اسكربت ج2
بدأت منة التسميع والتحفيظ وشرح الايات ولما خلصت قعدت تلعب معاهم شويه وبعدين قامت روحت وهي في الطريق جالها تلفون من ليان فردت بمرح_ ليلووووو خير ايه اللي رماكي عليا
_ الحقيني بسرعه انا في مصيبه وريهام خبطتها عربيه وانا بجد مش عارفه اعمل ايه وهي بين الحياه والموت وانتي كنت قافله فونك ومكنتش عارفه اوصلك
_انا لله وانا اليه راجعون
قوليلي انتوا في انهي مستشفي
_ مستشفي****
_ تمام 10 دقايق وهبقي عندكم
قفلت منة مع ليان وهي بتحاول تمسك دموعها علي صحبتها اللي بتحبها رغم انها لسه عارفاها من سنه بس غاليه عندها اوي هي وباقي الشله هي لقيت الصحاب اللي بجد لما لقتهم هي عاشت طول عمرها يتغدر بيها من صحاب لحد ملقتهم وفكره انها ممكن تفقد تؤامتها فكره صعبة اوي عليها فضل تدعي ربنا طول الطريق لحد موصلت المستشفي وسالت علي مكان ريهام وطلعت الدور اللي موجوده فيه لقت الشله كلها ومامت ريهام موجودين اول مشافت موني مامت ريهام جريت عليها بسرعه واترمت في حضنها وفضلوا يعيطوا هما الاتنين والله حواليهم بيعيطو برضو وبعد شويه بعدت منة عن حضن موني مامت ريهام شويه وقالت بدموع مغرقه وشها_هي فين دلوقتي وعامله ايه
ردت تالا عليها بحزن_ من ساعة ما جت وهي في العمليات ولسه منعرفش اي حاجه للاسف ادعيلها
فضلوا كلهم قاعدين يصلوا ويدعو ربنا لحد ما طلع الدكتور من اوضة العلميات طبعا الكل جري عليه وفضلوا يسألوه بخوف عليها فرد الدكتور بهدوء_ متقلقوش الحمدلله انها جت علي اد كده هي بس حصلها مشكله في رجليها ومش هتعرف تمشي لحد متتعمل عمليه بس العمليه دي محتاجه فلوس وللاسف الامكانيات هنا مش هتساعدنا نعملها هنا فهي هتتعمل بره مصر
انصدموا كلهم من الخبر ده وفضلوا يعيطوا فقالت موني بقوه _ بس يابت انتي وهي الحمدلله علي قضاء ربنا كل اللي يجيبه ربنا خير وده اختبار من ربنا لينا روحو صلوا وادعولها
الكل وافق علي كلامها وراحوا يدوروا علي مكان يصلوا فيه وهما ماشين سمعت منة صوت الدكتور بيتكلم عن عملية لطفل صغير مبلغها مش كبير بس للاسف اهله مش هيقدروا يدفعوا المبلغ ده ساعتها افتكرت
حديث الصحيحين في الكسوف قال فيه: فإذا رأيتم ذلك فادعو الله وكبروا وصلوا وتصدقوا
قال ابن دقيق العيد في شرحه: وفي الحديث دليل على استحباب الصدقة عند المخاوف لاستدفاع البلاء المحذور
وكمان قول شيخ الإسلام: الدعاء سبب يدفع البلاء، فإذا كان أقوى منه دفعه، وإذا كان سبب البلاء أقوى لم يدفعه لكن يخففه ويضعفه، ولهذا أمر عند الكسوف والآيات بالصلاة والدعاء والاستغفار والصدقة
كل ده خلاها تفكر انها تساعد الطفل ده وفعلا قولتلهم يروحو يصلوا وهي هتروح تعمل حاجه مهمه وراحت عند الدكتور وقالتله انا عايزه تدفع فلوس عملية الطفل ومش عايزه اهل المريض يعرفو وفعلا راحت جابت الفلوس من الخزنه اللي في بيتها بعد ما قالت لبااباها علي اللي حصل ريهام وجريت علي المستشفي ودفعت الفلوس ساعتها حسن براحه ان ربنا هيجبر بخاطرهم ويشفي ريهام ويخليها تمشي علي رجليها لما حصلت راحت للأوضه اللي فيها ريهام كانت لسه مرحتش فقعدت لحد محسو بيها بتبتدي تفوق ساعتها كلهم اتجمعوا حوليها وبعد دقايق فاقت ريهام وبصت لهم بأستغراب وقالت_ هو ايه اللي حصل
