_هو انت ليه قاسي اوي كده
_انا قاسي يا يسرا كل ده علشان زعقتلك
_اه قاسي علشان زعقتلي مفروض تفهمني براحه
_بت متجننيش امال مين اللي قعد ساعه يفهم في حضرتك وانتي اللي علي للسانك لا لا لا
_انت
_اديكي اعترفتي اهو
_ايوه انا اعترفت بس برضو مكنتش تزعقلي انا مبحبش حد يزعقلي وانت عارف كده
_حاضر ياستي مش هزعق بس بعد كده تسمعي كلامي يااما لو مش عاجبك ناقشيني فيه مش كل حاجه لا لا لا مش طفله انتي
_😂هحاول
_بجد بجد انا اللي استاهل ضرب الجزمه اني رايح اخطب واحده مجنونه وطفله
_قصدك يعني اللي انا مجنونه وطفله
_اه ده قصدي
_كده يبقي استحمل النكد بقي لمده اسبوع
_لا وعلي ايه يااستي سحبت كلامي
_شطور شطور حبيبي شطور يانااااس
_يامجنونه بحبكككك
_وانا بعشقككك اوعي تزهق مني
_انتي هبله يابت حد بيزهق من بنته
_يعني انا بنتك
_انتي بنتي واختي وامي وصحبتي وكل حاجه ليا
انتي عارفه ايه اكتر حاجه خلتني احبك
_ايه
_قلبك الطيب وحنيتك وطفولتك انا بحبك وبحب عيوبك قبل مميزاتك
_وانا بعشقك بكل حاجه فيك برجولتك وبحنيتك عليا وبخوفك عليا وبعشق عيوبك قبل مميزاتك
_معلشي ياقلبي هضطر اقفل دلوقتي علشان بينادو عليا في الشغل
_روح ياحبيبي ربنا معاك ويوفقك بقولك صحيح انا هروح لماما النهارده
_افندم مش انتي في البيت
_اه
_امال ازاي هتروحي لماما وهي موجوده في البيت مش فاهم
_هههههههههه ماما امك مش امي يابني
_هههههههه طيب ياقلبي روحي ولو ساره ضيقتك قوليلي وانا هتصرف معاها
_ممكن ملكش دعوه بيها ومتدخلش بنا تضايقني او لا اطلع منها انت
_تصدقي انا غلطان اولعو في بعض
_كويس انك عارف انك غلطان😂😜يلا بقي روح
_ماشي ياقلبي سلام
_اسلام
_نعم
_خلي بالك من نفسك علشاني
_حاضر ياعمري يلا بقي روحي علشان متأخرش
_ماشي سلام
_سلام
الحب حاجه حلوه جدا بس لو اخترتي الانسااان الصح الانسان اللي يبقي ليكي كل حاجه في الدنيا الراجل اللي يكون راجل ليكي مش عليكي
كفايه كلام بقي واعرفكم بنفسي انا يسرا ابراهيم عندي 22 سنه بدرس في اخر سنه في كلية الاداب قسم تاريخ مامتي وبابايا موجدين ومعنديش اخوات بنات عندي اخ واحد بس متحوز ومخلف بس للاسف انا ومراته علاقتنا مش حلوه حاولت كتير اصلحها لاكن معرفتش بس اخويا طيب وبيحبني وعمره ما جه عليا وديما بيجيلنا ومعاه عياله علشان نشوفهم وبيباتو معانا احيانا وعلشان كده انا قررت اني مش هبقي لاخت اسلام اللي هي بقته ليا هي خلتني حتي مش عارفه احترمها من كتر المشاكل اللي كانت بتعملها معايا وانها كانت بتحاول توقع بيني وبين اخويا كل ده خلاني حقيقي حتي مبحترمهاش علشان كده انا نفسي ابقي اخت لأخت اسلام نفسي ابقي ليها حاجه مختلفه اصلها هي عمة عيالي وهي اخت حبيبي الراجل اللي يستاهل بجد اني اتعب علشان اكسب حب اهله وعلفكره اخت اسلام طيبه جدا بس هي بتحب اسلام اوووي فا فكره اني جايه اخده منها علشان كده بتعاملني وحش بش انا بقي مش بستسلم وهفضل احاول لحد مكسبها اخت ليا زي مكسبت اخواتها التانين ومامته طيبه جدا وبجد انا بعتبرها امي التانيه كلمة ماما دي انا مقولتهاش علشان خاطر اسلام لا انا قولتها علشان هي تستاهلها المهم بعد مقفلت مع اسلام قومت لبست وطلعت بره لقيت ماما قاعده بتتفرج علي التلفزيون
