اسكربت جديد
ج 2 والاخير
نزلت الدموع من عينها بتأنيب ضمير عاشت فيه من يوم ما مشيت سلمي من البيت وابنها الكبير طلق مراته وسافر بره البلد وكل ده خلاها تتعب بالشكل ده بس رغم كل اللي حاسه بيه اللي طلع من بوقها_عايزه اشوف احفادي
_لا
_علشان خاطري يابنتي ميحرمنيش منهم
انا عارفه اني كنت وحشه معاكي واذيتك كتير بس بلاش عقابك ليا يبقي جرماني من احفادي
_حضرتك فهمتي غلط ياطنط انا اكيد مش همنع عيالي عن جدتهم
ومهما تعملي عيالي هيفضلوا احفادك دي حقيقه انا مش هقدر اغيرها ابدا
_امال ليه مش عايزه تجبيهم علشان اشوفهم
_لان يزيد مش هيتحمل ده دلوقتي علي الاقل لما يكمل علاجه
قالتلها بخوف _علاج ايه هو ماله حفيدي
_حفيدك مدمر نفسيا وده كان بسببكم للاسف ومن ساعة ما اطلقت من ابنك وانا بعالجه
اسبوع ان شاء الله ويكون خلص علاجه وساعتها هقنعه واجبهولك هو وزياد
هزت الجده رأسها بتعب وقالت _طيب ممكن ا
قاطع كلام جدة الاطفال دخول سليم ابنها اللي قال بهدوء_الف سلامه عليكي ياست الكل
_الله يسلمك يابني
انت مش عارف دي مين
دي سلمي مرا قصدي طليقتك
بص سليم لسلمي بحزن فبصتله بثقه وقالت_انا هسيب حضرتك مع ابنك ولو احتاجتي اي حاجه دوسي علي الزرار اللي جنب السرير هجيلك
عن اذنكم
خرجت سلمي من الاوضه قبل متسمع اي رد وقلبها بيدق جامد اصل مهما يعمل هيفضل حبيبها اللي استحملت كتير علشانه وابو عيالها كمان
اتنهدت بحزن وبقرار مش هترجع فيه مهما قلبها حن مش هترجع له برضو هي هتعيش بقيت حياتها تربي عيالها وبس
بعد ما خلصت شغلها عدت علي جدة اولادها لقيتها نامت اتأكدت انها متغطيه كويس ومشيت وروحت علي بيتها
واول ما وصلت دخلت اوضة عيالها لقت يزيد قاعد علي التاب وزياد بيلعب لوحده
واول مشفوها طلعوا يجرو عليها واترمو في حضنها ففضلت تحضنهم وتبوسهم وبعدها قعدت علي السرير وقعدتهم قدامها وقالت بهدوء فيه نبرة حنان_عايزه اقولكم ان بابي رجع
زياد فرح جدا وقام حضنها وفضل يبوسها وهو بيعبر عن فرحتة برجوع باباه اخيرا اما يزيد بقي فا وشه اتقلب وفضل ساكت لحد ما زياد راح يكمل لعب وسابهم ساعتها بس قال بدموع حاول حبسها_مامي مترجعيش لبابي بليز انا مش عايز اشوفك بتعيطي تاني ومش عايز بابا ونانا يزعقولك بليز يامامي
حضنته سلمي بحب وحنان وقالتله_حبيبي انا مش هرجع لبابي واللي حصل زمان كان سوء تفاهم وهما دلوقتي عرفوا غلطتهم واعتذرولي وانا خلاص مش زعلانه ووعد مني ان اللي فات ميتكررش تاني ابدا
هز يزيد رأسه ببعض الاقتناع وقالت بهدوء_طيب يامامي
_دلوقتي بقي نانا تعبانه وعاوزه تشوفك انت وزياد فأنا كمان اسبوع لما نمشي من عند الدكتور هنروحلها
_طيب ليه منروحش بعد بكره كده يامامي
_علشان انتم وراكم مدرسه ودراسه
_لا بعد بكره اجازه من كل حاجه
هزت سلمي رأسها بالموافقة وقالت بمرح_من عيوني الاتنين يا استاذ يزيد هنروح بعد بكره تعالوا بقي ساعدوني في تحضير الاكل علشان بعدها نصحي تيتا وجدو
هز يزيد راسه بالموافقه وقام وراها وقال لزياد ودخلوا معاها المطبخ وفضلوا يساعدوها وهما بيحضحكو وبيهزروا كتيرر لحد ما خلصوا
