انت أملي~،،💔

انت املي~3

عرسوني وبقيت مرا لي راجل م بعرفو😯زوجي اسمو عبدالمنعم اهلو بنادوهو منعم اسمراني وقصير وعيونو واسعيين تحس بيهو مندهش في حاجه🙊 هو اكبر مني بكتيير🙄 العمر القالو لي بلسانو 36😳 يعني قدر عمري مرتين وزياده اربعه سنه😳😓 والحاجه دي كانت عامله لي نفسيات في البدايه🤪 كنتا زي اي بت بتمني العريس العمرو قريب من عمري😥 بس منعم م حسسني انو اكبر مني لانو روحو شباااب خالص😊
٫٫٫٫٫طلعنا من بيتنا وكانو راكبين معانا اخوانو واصلا انا م كنتا بعرفهم حتي🙄 بس هم بتونسو ياعبد العزيز اخوي ويامنعم اخوي وياراشد اخوي زي المتخلفين😕 انا لو م كنتا في حاله تانيه كنت قصفتا جبهتن لانها باينه انو عشان اعرف انو ديل اخوانو🌚 وصلنا بيت اهلو وكان البيت ملاااااان خلق وناس م ليهم آخر 😳 بس وصلنا مره كوركت العرسان جوا🙄 طوالي النسوان اتكبسو فينا يباركو😥 وانا كنتا خلااااص برجف من التوتر والخوفه وكمان اليوم كلوووو في الكوفير بدون اكل😥 عاملين لينا حفله وهيصه وهيلمانه والناس فرحانين وبرقصو وانا قلبي عليهم دم دم🥺😓 كنتا بحلم باليوم ده اني ارقص اسلولي مع عريسي والشباين حواليني😓 بس كلو طاااار لي😢بعد الحفله انتهت ساقنا اخوهو ودانا الشقه انا كنتا هلكانه تعب وسهر يومين ورا بعض ف نمتا بي زفافي😢 الصباح
صحيت وانا م مجمعه اول م فتحتا لقيت وشو قصاد وشي وبدون وعي صرختا صرخه قويه عليها هو قام مخلوع 😱 ووقع ع الارض ع ايدو😳 المرتبه ياي وعاليه وهو م متعود عليها جا خابط الارض وبقا يصرخ ايدي ايدي😳 اتسند علي وانا بتعذر ليهو اني شفتا كابوس في النوم خلعني علشان كده صرختا🥺 قال لي وهو ضاغط علي اسنانو من الألم في كابوس بجي للناس الساعه 10 صباحا😬 اتصلي علي راشد اخوي وخليهو يجينا هسسا😤 قلت ليهو طيب اقول ليهو شنوو🙄 ح اقول ليهو اخوك وقع من السرير😱 ياخ قووم خلي الجرسه دي انت م جاتك حاجه خلاص قوم🙁 قال لي لأ انا حاسس ايدي متلجه عديل وم قادر احركا يا اضربي لي اخوي ولا جيبي التلفون اضرب ليهو انا🙁 اتصلتا علي اخوهو وجانا بعربيتو مشينا المستشفي اقرب مستشفي لينا كانت رويال كير وهو سيد جرسه دا متألم ويكورك كل شويه لمن فضحنا😬🙁 الناس بقو يعاينو لينا ساااي بزات باين انو احنا عرسان بي الحنه الظاهره🙁 قابلنا الدكتور وقال لينا اليد اتكسرت في المرفق😱😳 هو كان نايم والجسم مسترخي وفجأه حمل عليها لمن وقع عشان كده اتكسرت لاااازم عمليه وهسا دا طوالي😱😳 انا واخوهو نططنا عيونا وسيد جرسه داك بقي يتجرس زياده والدكتور بقي يهدي فيهو ويقول ليهو دي عمليه بسيطه عشان نجبر الكسر دا وم ح تحس بي ايييي حاجه بنج كامل يااستاذ وعمك دا بقا يتجرس زياده وانا واخوهو نحاول نهدي فيهو وهو يتجرس زي الاطفال😓 وانا ضميري مأنبني شديييد😢 حددو ليهو العمليه المسا نفس اليوم بعد م يعمل الفحوصات وجونا امو واخواتو مخلوعين وهو بكوركو من قبل يصلونا في شنوووو🙁🙁منعم مالووو😱😱😱 كسرتي ليهو يدو بشنو يالشقيه؟؟😳 الكلام دا كان موجهه لي انا طبعا😳 قبل ارد قام هو قال ليها وهي ذنبها شنوو ياأمي؟؟😬 انا برااااي وقعتا وبعدين انا م شافع ولا صغير🙁 طوااالي المرا فصلت وسكتت😏 ودا كان أول مره اشوف ليها وش تاني لي امو غير البتجينا بيهو هي وبناتا بتاع الونسه والضحك داك😏😒 عملو ليهو العمليه وطلعوهو البيت وعملو لينا كرامه واتلمو الأهل كلهم وهم فاكرين انو الكرامه للعرسان عشان جو بيتهم بس يتفاجئو انو العريس ايدو مكسوره وبدت التشغيلات من أهلو واصحابو😏