انت أملي~،،💔

أنت أملي ~24

سمر وحاسم دخلو لقوني بين موت وحياه سمر كانت بتقول لي حاسم انا م قلت ليك انو مودينا إمدرمان عشان يصفي حساباتو مع شهد😩😩حاسم قال ليها يلا نوديها الحمام تغسل الدم المالي وشها دا😓😓 الاتنين تكلوني ودوني الحمام ٫٫٫٫ سمر بقت تغسل لي وشي وهي بتبكي💔😓 ويديني الاتملو جروح من اثر الضرب😓 وحاسم جاب قطن وديتول وبقي ينضف في الجروح بالديتول  واحنا ساكتين التلاته😓 رغم انو ياما مرت علي  مآسي وياما انهرتا وبكيت وياما اغمي علي لاتفه الاسباب وياما قابلتا مواقف بسيطه بالضعف والبكي وقلة الحيله😓 ورغم انو دا اصعب موقف في حياتي واني اتٱذيت أذي م بستحملو بشر بس ٫٫٫ سبحان الله😔 ربنا من  كرمو اداني قوة احتمال م عاديه ع قدر صعوبة  الموقف وفظاعتو بس نزلت علي قوه وسكينه وعدم تأثر م عادي 😭😭وزي م ربنا قال يانار كوني بردا وسلاما علي سيدنا ابراهيم😔 انا م بدعي الصلاح بس ربنا مع المسكين ومع المظلوم ولو كان كافر😔 حاسم قال لي سمر غيري ليها ملابسا نسوقا لي رهف قبل ناس امي يجو يلقوها كده امي ممكن تموت فيها😟 وفعلا سمر جابت لي غيار  وعبايتي الكانت ملانه دم وجير من الحيطه الانضربتا فيها وغبار شلناها معانا ومشينا لي رهف😔ورهف ساكنه الكلاكله لما وصلناها هي كمان برضها من شافتني كمان بقت تكورك فشنوو؟؟؟ شهد دي العمل فيها كده منووو😩😩 سمر قالت ليها يعني ح يكون منوو يعني😏😤؟؟؟؟😖😖 رهف بقت تقول لي إمام مالو معاكي م كنتو كويسين😩😩 حاسم قال لي شهد ورينا الحصل شنوو؟؟؟؟ 🙁🙁 قلت ليهو اسمع ياحاسم😤😤 انا ولا لطختا اسمكم ولا جبتا ليكم عار عشان يتعمل فيني كده انا حبيت واحد ود ناس وملتزم وعندو مسئوليات وظروفو م سمحت لينا نكمل مع بعض وافترقنا واخوك لقي المحادثات واعتبرني حقيره ومطلوقه 😩😩 وبسئ لابونا كأنو م أبوه😤😤 انت بتصدق اني انا كده ياحاسم قال لي لأ ولو شفتك بي عيني م بصدق ح اكذب عيني😕 لأني واثق فيك ياشهد ... قلت ليهو إمام فقد الثقه في الناس عشان عمايلو هو وبقي غير سوء الظن م عندو شئ😫😤😤 حاسم قال لي  م تحكي لي انا عارف كل شئ وعارف الشقق المشبوهه البمشيها هو وأصحابو😤😤 قلت ليهو   إمام  فاكر كل الناس نسو تربية أبوي لينا☹☹