وقعدوا ياكلوا وعدي اليوم واليوم اللي بعده وجه اليوم اللي هيروحو فيه لجدتهم
فأخذتهم سلمي وراحو للدكتور وبعد ما خلصوا طلعوا علي المستشفي اللي فيها جدتهم
ولما وصلوا دخلوا الاوضه بتاعت الجده علطول وطبعا اول ما دخلت اتفاجأت بوجود سليم ومعتز اخوه ومراته اللي بطنها قدامها وباين انها هتولد قريب
العيال وقفوا ساكتين لحد مااستوعبو اللي بيحصل فقال زياد بفرح_مين فيهم بابي انا مس فاكره
شاورت سلمي بهدوء علي سليم فجري زياد بقوه عليه واترمي في حضنه فحضنه سليم جامد وفضل يبوس فيه
اما يزيد ففضل واقف يتفرج وهو ماسك ايد سلمي وبيضغط عليها ولما خلص باباه مع زياد بصله وقاله بحنان_مش هتيجي تسلم علي بابي يايزيد
بص يزيد لمامته بتردد بس هي هزت راسها بتشجيع له علشان يروح فراح بتردد واول ما وصل عنده سليم شده جامد لحضنه وفضل يبوسه ويقولوا اد ايه وحشه
في اللحظه دي سلمي ندمت انها بعدت عيالها عن اهلهم مهما يعملوا فيها هي هيفضلوا اهلهم وده هيفضل باباهم مهما حاولت تنكر ده
فضلت واقفه وبتهز رأسها بتشجيع ليهم علشان يسلموا علي اهلهم واتفاجأت بيزيد بيحضن معتز جامد ومتردد يروح يسلم علي جدته عرفت كويس ان اللي حصل هيفضل مأثر حتي ولو شويه واقتنعت ان دي غلطتها هي لانها سكتت علي الوضع ده من الاول وسابت ابنها يدمر نفسيا ولولا انها بعدت قبل ما التانى يكبر كان زمانه هو كمان ادمر نفسيا حمدت ربنا انها قدرت تنقذ حد من عيالها علي الاقل للاسف هي كانت مفكره انها كده هتحافظ علي عيالها لكن مكنتش تعرف انها كده بدمرهم مش بتحافظ عليهم كان لازم من الاول خالص تقوي نفسها وتاخد القرار وتبعد عن العيله دي وتغور العيشه اللي يكون فيها ذل مهما كانت اسبابها هي تستاهل تعيش بكرامتها وتربي عيالها صح مش تسيبهم في بيئه هتخليهم يطلعوا غير سويين نفسيا
فاقت من تفكيرها على صوت سليم وهو بيقولها_مترجعيلي ووالله انا اتغيرت بجد
بصت له بتفكير قبل متقول بقرار واثق_انا اسفه ياسليم بس انا مش هرجع حتي لو انت اتغيرت فأنت اتغيرت لنفسك ولأولادك لكن انا لا
انا قررت اني هعيش باقي عمري لعيالي وبس
_انتي ليه مش عايزه تديني فرصه تانيه
_علشان صدقني انا مبقاش عندي حاجه ادهالك
كل حاجه عندي انت اخدتها لغايه مخلاص مبقاش عندي حاجه تانيه افكر اديهالك
_يابنتي سامحيه واديله فرصه وهو هيعوضك عن كل حاجه اديتهالوا
_انا اسفه ياطنط بس انا مش هقدر
و علفكره انا مسمحاه مش علشانه علشان عيالي لكن اكتر من كده مقدرش
انا هروح اشوف بقيت شغلي ولو احتاجتم حاجه رنو الجرس
بصت لمعتز ومراته وهزت راسها بأبتسامه وقالت_سعيده اني شوفتكم وربنا يقومك بالسلامه ياحبيبتي
انت تستاهل كل خير يامعتز
ابتسم معتز ومراته لكلامها وهزو راسهم بأبتسامه فقالت موجهه كلامها لعيالها_ خليكوا قاعدين هنا مع بابي ونانا وعمو وطنط وبلاش شقاوة ولو عوزتو اي حاجه انت عارف انا هبقي فين يازيدو
هز رأسه يزيد بالموافقه وقال زياد بشقاوه_علفكله بقي يامامي احنا هاديين خالص
ابتسمت سلمي بحب وقالت وهي بتبوسه_اهو انا مش خايفه غير منك انت ياهادي انت
