علاقتي بي أيمن كانت عباره عن تناقض في تناقض في تناقض😪..
وكيف اتحولت من كلام مختصر واجابات بسيطه علي قدر السؤال😢😓 لي دردشه طويله وانتظار بي لهفه وشوق😪 وفضفضه وبوح😪 وكلام وحنين من جواي😔💔 اناا قلتا كلام مجنون م بقولو😓 واعترفتا اعترافات 😬 المعلق ع حبل المشنقه م بعترفا😪😵 وبحتا بي الجواي كلووو م خليت لي نفسي حبة كرامه😔😪 حتي ايمن نفسو م خلا كلام م قالو ،،،، عن مشاكلو ،،،، وعن حياتو ،،، وعن علاقتو بي مرتو !!! ،،،،، كل تفصيله ولو صغيره جدا فحياتو انا كنت بعرفا 😥💔 هل كنا زي الغرقان اللقا قشه واتعلق بيها؟؟؟؟؟ وكل واحد كان القشه بالنسبه للتاني😓 هل كان كل اللحظات الحلوه كلللهااا وهم وخيال😬؟؟؟🙄😪هل كنتا انا انانيه وضغطتا عليهو زياده عن اللازم🥺😓 والاناني م بشوف انانيتو🥺😩 هل كرهتو فيني بي ايدي؟؟؟؟😓 هل كان متاطف معاي عشان وضعي ومشاكلي وبعد اتعرفنا اكتر تعاطفو اتلاشي ؟؟؟؟😟 ماعارفه؟؟؟؟😔 هل م قدر يستوعب انو ممكن تكون سعادة انسان متعلقه بس في وجودو معاه ولو كان من بعيييد😓😰 ماعارفه؟؟؟😩 هل شافني اقل منو؟؟؟؟😭😭 وهل م حب اني اخش حياتو اخربااا😭😭 هل كنتا مجرد نزوه وكان بتسلا بي😭😓؟؟ 😭؟😓هل خاف ع مرتو مني؟؟؟؟😳 اني ممكن اضرها او اخرب بيتهم😕؟؟؟؟؟😱😱 هل وهل وهل😔 .... تساؤلات كتيييره جواي😬😰 بنغصو حياتي ويأرقو منامي ويورثوني الهم والسهر😓وماعارفه ليهم اجابه كل البعرفو انو ايمن كان نسمه زي هوا لطيفه في حياتي البائسه الجافه المتصحره😔😔💔كنا بنعدي ساعات دردشه وكلام .... وكنا نسهر لحدي قريب الصباح وانا المتعوده انوم من بدري😴 حتي بدون م احس بالنعاس لانو الكلام معاهو كان احلي من اي نوم😪 كنا نتونس ونضحك ونحكي لبعض متاعب الدنيا فينا😓 حكي لي عن ابوهو وعن مشاكلو مع مرتو وأنها نكديه وبتاعت مشاكل وشخصيتا قويه وم بتخاف حتي من ربنا فيهو🙄😳 كنا نختلف ونتشاكل ونتخاصم ونقول لي بعض خلاص دي النهايه😪 كنا تااااني نرجع لبعض اقوي من الاول😢 ايواا انا الكنت برجع دايما😔 بس كنتا بلقاهو مرحب دايما بي رجعتي بلهفه وشوق😓
ايمن زول هادي وسكوت وفيهو هيبه وغموض يجبرك انك تحاول تكتشفو🤤🤤 وصوتو فيهو حنيه م عاديه🥺 يحسسك بالدفا والامان😢 بزات بحة صوتو لما يكون نعسان🤤 واسمراني وقوامو جميل🙈 وشخصيتو قويه😎 وطيب وحنووون😥 وعنييد😊 واي حاجه في الدنيا هو عندو عنها خلفيه😊 وواعي ومتعلم وعاااقل لدرجه م عاديه😊وروحو طفوليه جدا بزات لما يضحك🥺 بسيط وعفوي للآخر😊 وواضح وم بجامل كتير....دي كانت صورة ايمن في عيوني🥺 م لي دعوة بي الناس شايفنو كيف🙁 وكنتا بستغرب😢 بستغرب شديييد في مرتو😥 مرا عندها راجل بالصفات دي ..بس كفايه حنيتو😪 تشاكلو وتقصر في حقو ذرة تقصير؟؟؟؟🙄😓 احتمال هي م مقدره قيمتو لانو هو رااجلا !!!😪 حلالا وحقها وملكها😪 ووشو في وشها طول م هو معاهم هناك🙄😯 واحنا ك بشر اتعودنا م نقدر الشئ الفي ايدنا🙄🤔 واحتمال انا شايفاهو كده م عارفه🙄😓 برضو احتمال😪💔