٫٫٫٫ حاسم قال أحسن أقعد مع رهف  يوم لمن ارتاح والاثر بتاع الضرب دا يروح حتي ارجع البيت وإنتي يارهف ح تهتمي بيها كويس ولا شنو ؟؟... رهف قالت ليهو شهد في عيوني بس امشي جيب لينا ديتول وقطن وشاش وفازلين طبي وكان لقيت مرهم مسكن موضعي جيبو عشان نعملو ليها🥺 حاسم قال لي سمر يلا البيت خلاص ناس امي اتصلو علي عشان اجيبهم  سمر حنستو قالت ليهو عليييك الله خليني معاهم🥺🥺 قال ليها طيب اقول لي امي مشينا  الكلاكله لشنو احنا طلعنا منهم ع اساس نجيب بخاخ الازمه حقك🙄 قالت ليهو قول ليهم رهف عندها وجع ضهر عشان الغضروف وانا وديت ليها سمر تساعدا في شغل البيت😊 وأما شهد ح نقول لي أماني تقول ليهم خلو شهد تقعد معاي لي بكره وربنا بحلها🥺
حاسم جاب الحاجات  وفات وقعدنا التلاته وحكيت ليهم الحصل بالتفصيل وكيف كان بمسك راسي بضربو بالحيطه وانا لسه كنت بتكلم وبقول ليهو كلام عمرو م سمعو ولا كان ح يسمعو لولا انو عمل فيني كده حتي امي م كانت بتقدر تواجهو بي غلطو ابدا😕 ورهف وسمر منططين عيونن وم مصدقين انو إمام في زول قدر يقول ليهو كلام بالشكل دا😕جسمي كان بألمني شديد من اثر الضرب😓 مافي حته نفدت الا القليل بس ده كان تمن قليل لي اني اواجهه إمام بعيوبو وغلطو الهو فاكر انو مافي زول عارفهم ليهو😕 عشان كده كنت من جواي م متألمه ابدا جسمي متألم بس من جواي م كان في الم علشان كده استعدتا جو المرح بي سرعه وبقو رهف وسمر يقولو لي عليك الله عيدي لينا الكلام القلتي ليهو😳😳  ونقعد نضحك لمن اوصف ليهم وشو وهو بسمع في الكلام 😊ورهف تقول لي والله انتي قوياااا😃 وعملو لي جو حلو رهف وبناتا الصغار شيرين وتالين وسمر ٫٫٫٫٫ وكنا نتونس لحدي نص الليل ونسه وضحك كأننا كنا بنزع الفرحه من خشم الزمن💔😥
وفجأة اتزكرتا ايمن😱😱وانو إمام يكون عمل فيهو حاجه😳😳 ولا جرجرو بحسابي لمن كان تلفوني عندو😱😱 يمكن طعنو😱😱 يمكن ضربو😳😳 طوالي قلت لي سمر تلفوني معاك😱😳 قالت لي ااااي لكن شاشتو مكسره م نافعه قلت ليها طلعي الشريحه ختيها لي في تلفونك طبعا الشريحه الزين شالا معاهو !!!🙄 علشان يكمل باقي ظنونو وافكارو السوداء😒 سمر دخلت شريحتي في تلفونا وفتشتا اسم ايمن م لقيتو واتزكىتا اني مسجلاهو في الشريحه الزين !!! 🙄وعرفتا لييه شالا🙁😤 حاولتا اجيبو براي اتلخبطا فيهو اكتر من مره بالربكه الانا فيها مع اني متأكده اني حافظاهو  سمر قالت لي طيب شوفي الواتس قلت ليها كيف؟؟؟ قالت لي افتحي واتسك هنا في تلفوني وفعلا بعد تعب وجرجره وطلوع روح  الواتس فتح معاي🥺 وكانت المفاجأه إنو إمام جاب الباك أب (نسخه احطايطيه) القديمه وكل الرسايل البيني وبين أيمن كانت ظاهره🙄 مع أنو م اتخطينا حدودنا بس إمام أساء الظن فينا😤  كنتا خايفه انو أيمن يكون حصل ليهو حاجه بس اطمنتا لما لقيت اخر ظهورو قريب في نفس يوم الليله🥺 تاني خطر لي خاطر انو م ايمن الشايل تلفونو يمكن شايلو زول تاني وايمن م بخيير😱😓  يمكن شايلو إمام😳😳رسلتا السلام عليكم.... ع اساس اعرف دا منو ايمن ولا غيرو 🥺 والدنيا كانت صباح ..رد السلام عليكم قلت ليهو انا شهد😢 رد علي عارفك شهد🥺من مساختو عرفتو انو دا ايمن😟 سألتو في زول اتكلم معاك بي واتسابي دا🙄 قال لي لأ مافي🙄 حمدتا ربنا انو كويس😪 فجأة بقي يلومني اني م قلتا صباح الخير 🙄 وإني إتماسختا علشان قلتا السلام عليكم زي الأغراب🙄😳بلعتها منو وقلت ليهو صباح الخير😔😢 قال لي بعد شنوو😤 قلت ليهو اخوي فتح تلفوني وشاف الكلام البينا🙄 ...

رد لي ياتو كلام بينا ؟؟؟؟😏😏احنا مافي بينا أي كلام🙄 وبعدين دي مشاكل عائليه بينكم😳 انا دخلي فيها شنو😤💔
م كنتا مصدقه انو  دا ايمن يتكلم معاي كده😳😓 تعامل إمام أخوي معاي كان كوم😳😳 وكلام ايمن ده كان كوم تاني😳😳 اوجع وامر وبقيت ابكي بحرقه😭😭😭😭 وهو بهناك برسل لي في كلام كلو شوك وطعمو مر 😓😭😭😭 قلت ليهوو شكرا🥺 ..  قال بتشكريني علي شنو😏 قلت ليهو لانك اديتني درس عمري م ح أنساهو ... وحظرتو😪💔

ورجعتا شلتا الحظر وقلتا ليهو انت زيك زي إمام اخوي المتخلف دا وزيك زي منعم  النكد حياتي كلها انتو كلكم زي بعض كلكم انانيين وم بتحبو غير نفسكم😓😤😤 وقلبوبكم حجر💔😩  وعامياكم الانانيه

وحظرتو تاني💔

#يتبع  ٫٫٫٫٫

#إقتباسهه ٫٫٫٫٫٫

قد يخلق الله اربعون شبها مثل شبهه !!!🙄

اربعون وجها مثل وجهه !!!😓

آلاف العيون مثل عيناه ...!!!😟

ولكن؟؟؟😪

هل هناك قلبا مثل قلبه؟؟؟😔💔

او روحا مثل روحه⁉