ردت عليها مريم بحزن_ قدر الله وما شاء فعل ياقلبي انتي عملتي حادثه
بصت لهم ريهام بشك علي تعابير وشهد فقالت_ في ايه تاتي مريم مقالتوش
حاولت منة تهدي نفسها وبعدها ردت عليها بقوه_انتي عارفه كويس ياريم ان ربنا بيختبرنا وان ربنا اذا احب عبدالله ابتلاه علشان كده لازم نبقي راضين علي ابتلاءه ونصيب عليه و صدقيني ربنا هيجبر بخاطرنا واللي حصل انك مش هتعرفي تمشي الا لما تعمل عمليه بره مصر
فضلت ريهام ثواني تستوعب الصدمه وبعدها قالت بابتسامه_ قدر الله وما شاء فعل الحمدلله انها جت علي اد كده ومتقلقيش يامنوشه انا قويه وراضيه جدا بقضاء ربنا
_ ايووه بقي هي دي رماريموووووووووووووووووووووو حبيبتي
فضلوا قاعدين معاها ونادو الدكتور وطمنهم عليها وقالهم يمشوا لان مش هينفع حد يبات معاها غير واحده بس وطبعا الواحده دي كانت مامتها
لما روحو كلهم نامو من كتر التعب وتانى يوم صحيو قالوا انهم هيعملوا ورديت كل يوم اتنين يروحو الجامعه والاتنين التانين يبقو في المستشفي واليوم التانين العكس وفضلوا علي الحال ده ومنة طبعا مكنتش عارفه تروح الدار لانهم كانو بيحاولوا يجمعوا فلوس بأي طريقه وجمعوا نص الفلوس تقريبا وللاسف مش عارفين يجمعوا تاني لحد ما الدكتور استدعي منه لانها المتابعه معاها اول بأول وقالها ببتسامه_ انتم ربنا بيحبكم اوي بجد الدكتور اللي بيعمل العمليه دي في المانيا قرر انه يعمل 10 عمليات بنص الثمن وانا بعتله الملف بتاع صاحبتك ووافق انها تبقي من العشره ومن بكره هيبدأ اجراءات السفر
ردت منه بعدم تصديق_ بجد الحمد والشكر ليك يارب
الحمدلله حمدا كثيرا طيبا مباركا فيه
انا هروح افرحهم
طبعا منة معدتش الدكتور فرصه انه يرد عليها وطلعت تجري علي اوضة ريهام وقولتلها الخبر والكل سجد لله شكر وسط فرحه كبيره اوي ولسانهم موقفش الشكر والحمد لله
منة قالت ان ربنا هيجبر خاطرهم وفعلا ده اللي حصل ربنا عند حسن ظن عبده بيه ان كان خيرا فله وان كان شرا فله
طبعا ريهام سافرت وعملت العمليه بس النتيجه مش هتظهر من تاني يوم اكيد وصلوا كان علي اعصابه في مصر لان محدش سافر مع ريهام غير مامتها ومنة بس ولما جه معاد انهم يعرفوا النتيجه كان الكل علي اعصابه وطبعا اول من عرف النتيجه كانت منة وموني واتصدموا جامد لما شافو النتيجه لان النتيجه كان ان عملية ريهام تنجح ومن هنا بدأت شقاوة منة ترجع من تاني وكلمت البنات في مصر وقالتلهم ان العمليه فشلت طبعا الكل هنا زعل جامد بس اتفاجؤ طبعا لما رجعت ريهام وكانت ماشيه علي رجليها بس ساعتها نسو اي مقلب وفرحو جامد اوي بنجاح العمليه بس ده ممنعش طبعا انهم اول متجمعو في البيت اتلموا حوالين منة وفضلوا يضربو فيها ويهزرو واخيرا ارتاحو وبعد مخلصوا هزار وضرب في بعض قالت منة بغمزه_ الست هانم راحت المانيا تتعالج رجعتلنا بعريس ياعيال
صرخو كلهم بحماس فقالت ليان بفضول_قولي قولي قولي يلا ايه الحكايه عريس اايه ده يابت