_مامتي يا مامتي ياست الكل
_ايه يابت الجزمه انتي خضتيني
_علفكره انتي كده بتشتمي نفسك😜
_ملكيش دعوه هي نفسي ولا نفسك
_لا نفسك انتي
_يبقي خلاص اطلعي منها بقي
_حاضر ياحجه معرفش انا ايه الامهات دي
_مش عاجبك ولا ايه يابت
_لا عاجبني ياست الكل عاجبني
_ايوه كده ناس تخاف متختشيش قوليلي بقي رايحه فين ياقلبي
_رايحه عند ماما سعاد
_سلميلي عليها حبيبتي وراعي ربنا فيها يابنتي هي وعيالها متعمليش نفس اللي مرات اخوكي عملته فينا لما بعدت ابني عننا سنين ولولا انه حن لينا مكنش رجعلنا تاني
_عمري ياامي مهعملها عمري مش انا اللي تعمل كده انا تربيتك وانتي عارفه تربيتك كويس
_عارفه ياحبيبتي روحي يلا ربنا معاكي ياقلبي
_تسلميلي ياست الكل ويطولي في عمرك يارب
بوستها ونزلت وانا زعلانه لاني عارفه ومتأكده ان ماما قلبها موجوع علي ابنها مهو للاسف بعد عننا فتره لانها عملت مشاكل كتير وهو مكنش عايز المشاكل راح بعد عننا وبعد حوالي سنتين اخيرا فكر يسأل عننا بس انا مدتلوش وش لاكن ماما بقي اول مشافته حضنته وقعدت تعيط قلب الام صحيح ميعرفش قسوه ابدا بس انا بقي مش ام وهو اللي بدأ وبعد وعلشان كده انا مبكلموش لحد اللحظه دي ومهما حاول يصالحني مبردش عليه عارفين ليه علشان هو ابويا التاني وصاحبي وكل حاجه في حياتي انا بابا ديما في الشغل مش بشوفه كتير مليش غيره هو اللي كان بيسمعني وكان صاحبي يقوم يمشي ويسبنا بسببها وللاسف رغم كل اللي هي عملته عمري معرفت ادعي عليها لانها برضو ام عيال اخويا كل ده انا كنت بتكلم بيه مع نفسي في المواصلات ولما وقلت عند باب البيت اخدت نفس ورميت كل حاجه ورا ضهري ودخلت خبطت فتحتلي ساره
_اهلا
_اهلا بيكي ياسوو عامله ايه
_الحمدلله يا يسرا وانتي
_تمام
_طيب عن اذنك بقي انا داخله اوضتي ماما في المطبخ
_طيب ياحبيبتي ادخلي
اتنهد بخنقه مش عارفه اعمل ايه علشان اقرب منها المهم دخلت لماما لقيتها قاعده ومشغوله في الاكل وسرحانه روحت مزغزغاها
_يخرب عقلك يا يويا فجعتيني
_الله مهو انتي اللي سرحانه
_طيب ياختي تعالي بقي في حضني وحشتيني يابت
_انتي اكتر ياماما ياعسل انتي
_مكنتيش بتيجي ليه
_معلشي والله غصب عني كان عندي كليه ودراسه كتير
_ولا يهمك ياقلبي المهم انك بخير
_الحمدلله ياست الكل مالك في ايه
_دايخه شويه بس
_كده طب اقعدي انتي بقي استريحي وانا هكمل الاكل
_لا يابنتي تسلميلي انا هكمل الاكل
_اديكي قولتي بنتك يبقي تسبيني انا اعمل الاكل بقي
_ايوه بس
_مبسش بقي سبيني اخلص
_طيب ياستي هدخل انا اوضتي استريح شويه
_ماشي ياقلبي ادخلي