كل دا م بنفي اني حبيتو😔 وانو كان مصدر سعاده لي بمجرد شوفتو😪 او حتي لما اشوف رسايلو او اسمع صوتو ع التلفون😪
ايمن زول هادي وتحسو ود ناس ومتربي وملامحو تحسسك بالامان والطمأنينه واستمرت الدردشه بينا لايام وكانت في البدايه كلمه وكلمتين بس سؤال عن الحال واجابة بخير وخلاص وسلام ورد السلام🙄 لحدي م بقت ونسه بالساعات وبوح وكلام😔 وكنتا بتحجج بأني عاوزه توب عشان اقعد اشوفو واقعد قصادو واسمع ونستو وكلامو😢🥺 🙈 وهو بجر مقعدو قصادي😍 والعين تكون قصاد العين😍🙈 مع انو اطول مني😜 ودي كانت اسعد لحظات حياتي😪
ايمن حرك فيا مشاعر م كنتا متخيله اني احسها🙄😥 او اعيشا وإحساس عمري م حسيتو قبل كده😓 خلاني احس بأنسانيتي من تاني والاحاسيس اللي منعم كان بلومني اني م بحسها حسيتا مع ايمن بس😓😔💔 كان بفهم علي من نظرات عيوني 🙄 م كنت محتاجه احكي كتير علشان يفهم انا مالي😥 او بشكي من شنو😲 معرفتنا لبعض اللي دامت اقل من سنتين خلتو يفهمني اكتر من نفسي😥 بتصل عليهو وانا مغمومه ومهمومه 😰💔 بقدرة قادر بحتوي كل همي وزعلي والمي ويحولو لي قناعه ورضا م عادي😊 بي إختصار شديد أيمن كان هرمون الاكسيتوسين ❤️❤️في حياتي البائسه💔
بس جات لحظه من لحظات كترت اختلافاانا💔😓 وكبرت الفجوه البيناتنا😢 وبقت اكبر من كونها تتردم او تتعالج وبقي في حواجز وجبال تلج بيناتنا😩 بقي كل اختلاف مهما كان صغير او كبير كان بنتهي بي كلمة خلاص نكون اخوان😪 وبقت دموعي م عندها قيمه او تمن عندو😓 حتي انا نفسي م عارفه اذا عندي قيمه عندو ولا لأ😪😢 ووصلنا لمرحله البعاد هو اكرم خيار😔💔 ع الاقل عشان نحافظ علي الذكري الحلوه وعلي باقي كرامتنا قدام بعض 😭💔 كنا ساعه بنودع بعض وكل واحد بتمني للتاني حياه سعيده😓💔 كل واحد فينا قلبو مكسور وبكابر وشايلانا عزة النفس😪💔كنت حاسه أنو بعاند في نفسو علشان م يكرر قصة أبوهو💔😓 وأنو مشاعرنا م كانت عبث💔😭
#يتبع ٫٫٫٫
#إقتباسهه ٫٫٫٫٫اناااا .... طروادة اخري
اقاوم كلل أسواري ....
وأرفض كل ماحولي ..
ومن حولي ...!!!
بأصراري ...😕
أقاوم واقعي ...
المصنوع
من قش وفخار ...🙄
أقاوم كل اهل الكهف
والتنجيم والزار ...😕
واسخر من تواكلهم تآكلهم ..... تناسلهم كأبقار ...☹
وأمامي الف
سياف وسياف !!!😮
وخلفي الف..
جزارا ....
وجزار 😓
وانا في غمار معركتي ....😪
وانا احارب
حرب صنديد
وذو النار ...😬🙁
واذا بي ....
أواجهه 🥺
ذاك الأسمر ...
ذو الاسحار ...😔
جيوش كرامتي😢
ولت...🥺
ولت٫٫٫
الادبار ...😩
ومن سحره ...!!!
وذابت سيوفي ...
واسلحتي ...😯
وتلاشت اسوار قلاعي واضرحتي ....😔
يالسخرية الاقدار ...!!!
استسلمت انا😓
وصرت بدلا عن الحرب وتسبب الاضرار .....😔
صرت أكتب😟
الروايات .....
والاشعار ....😔
أنت تقرأ
انت أملي~،،💔
Romanceقصه واقعيه مخلوطه بقليل من خيال تبث فيها شهد بطلة الروايه حكايتها وآلامها وشئ من لحظات سعاده عابره ٫٫٫٫ فيها الكثير من المسكوت عنه في هذا المجتمع الظالم💔
