بعد خلصتا امتحانات ٫٫٫٫ اشترينا حاجات البيبي وكانو حلوين وكيوت ويجننو 😍😍 كنتا دخلتا التاسع وبقيت م قادره اتحرك😢🥺 منعم وصلني ناس امي ورجع نفس اليوم ،،،،، وبعد اسبوعين حسيت بي آلام الولاده ونقلوني المستشفي ووضعتا طبيعي بعد تعب وموت وجبتا ولد 😍 وسميناهو أياد 😊😍وضعتا بالسلامه بعد تعب وطلوع روح وكانو أمي والسستر كل م اقول تعبتا وم قادره استحمل😭😬 يقولو لي الوجع الحااار لسه م جاك اسكتي واستحملي🥺 لمن وضعتا انا راجيه وخايفه شديد من الوجع الحار ده😢😬 اتاريهم كانو غاشني عشان اسكت واستحمل😢🥺 وفعلا خطتم نجحت🙁 ووضعتا وعدينا ال 24 ساعه في المستشفي وخرجونا ....طبعا البيبي كان صغنووووني زي الفار😳😳 وانا كنتا بخاف منوو😢 لمن جو يرضعوه امي والسستر انا خايفه وكاشه منوو بزات لمن شفتوو لحظه الولاده قررربتا يغمي علي🥺😢 لولا رهف اختي واقفه فوق راسي بتقرا القرأن كان اغمي علي🥺😢 لمن رجعنا البيت بس البيبي يبكي اصحي ليك أمي ...
_ يمااا البييي بكاا😳😳 اسوي ليو شنووو😢🥺
_ ح تسوي ليهو شنو😬 عصير يعني😤 رضعيهو😬 _ مابعرف ارضعو😢
طوالي امي قامت من محلها وهي نعسانه من السهر والتعب🥺😴 بس ياداب تقريو منو سبحان الله برااهو يمسكو ويرضع🥺 والرضاااعه حاااره وصعبه😬😢 لمن غلبتا حيله بقيت اتكلم مع البيبي 😢قلت ليهو _هووي انت بتعرف الرضاعه دي من وين انا زااتي م بعرفك🙁🙁😤
أمي في سريرا قعدت تضحك قالت لي يقولو البكر بوم والله بومه امو شوف جنس الحاله دي😹😹
وبقينا نساهر انا وأمي الاسبوع الاول كلوو لمن زهجت مننا بقت تخلي لينا رهف اختي تنوم معانا طبعا رهف دي اختي الاصغر مني طوالي الفرق بينا سنه بس رهف قويه اكتر مني وبحس بيها اعقل مني مرات😅 لقيت خدماتا احسن من امي وم بتخاف من البيبي زيي بتشيلو عاادي وكمان بتحممو😳 نفعتني كتيير بس تجي من المدرسه بتشيلو مني لمن علمتو لي الشيل بقي مابسكت في السرير خالص😬😢 وأمي تقول لي سجمك انتي البشيل معاك منوو وقت تمشي اهلك امااانه م تتعبي مع ولدك دا😳 وكنتا خلاص قرربتا اتم الاربعين وشغالين فيني دخان ومديدة دخن وحلبه وطحنيه عشان اللبن لمن سمنتا انا😩 ووشي بقي مدور عديل😢 وبقيت عاوزه اطق من السمن واللبن 24 ساعه كابي في هدومي وخلاها لي ريحتا كيف كيف🤮يوم من الصباح جانا منعم قال عاوز يسوقنا خلاص 😢طبعا ناس بيتنا كانو اتعودو علي البيبي اكتر مني واتجرسو ليهو اخواتي وأمي زاااتا اتدخلت قالت ليهو خليها تتم الشهرين ولدا صغير في يدها وهي براها هناك😰 اول أصرر وقال خاايف البيت يتسرق بزاات انو ناس امو بنومو باالنهار برضو م اقتنعو ليهو😊 قام خلانا قال بعد 15 يوم بجي اسوقكم بس هسي عندي عرس صاحبي ساكن أمدرمان وعاوزه تمشي معاي🙄 امي قالت ليهو
_ ولدك صغير علي التلتله دي ولسه شهد م تمت الاربعين م صاح طوالي تطلع المناسبات🙄🙂
_ لا ياحاجه ودا صاحبي وصحبة عمر كيف يعني م احضر عرسو بي اولادي؟؟؟😳😏
و انا اول مره انا اعرف انو عندو صحبو الساكن أمدرمان ده 🤔 وكمان صحبة عمر دي🙄🤔 سألوهو العرس متين قال ليهم بكراا دي😳 أمي قالت ليهو خير 😏😏 وكانت خلاص زهجت منو😤
أنت تقرأ
انت أملي~،،💔
Romanceقصه واقعيه مخلوطه بقليل من خيال تبث فيها شهد بطلة الروايه حكايتها وآلامها وشئ من لحظات سعاده عابره ٫٫٫٫ فيها الكثير من المسكوت عنه في هذا المجتمع الظالم💔