بجد انا بحب الست دي اووي المهم بعد ما مشيت فضلت انا اخلص الاكل وبعد مخلصته دخلت اشوفها لقيتها نايمه طلعت وكلمت اسلام واطمنت عليه وبعدها قولتله انها تعبانه شويه واني هخدها اكشف عليها كان عايز يجي بس انا اقنعته ان لو فيه حاجه هكلمك المهم خبطت علي ساره ولما فتحت لقيتها بتعيط واول مشافتني اترمت في حضني
_مالك ياقلبي بس في ايه
_مممممفيش
_لا طبعا فيه احكيلي انا اختك يا اسو
_طبببببب تعالي ندخل نقعد
_تعالي ياقلبي
المهم بعد مدخلنا وقعدنا
_ ها بقي مالك ياموزتي
_اصل صحبتي زعقتلي وقالتلي انها مش عاوزه تعرفني تاني وقفلت
_وهي صاحبتك تزعقلك ليه وتقولك كده ليه
_اصلها بتحب واحد قليل الادب وبيعرف بنات كتير قولتلها وهي مصدقتش فأنا كلمته وهددته اني هفضحه في كل حته وهروح اقول لأمه وخليته يبعد عنها وهي عرفت اني السبب فكلمتني زعقتلي وشتمتني وقالتلي كلام صعب اوووي يا يسرا
_ياقلب يسرا طب ممكن العسل ده ميعيطش علي انا قلبي بيوجعني عليكي لما بتعيطي ويلا بقي قومي اغسلي وشك وتعالي
_حاضر
وبعد ما جت قولتلها
_بصي ياقلبي مبدئيا ماما بره تعبانه فأحنا هنخدها ونطمن عليها بعدين نجيبها واستأذن اخوكي ونطلع علي البحر نتكلم اشطا
_اشطا يلا بينا
المهم صحيت ماما واخدتهم وروحنا للدكتور والدكتور قالنا ان ده ارهاق وكمان الضغط مش متظبط وكتبلنا علي كذا حاجه تظبطه وبعدها وديت ماما البيت وطمنت اسلام واستأذنته وروحت انا وساره علي البحر وبعد مقعدنا قولتلها
_بصي ياقلبي الصحاب حاجه جميله جدا بس مش اي حد نقول عليه صاحب مبدئيا انتي اخترتي الصاحب الغلط مش علشان عرفت الولد لا كلنا بنغلط بس علشان مش بتثق فيك ازاي انتي بقي بتثقي فيها وهي مش بتثق فيكي وفي حبك ليها دي واحده لما روحتي وقولتلها الكلام ديه وانه ولد بتاع بنات مصدقتكيش وكذبتك وكمان لما عرفت انك عنلتي كده علشان مصلحتها استغنت عنك بكل سهوله وشتمتك دي ازاي تتسمي صاحبه
_ايوه بس انا بحبها هي اللي كانت بتقولي اعمل ايه ومعملش ايه واحب مين واكره مين
_وانتي فين من ده كله فين رأيك انتي وفين قلبك وفين قرارك انتي نفسك فين مينفعش ياقلبي ميبقاش ليكي شخصيه كده وهي اللي تبقي متحكمه فيكي انتي ليكي عقل يفكر ويقرر
_ايوه بس انا بخاف اخد قرار ويطلع غلط بخاف اقول علي حد طيب ويطلع وحش
_حبيبتي انا عاوزاكي تاخدي قرار وتغلطي وتتعلمي وعايزاكي تتعرفي علي كله وهتقابلي الوحش والكويس مش انتي اللي هتقولي هو مين فيهم لا مواقفه معااكي هي اللي هتقول الشخص ده كويس ولا وحش
_طب ممكن تخليكي جمبي
_انا جمبك ياروحي ومعاكي وانا اختك عايزه رأي في اي حاحه تعالي قوليلي وهنخرج مع بعض كمان
_بجد انتي طيبه اووي انا افتكرتك جايه تاخدي اخويا مني
_حبيبتي اخوكي هيفضل طول عمره اخوكي محدش يقدر ياخده منك
ساعتها التليفون رن فقولتلها بضحك_شوفتي اهو جه علي السيره اهو
_الو
_ايه ياحبيبتي انتو قاعدين فين علي البحر
_في بير مسعود
_تمام خمس دقايق وهكون عندكم
_ماشي حبيبي
وقفلت معاه ساعتها ساره قالتلي
_هو جاي
_اه خمس دقايق وهيكون هنا
