمكن يحصل ليها حاجه وابقي في لوم 🙁إياد رمي المفاتيح لي رامز وقال ليهو عربيتي تجيبا لي فيها خدشه صغيره بطلع روحك رامز فرح وشال المفتاح وقال لي يلا ياحجه😁 ....وانا قلبي م معاهم😓🥺 قلت ليهو انا طالعه للمرا فوق وانت استناني في العربيه قال لي حااااضر وانا عارفاهو ناوي يحوم بعربية اخوهو قال لي اخدي راحتك ولمن تخلصي اديني رنه ٫٫٫٫٫ دخلتا العياده الناس كانو بسيطين ومشيت لي البت الكاتبه وقلت ليها انا الاتصلتا عليك من شويه قالت لي خشي طوالي لانو الناس ديل كلهم جو بعد حجزك ودخلتا للدكتور🥺😓 دخلتا وانا خااايفه وبقدم رجل وبأخر رجل اديتو الكرت قال لي  الفحوصات والاشعه رسلوها لي بالايميل من ساعتين قلت ليهو خير ان شالله نضيفه يادكتور😢😟 سكت!!! 😰 وفضل ساكت مده طويله😓 وانا خلاااص جسمي هبط وتلج🥶😓 قلت ليهو خير يادكتور؟؟؟ قال لي المفروض يكون معاك شخص مقرب ليك علشان هو اليوصل ليك الخبر دا بس للاسف مافي وانتي م جبتي معاك اي زول وانا مضطر ابلغك ليهو انتي😓  وسكت تاني🙄 قلت ليهو اتكلم يادكتور 😳🥺 انا زوله مؤمنه بالله😩

قال لي ...

انا متأسف والله إني أبلغك الخبر دا

عندك كانسر في المراره مرحله متأخره يامدام😔💔

#يتبع ٫٫٫٫٫

#إقتباسهه ٫٫٫٫٫

لماذا عليكِ أن تثبتِي للعالم أنكي لستِ وحيدة؟؟
لماذا الأرق يا عزيزتي ، لماذا الأقنعة !
أحقاً هُنالك ضوء يجب أن يعود ؟
أما تجمعين باقي الحُطام وترحلين بعيدا أتحسبين أخر الرسائل في الطريق ! !!

أتمني الا تُبالغي في هذا الامر ،
أنه أشد وجعاً من الرحيل .💔