ابتسم زياد لكلامها وباسها من خدها فبصتله بحنان وباست يزيد من راسه وخرجت وهي عماله تفكر في قرارها ومحتاره في اللي عملته محتاره هل هي صح ولا غلط في قرارها سليم كان يستاهل ياخد فرصه تانيه ولا لا فضلت تكمل شغلها وفي وقت وهي ماشيه سمعت صوت من اوضه فاضيه وغالبا مبيبقاش فيها حد فأستغربت الصوت ده ودخلت بس اتصدمت من اللي شافته شافت طليقها في حضن ممرضه من اللي بيشتغلوا في المستشفي معرفتش تقول ايه بس طلعت تجري علي مكتبها وفضلت تعيط وتأكدت ان قرارها هو الصح وانه ميستاهلش فرصه تانيه ولا كان يستاهل فرصه اولي حتي
اتفاجأت بيه بيدخل ووقف قدامها وفضل ساكت فقالتله بسخريه_ايه القطه اكلت لسانك ولا جيت هنا علشان تتفرج عليا
واضح اوي انك اتغيرت بصراحه
_انتي مش مراتي علفكره
_ولا عمري هبقي مراتك تاني واذا كان فيه واحد في الميه اني افكر ارجعلك بعد اللي شوفته ده بقولك انسي ياسليم انسي اني افكر حتي ارجعلك
ده انت وصلت بيك للزني انت عملت كابيره من الكبائر ربنا يسامحك بجد ويهديك
ودلوقتي حالا اتفضل من هنا انا مقروفه حتى اتكلم معاك
_طيب ارجعيلي وانا هبطل كل ده
_ده في احلامك ده انا مصدقت ابعد عنك عايزني ارجع للجحيم برجلي
اتفضل اطلع بره
_براحتك انتي الخسرانه
بصيت في اثره بعد ما مشي وهي مصدومه منه ومصدومه اكتر من نفسها علشان فكرت في لحظه انها ترجعله بس بعد اللي شافته اتأكدت ان قرارها هو الصح ليها ولعيالها
فضلت قاعده شويه وبعدها مشيت وراحت عند جدة عيالها ملقتش حد غير العيال عرفت ان الباقي مشي فقعدت قدامها وقالت بحزم_زياد يزيد اطلعوا استنوني بره في مكتبي
فضلت ساكته لحد متأكدت من مغادرة عيالها للاوضه وقالت بجديه_بصي ياطنط اذا كان علي اللي انتي عملتيه فيا فأنا مسمحاكي لكن لو بجد حضرتك اتغيرتي ابعدي ابنك عني
انا هاخد عيالي وبابا وماما وهنسافر عند عمتو في اسكندريه وهنعيش هناك خلي ابنك ينساني وينسي عيالي وحضرتك لو عوزتي تشوفيهم اتصلي بيا وانا هسافرلك واجيبهملك لحد عندك ولو باباهم عايز يشوفهم يكلم بابا ويبقي يجي يشوفهم
لكن اكتر من كده انا مش هقدر اعمل ابنك صفحه واطوت بالنسبالي
ابتسمت الجده بتعب وقالت_انتي بنت اصول يابنتي وخساره في ابني بس صدقيني الذنب مش عليه الذنب عليا انا انا اللي معرفتش اربي
بس اسلام فاق من كلامك وطلق مراته وسافر وبيشتغل من سنه بره مصر وكلمني وبيطمن عليا ديما وقالي انه اتغير بجد واتجوز كمان وهيعيش هناك وطلب مني اسافرله واعيش معاه لكن سليم متغيرش للاسف ورغم انه ابني بس هو فعلا ميستاهلكيش ولا انتي ولا عيالك
انا قلبي ارتاح لما انتي سامحتيني ومش هطلب منك اكتر من كده روحي يابنتي وخدي عيالك انجي بيهم من انهم يطلعوا شبهه ابني لان عيالك يستاهلوا انهم يطلعوا رجاله بجد يكفي انك انتي امهم
وبالنسبه ليا فأنا هسافر لأسلام وهعيش معاه هناك واطمني سليم عمره مهيسأل علي عياله علشان ابني مش همه غير نفسه وبس
ملقتش كلام تقوله غير انها تقوم وتبوس راس الست دي وتقولها بحنان_لو حضرتك احتاجتي اي حاجه رني بس عليا وانا عمري مهتأخر عنك
