انت أملي~،،💔

أنت أملي~16

ورجعتا البيت😢 حسيت كأني بدخلو اول مره😓 حسيت كأنو م بيتي !😢!🙄 وكأني م لي حق فيهو😔 التيمان او م شافوني جو جارين اترمو في حضني الاتنين🥺 وبكييت 😔😓 مسحتا دموعي قبل اولادي يلاحظو ليها😔😟 ناديت أيهم وكريم وجوني الاتنين جارين وحضوني هم كمان بس ولا أسيل ولا إياد م جوني💔😓 مع اني اتوقعتها منهم بس وجعتني كتيير😬😢 ومشيت ليهم لحدي عندهم لقيتم الاتنين قاعدين مع بعض يعني كانو سامعني 😕 وقلت ليهم مافي ازيك ياماما؟؟؟😏 طواالي طلعو الاتنين من الغرفه بدون م يردو😓 وفضلو مخاصمني ايااام وشهور وانا صابره وساكته 😔💔
٫٫٫٫٫ الجماعه بتاعين النظريات والحلول وصلو لي انو اخواني يجو يعتزرو ليهو وخلاص🙄 طيب وين حل المشكله اللي اخواني جو يحلوها وحصل الحصل؟؟؟؟؟🙄😤 مافي زول انتبه لي كده 🤔🤔 وفعلا جو اخواني في اليوم اللي هم حددوه 🙄 جو ال8 من الكبير للصغير 🙄 وقعدو وانتظرو وهو ولا اخوانو م جو وكانت حركه جبانه منهم كلهم بما فيهم عبدالعزيز العاقل فيهم!!!! 😕😕 ولما إتصلو عليهم قالو ليهو معليش نسينا😏 تعالو الجمعه الجايه!!!!!😏😏 😕 عماد قال ليهم تعالو هسا ننهي الموضوع دا وخلاص😕 قالو ليهو احنا عندنا مناسبه في الحله م بنقدر نجي🙄😏 عاوز يرد أمجد اشر ليهو انو يقفل الخط خلاص !!!🙄 بعد قفلو أمجد قالو هم عاوزين جرجره 😕...مالو نكملا معاهم للآخر احنا م خسرانين حاجه غير بنزين واشغالنا بتتأجل نجيهم الجمعه الجايه😏😏 ولو قالو البعدها برضوو بنجي ونشوف اخرهم شنو؟؟😠😠 وكلهم قالو ليهو كلامك صاح وركبو عرباتن وفاتو وكل واحد قبل يفوت ادو اولادي الف جنيه يعني كل واحد بقي عندو 8الف وفرحو ونططو الا إياد و أسيل😪 ...إياد أصلا رفض يمسكا منهم وأسيل ابت تطلع ليهم م اساسو🙄 مع انو تصرفن كان غلط وفيهو عدم احترام لي خيلانن ومع انهم مخاصمني لسه ولا بتكلمو معاي ولا بقعدو في مكان انا فيهو بس اتكيفتا من تصرفن دا🤔 لانو دليل علي انهم فيهم خير🙄 والبزعل علي ابوهو مهما كان ابوهو غلطان دا فيهو خير وطمرت فيهو التربيه ومن ناحيه تانيه خلي اخواني يفهمو انو في ناس كان المفترض يراعو ليهم قبل يدقو الناس😕😕 وكمان يعرفو م كل زعل بنجبر بالقروش😤😓 وتلمو الجمعه البعدها وقبل يصلو صديق اتصل عليهم قال ليهم م تجونا في بيت منعم تعالو في البيت الكبير😏 وطبعا باينه انو دي افكار صديق زاتو😤 عاوزينهم يجوهم غصب عنهم لحدي عندهم😕😤 وامي ووعد قالو لي إمام م تمشو ليهم هناك انتو المشكله كانت وين؟؟ ليه م يحلوها محل كانت وبس؟؟؟😕 إمام قال ليهم دا كلام رجال وانتو م ليكم دخل وم تتحشرو في الموضوع دا نهائي😤😤 وفعلا مشو هناك واعتزرو وشربو معاهم شاي واتونسو وكل ناس رجعو اهلم🙄 وكدا اعتبرو نفسهم حلو المشكله!!!!!🙄🌚
عدت ايام وشهور واحنا الوضع في البيت اسوأ م يكون😪 اولادي مخاصمني😢 وابوهم شغال مكايده وعناد وعكاس لي درجة انو بقفل المطبخ مني ويطبخ براهو🙄😯 ويكسر اي كبس كهرباء يلقي فيهو تلفوني😏😢 ويرمي اي حاجه تخصني في الزباله لو لاقتو بالغلط😤 ونفس الكلام الكان بقولو زاد فيهو زياده لمن بقي م بهمني كلامو مهما قال ورجعتا للسكوت من تاني😓 وعز المشاكل والمصايب دي كان عرس اولاد اخو عاصم يعني حما وعد اختي ولاازم احضرو 😪عشان وعد وعشان عاصم الوقف معاي وم قصر وعشان نهله ام العرسان زوله صحبتي وتعاملا معاي حلوو شديد حتي اخو عاصم زاتو زول مجامل وم حصل فاتنا كل زياراتو للسودان فكان لازم امشي😪😢 ٫٫٫٫٫٫ولا كان عندي زغبه لمناسبه ولا عندي نفس لي حفله😢 ولا حتي عندي البلسو لي مناسبه زي دي💔😔 اتسلفتا من وعد 5الف جنيه وكنتا مأمله اشتري بيها شبشب وتوب راقيين🥺🙄وانا مقفوله في البيت لي اربعه سنه وم عندي فكره عن الاسعار بقت غاليه قدر شنو؟؟!!!!