𝐘𝐨𝐮𝐫 𝐥𝐢𝐩𝐬 𝐅𝐭. 𝐌𝐲 𝐧𝐞𝐜𝐤

3 [U]

*တောင်*

ညဘက်၁၀နာရီ အိပ်ခါနီး msgဝင်လာလို့ ဖွင့်ဖတ်ကြည့်လိုက်မိတော့ ရှောင်းကျန့်ဆီက။

*လမ်းကြုံလို့ ဝင်လာတာပါဂျာ*
ယုန်လေးတစ်ကောင် မုန်လာဥဖြူလေးပိုက်ပြီး တံခါးရှေ့ ပြူတစ်ပြူတစ်လုပ်နေတဲ့ စတစ်ကာလေးကြောင့် ရိပေါ် ပြုံးမိသွားတယ်။

*အိမ်ရှင်ကြီး ဘာလုပ်နေလဲ။ အထဲဝင်လို့ရလား*
ယုန်စတစ်ကာလေးဟာ နှာလေးတရှုံ့ရှုံ့ မျက်လုံးလေး ငိုမဲ့မဲ့နဲ့။ ရုပ်ကိုက ချက်စားချင်စရာလေး။

*အခုမှ ဂိမ်းဆော့ပြီးတာ။ အိပ်တော့မလို့*

*ဘာဂိမ်းလဲ*

*Pou။ သိလား။ ချီးပုံလေးကို အစာကျွေးရတဲ့ဂိမ်းလေ။ ခါတိုင်း သူ့ကိုရေမိုးချိုးပေးပြီး တန်းအိပ်တာ။ အခု ချီးပုံက စော်ရသွားလို့ သူတို့နှစ်တုံး လျှောက်လည်တာစောင့်ပြီးမှ အိပ်ရတာ*

*ဟင် မသိပါဘူး။ ကိုယ်က မင်းpubgတွေ MLတွေများ ဆော့သလားလို့*

*အဲဒါတွေက တစ်ခါတစ်လေမှ ဆော့ဖြစ်တာ*

*ချီးပုံတောင် ကောင်မလေးနဲ့။ မင်းကရော*

*ဘာတွေပြောနေတာလဲ။ ကျနော့်မှာလဲ ရှိတာပေါ့*

*........*

*ကျနော် စီးနေကြဆိုင်ကယ်က ကျနော့်ကောင်မလေးပဲလေ*

*lol ကိုယ်ကတကယ်ထင်သွားတာ။ ဆိုင်ကယ်တော့စီးပြီး ကားကျမမောင်းဖူးလား*

*ကားမောင်းလိုင်စင် မရသေးဘူး*

*ကားမစီးဘဲ ကိုယ့်ကိုစီးမယ်ဆို လိုင်စင်မလိုပါဘူး*

*edit: ကိုယ့်ကား*

ကုတင်ဘေးက စာကြည့်မီးရောင်မှိန်မှိန်လေးအောက်မှာ ရိပေါ်မျက်နှာလေး မဆိုစလောက် ရဲသွားတယ်။ ငြိမ်နေလို့ အကောင်းမှတ်တာ။ မထင်တဲ့အချိန်မှာ မထင်တဲ့စကားတွေ ပြောပြန်ပြီ။ ရှောင်းကျန့်က တကယ်ပဲ။

*ဘာဆိုင်လို့ ခင်ဗျားကား လိုက်စီးရမှာလဲ*

*မဆိုင်ဘူးလား။ ကိုယ်က ဆိုင်တယ်ထင်နေတာ*

ဆိုင်...တယ်...ထင်...နေ....တာ?

စကားတစ်ခွန်းကို လွယ်လွယ်ပြောတတ်တာ ရှောင်းကျန့်အကျင့်လားမသိပေမယ့် ခက်တာက ရိပေါ် ဒီစကားတွေကို သဘောကျနေမိတယ်။ တွေ့တာမကြာသေးဖူးဆိုပေမယ့် ရှောင်းကျန့်အနားရောက်တာနဲ့ ရိပေါ်လက်ဖျားခြေဖျားတွေ အေးစက်နေမိသလို ရင်တွေလဲ တုန်နေတတ်တယ်။ ရှောင်းကျန့် သူ့ကိုပြုံးပြတိုင်း သူနှလုံးခုန်မြန်လာတာ သေချာကြီးခံစားမိတယ်။ နှုတ်ခမ်းအောက်က မှဲ့နက်လေးနေရာရွေ့သွားတိုင်း လိုက်ကြည့်နေမိလွန်းလို့ သူ့ကိုယ်သူ မနည်းတားနေရတယ်။