_طيب ممكن متقلهوش حاجه
_اطمني مفيش كلمه قولتيها حد هيعرفنا غيرنا ومفيش اي كلمه هتقوليها وبرضو حد هيعرفها غيرنا
_طيب مقولتليش اعمل ايه مع صحبتي
_منا قولتلك دي اختيار غلط اصلا واكيد طالما اختيار غلط يبقي لازم تبعدي عنها امسحي رقمها وامسحيها من عندك فيس وواتس وكله وشليها خالص من حياتك علشان دي متستاهلش تبقي صحبتك اصلا الصحاب سند وضهر مش تحكم وقلة ثقه
_عندك حق فعلا هعمل كده هاتي رقمك بقي
_هاتي فونك
_خدي
اخدته وكتبت رقمي وسجلته كمان وبعدها ادتلها فونها
_مش هتاخدي رقمي
_معايا ياقلبي انا كنت اخداها من اسلام
_انا جيييت
_نورت بير مسعود
طبعا ده اسلام اللي جه سلم عليا وباس ساره وقعد معانا نهزر ونضحك كتير اووي وجبلنا حاجات حلوه وحقيقي انا وساره اتقربنا جدا من بعض المهم بعد روحنا اكلنا وبعدين اسلام روحني بيتي وعدت شهور وحددنا معاد الفرح وفي الشهور دي اتقربت انا وساره لدرجه انا عمري متخيلتها وحكتلها كل حاجه عني وهي حكتلي كل حاجه عنها وساره بقي ليها شخصيه لما بعدت عن صحبتها وبقت هي صاحبة قرارها مش حد غيرها وجه معاد الفرح وحقيقي ساره كانت في الفرح مش اخت العريس بس لا كمان كانت اخت العروسه المهم الفرح عدي بسعاده علينا كلنا وبعدها خرجنا كلنا انا واهلي واهل جوزي واسلام جوزي طبعا وبعدها روحت انا واسلام علي شقتنا وتاني يوم سافرنا مطروح وقضينا شهر العسل في حب وسعاده اسلام فعلا هو الراجل اللي تتمناه كل بنت هو هديه من ربنا ليا وهو احلي في حياتي هو فعلا الراجل اللي يستاهل اني اتعب علشانه هو الراجل الوحيد اللي يستاهل حبي المهم رجعنا من شهر العسل ونزل هو الشغل وروحت انا علي بيت اهله وقعدت معاهم واخدت ساره وخرجنا نتفسح وبعدها روحنا وحوزي جه واتغدينا وروحت علي بيتي وكل يوم كانت ساره بتيجي تقضي معايا اليوم بقينا بجد زي تؤام منقدرش نستغني عن بعض ابدا وعدت شهور كتير وجبت تؤام وسميتم ساره واحمد وبجد ساره احن عمه انا شوفتها في حياتي هي اللي بتشليهم معايا وهي اللي ربيتهم معايا هي امهم التانيه واختي اللي مجبتهاش امي واخت جوزي هي حاجات كتييير اووي بالنسبالي من غيرها حياتي ميبقاش لها طعم وبالنسبه لأخويا فأنا سمحته اصل قلب الاخت ميقدرش يشيل فأنا سامحته وبكلمه لاكن برضو جوايا زعل منه بس خلاص بقي انا مليش غيره مهما يعمل هفضل احبه وهفضل استحمله ومراته مليش اي علاقه بيها حتي في المناسبات بنتكلمش مع بعض وكده احسن كتير وعياله عارفني وبيحبوني بس للاسف مش متعودين عليا اوي لانهم مش بيشفوني كتير كان نفسي ابقي ام تانيه لبهم بس الحمدلله علي كل حال المهم عندي انهم يعرفو اني بحبهم اووي وعمري ما ظلمت امهم ودي حاجه هيعرفوها اكيد مع الزمن
وكده خلص الاسكربت 14 يارب يكون عجبكم ومستنيه رأيكم فيه ❤❤بجد كل واحد بيقول كلمه حلوه بقوله شكرا جدا لان كلامكم ده حقيقي بيشجعني وبيفرحني جدا
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