😓😢 كنتا عامله زي اهل الكهف لمن طلعو من كهفهم بس فضل لي اسأل الناس كم لبثنا؟؟؟😪مشيت سعد قشره وسقتا معاي .... السوق كان اتغير كتييير بقي احسن كتير م زي زمان🙄 وانصدمتا بالاسعار 💔😬😬 قروشي م ح تجيب لي حاجه نافعه💔😤 واصلا م بحب السوق😢 قلت احسن اشوف زباينا البعرفهم من زمان وكان اكتر محل بنتعامل معاهو السنيوره مشيت ولقيتو برضو غاالي نار😬 صاحب المحل البنعرفو اسمو ياسين زول محترم ومهذب شدييد سألت عنو قالو لي الزول ده فتح محل تاني اسمو تالين بتلقيهو بعد شارعين من محلو الأول لما وصلتو لقيت نفسي انا بعرف المحل دا وبتاع الاطفالي القدامو اشتريت منو جهاز البيبي حق بت صديق الما بستاهل وديتو ليهم هديه😬🙁🌚 ٫٫٫٫٫٫٫٫ محلهم كبير زي السنيوره الأولاني 🙄 بس التياب خامات مختلفه اغلبا خامات مقلده وكلها ورود وزهور زي الجنينه🙄😬 قلت لي نفسي معقول ياسين ذوقو اتدهور كدا🙄🤔 وكان في اتين في المحل واحد اصفراني ود شفتو كتير قبل كده واصلا شغال مع ياسين من زمان والتاني أسمراني م عاارفه شفتو وين🙄 شبهتو علي منو🤔م عارفه🙄🤔 وقدر م سألتا علي توب 🙄القاهو غالي😪 وسألتا عن ياسين قالو لي هسي مافي😢🥺 كان بتفاهم معاي الاسمراني قلت ليهو عاوزه توب خيش سعودي ضحك وقال لي مافي خيش سعودي في عادي بس😕 غاظتني ضحكتو😬 قلت ليهو يعني م عندكم؟ 🙁😏 قال لي ولا حتي في السوق😏 قلت ليهو كيف يعني ولا في السوق!!! اذا كان مالي الفيس🙄🤔 قال لي طيب م اشتريتهو من الفيس ليه؟؟ بنصحك تمشي تشتريهو من هناك طوالي😒 قلت ليهو خلاص اديني الكرت بتاع المحل طيب علشان لمن اكون عاوزه حاجه اتأكد انها في ولا لأ🙁 ....وانا عاوزه بس اتأكد لو ياسين موجود أو لا أصلا الزول المسيخ المنفسن دا م حبيتو🌚🙄 ... واديتو التلفون وسجل لي الرقم وكنت حاسه انو الزول الاخدراني المسيخ دا انا شفتو قبل كده 🙄🙁سألتو انت شغال مع ياسين من زمان🤔 قال لي ااي من زمن السنيوره قلت ليهو عشان كده حاسه اني شفتك انت احمد أخوهو؟؟ قال لي لأ ايمن وإنتي شهد أكرم صح؟😉 .. طبعا خلعني😳 قلت انت بتعرفني🙄 قال لي ايوه احنا م بننسا الزباين حتي لو هم نسونا😉 انتي ليكي أربعه سنه من أخر توب إشتريتبهو مننا🙂 شكلك اغتربتي برا السودان ماشاء الله باين عليك م قاعده في البلد دي😊 م فهمت دا مالو دا🙄🤔 دا بعاكس ولا بتكلم جادي
!!!!!ا🙄

# يتبع ٫٫٫٫٫٫

#إقتباسهه٫٫٫٫٫

نعم ياسيدي ...

انا اكتب الشعر ...

أموسق المعاني ...

وانظم الدرر ...

لا اصنع المعجزات ...

لا احيك السحر ...

قد اوصف لك الشتاء . ...

حتي تحتاج للغطاء ..

واحكي لك اخبار الغرام ..

وقصص الهوي ....

وانا التي .....
حبست....
علي برج اعلي السماء ...💔

أواانس النجوم ....
واغازل الفراغ ... 💔

اخبرك....
عن طعم الشهد واللبن.....

وانا من لم يذق
سوي الشوق والالم !!!

انها كتاباتي ياسيدي ...

وليست ...

تجاربي ... في الحياه😔💔