عن اذنك هروح اقدم استقالتي
ابتسمت الجده لها وقالتلها_روحي يابنتي ربنا يعوضك خير في اولادك
مشيت سلمي وراحت قدمت استقالتها وروحت علي بيتها مع عيالها وقالت لأهلها علي قرارها واتفاجأت بيهم انهم وافقوا بسرعه وقرروا كلهم يسيبو القاهره ويعيشو في اسكندريه
وبعد يومين سافرت سلمي وعيالها وباباها ومامتها علي اسكندريه وقعدوا في شقه ملك لعمتها في نفس العماره اللي عمتها ساكنه فيها وبقت تدفعلها اجار ليها ونزلت دورت علي شغل في مستشفي وعاشت علشان تربي عيالها وبس
ربتهم علي طاعة الله خليتهم يحفظوا كتاب ربنا من وهما صغيرين وفضلت فخوره بيهم وبتربيتها ليهم لانها طلعتهم رجاله بجد
وعرفت ان حماتها سافرت وعاشت عند اسلام لحد ما توفت وعرفت برضو ان سليم اتجوز ومجاش يسأل علي عياله ابدا علشان هو هيفضل زي مهو مش هامه غير نفسه وبس
وبعد سنين كتير كان يوم تخرج ابنها زياد من كلية الطب راحت بكل فخر ومعاها ابنها الكبير الرائد يزيد ومرات ابنها وحفيدتها
مرات ابنها اللي كانت بنت ليها بجد وهي اللي اثرت تعيش جنبها علشان تخلي بالها منها بعد ما كبرت وكل يوم مرات ابنها بتشكرها علي تربيتها لجوزها
واهو دارت الايام وبقت حماه ومرات ابنها بتخدمها بس الفرق كبير بينها زمان وبين مرات ابنها هي زمان كانت بتخدم حماتها بذل لكن مرات ابنها بتخدمها بحب ليها
وبرضو فرق كبير بينها هي وهي حماه وبين حماتها زمان
هي مش حماه هي ام تانيه بجد لكن حماتها زمان كانت حماه بمعني الكلمه بس رغم كل ده هي سامحتها من زمان لانها فعلا بنت اصول
وهي دلوقتي بجد فخوره بعيالها فخوره انها طلعتهم كده رجاله بجد واتخرجو من احلي الكليات
اول مدخلت لقت زياد ابنها بيقول كلمته فوقفت تسمع بس اتفاجأت بيه بيقول_اللي ليه الفضل في اللي وصلتله دلوقتي هي امي اعظم ام وست في الدنيا كلها
عايز اقولها انتي اللي ليكي كل الفضل للي وصلناله انا واخويا دلوقتي
شكرا ليكي لانك بجد اعظم ام في الدنيا
وعايز اقولك كمان اننا عمرنا مهنخليكي تندمي علي تضحياتك الكتير اللي ضحتيها علشانا
اطمني ياامي انتي ربيتي رجاله بجد
جري زياد عليها وباسها من راسها وفي نفس الوقت يزيد كمان باسها من راسها من الناحيه التانيه وقالوا هما الاتنين في نفس الوقت _شكرا يااعظم ام في الدنيا كلها
وبكده خلص الاسكربت ده وبتمني بجد يكون عاجبكم وفادكم ❤معلشي علي التأخير بس مكنش فيه وقت خالص علشان اكتب الجزء ده😍بحبكم في الله ❤5 اموااااااه ليكم ياحبايب منوشه😍واللي عاجبه الاسكربت ده يدخل في جروبي ويبقي من عيلتي الصغيره😍وجروبي اسمه اجمل الروايات المشوقه مع منة محمد ونور ميسره❤وبرضو بعتذر اني مش برد علي الكومنتات بس حقيقي مش لاقيه وقت خالص بس طبعا بقرأ كومنتاتكم وبفرح جدا بس بلاش تم و م والحاجات الغريبه دي قالولي رأيكم ولو عندكم نقد قولوه بس بأحترام طبعا ❤
دمتم سالمين ومتابعين😍
بقلمي/منة محمد (منووووشه)
أنت تقرأ
اسكربات بقلمي/menna Mohamed
Storie d'amoreاسكربات رومانسيه وكوميديه ودراميه هتعجبكم جدا ان شاء الله