قالت منة برخامه_ هتقولي ولا اقول انا يا باشا
ضحكت ريهام جامد وقالت بكسوف _قولي انتي
ضحكت منة وقالت_ ده من امتي ده بقي ريهام بتتكسف لا لا مش مصدقه
ريهام ضربتها في كتفها فقالت منة بضحك_ خلاص هسكت اهو عشاان احكي اللي حصل
بصو بقي لما روحنا هناك كان فيه دكتور مساعد للدكتور الكبير اللي عمل لريهام العمليه المساعد ده بقي اعجب بريهام جامد وطلب ايديها من دون وقالها انه هينزل يستقر في مصر قريب شوفتو بقي الهانم رايح تتعالج رجعالنا بعريس بقي هي دي تربيتي برضو
الكل ضحك عليها وقالو بحماس_ هيييييييه يعني هنبقي اخوات العروسه لتاني مره ايووووووه بقي
فضلوا يهزرو ويضحكو لحد ما كل بنت روحت بيتها عند منة باباها وقفها وقالها_منوشه مقولتيش رأيك علي اسر موافقه ولا لا الراجل كل شويه يكلمني ويسأل علي رأكيك وطبعا احنا كنا مأجلين الموضوع ده علشان ريمو بس طالما قامت بالسلامه يبقي تقولي رأيك بقي
_ انت زهقت مني ياابو صلاح ولا ايه لا بقولك ايه انا قاعده علي قلبك حتي لو اتجوزت
ضربها علي دماغها وقالها_ بس ياهبله انتي ده انتي نور عيوني بس عايز اطمن عليكي
_ طيب ياحاج انا صليت استخاره ومرتاحه بس طبعا لازم اقعد معاه واشوف دماغه
_تمام ياحبيبتي هكلمه اقوله يجي بعد بكره لان طبعا بكره عندك حلقه في دار التحفيظ
_ تمام ياابو صلاح
باسته من خده ودخلت اوضتها وغيرت هدومها وفتحت انت وكتبت علي الفيس واستوري علي الواتس _ ما احلي الحلال الذي يكون تحت رضا الرحمن وبمشاركة الفرحه مع االاهل والاصدقاء اللهم ارزقنا الحلال اللهم ارزقنا الزوج الصالح اللهم ارزقنا هذه الفرحه
وبعدها شافت بوست عجبها اوي راحت كتباه ومنزلاه_الي زوجي المستقبلي 😍بص ياابني 🤣انت ربنا بيحبك❤قولي ليه💃لان ربنا اذا احب عبدا ابتلاه🤣وانا اكبر بلوه هتكون في حياتك ياسطا🤣💃بكلمك بجد وربنا
ماتش دقيقه منزله البوست ده ولقيت كل صحابها داخلين يقولو اه والله فعلا ربنا يكون في عونه🤣🤣راحت اخدت الردود اسكرين تنزلها وكتبت وفوقيها حب الناس ده نعمه 🤣🤣الله عليا وانا محبوبه ومشهورة💃🤣
طبعا كله فضل يضحك وبهزر لحد منامو وطبعا قبل متنام قامت وصليت قيام الليل 11 ركعه هي الحمدلله منتظمه عليهم وطبعا ممكن يقلو او يزيدوا ويفضل اول متبدئي اصلي قيام الليل تبدئي بركعتين بس علشان متزهقيش او تحسيها تقيله وبالتدريج تزيد صلاة القيام بتبقي ركعتين ركعتين بس 11 ركعه العدد اللي كان بيصليه الرسول صلي الله عليه وسلم وطبعا قيام الليل مش شرط بالصلاة ممكن بقراءة القرأن او بذكر ربنا او بالاستغفار بس هي اتعودت تقيم الليل بالتلاته بتصلي الاول وبعدين تقرأ قرأن بعدين تفضل تذكر ربنا وتستغفر وتصلي علي النبي وطبعا ببيفضل تقيمي الليل في الثلث الاخير من الليل اللي هو تقريبا من 1 لحد قبل الفجر وبعد مخلصت نامت وطبعا قالت لبااباها يصحبها قبل الفجر علشان تتوضي وتقرأ قرأن لحد ما الفجر يأذن وكذلك عملوا كل البنات ما عدا ليان لان ليان اتفاجأت بمفاجأه لحد دلوقتي مش عارفه تتقبلها
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
