اسكربت ج4
اما بقي مريم انا روحت بيتها لقت العيله كلها مجتمعه قعدت معاهم وفضلت تضحك وتهزر لحد ما سمعو صوت طفله من العماره عماله تعيط وتصرخ اتفاجعو كلهم وطلعوا يجرو علي الشقه اللي جي منها الصوت وفضلوا يخبطو جامد جدا لحد مفتحتش لهم واحده كده ماسكه خرطوم مريم متحملتش الفكره نفسها وزقتها ودخلت لقت طفله صغيره عندها تقريبا 4 سنين عمال اعيط جامد وجسمها عليه اثار حرق وضرب بالخرطوم مريم متحملتش شكلها قعدت تعيط واخدتها في حضنها وفضلت تطبطب عليها لحد محست ان عضلات البنت ارتخت خالص فبصت علي وشها لقتها فقدت الوعي شالتها بسرعه وهي مش عاطيه اهميه لأهلها ولا حتي لمامت الطفله الفاقده للوعي وطلعت بيها علي اقرب مستشفي واهلها وراها طبعا لكن الست ولا اتحركت حتي
مريم لما وديتها المستشفي فضلت واقفه مستنيه الدكتور يطلع يطمنها وقلبها بيوجعها علي الطفله دي
وفعلا ب ما عدي نص ساعه خرج الدكتور وهو متعصب جامد وقالها بزعيق_ مين عمل في البنت كده حرام عليكم انتم معندكمش رحمه بتعملوا في الاطفال كده ازاي
_مش انا واالله منا ده انا اللي انقذتها من الست اللي عملت فيها كده
_احكيلي ايه اللي حصل
_انا كنت قاعده عادي مع اهلي وسمعنا صوت صريخ في لشقه اللي قدامنا طلعنا نجري عليها وفضلوا نخبط لحد مفتحت لينا ست كده وفضلنا سامعين صوت الصريخ زقتها خلت لقيت الطفله دي عماله تصرخ من ضرب الخرطوم ولقيت جسمها مليان حروق حضنتها وبعد محضنتها لقيتها فقدت الوعي
_انا بلغت البوليس وطبعا لازم تقولي اقوالك دي تاني بس انا عايز افهم الست دي مامتها ولا تقربلها ايه
ساعتها اللي رد كان اخت مريم_ لا مش مامتها اللي اعرفه انها تبقي خالتها واخداها من ابوها علي اساس انها هترعاها وهتاخد بالها منها لان اختها متوفيه
_ اايه ده هو فيه خاله بالشكل ده دي اتنزع من قلبها الرحمه بجد حرام
_ فيه اكتر من كده كمان يااستاذه ربنا يرحمنا برحمته
و علفكره الجيران كمان مشتركين في الجريمة دي لانهم اكيد كانوا بيسمعو الصريخ ده ومكنتش بيتحركو
_ فعلا معاك حق بس انا دي اول مره اسمع الصريخ ده
اخت مريم بصتلهم بقلق وقالت_بس انا اوقات كنت لكن كنت بقول مليش دعوه تلاقيها ام بتربي بنتها ولا بتضربها وخلاص
_ غلطانه غلطانه اوي كمان افرضي البنت جرلها حاجه كنتي هتجيلي ذنب سكوتك ده الساكت عن الحق شيطان اخرس
والتربيه مش بالضررب لان الضرب مبيربيش الضرب بيربي عقد الضرب بيخوف وبيرعب كفايه جهل بقي كفايه لازم نوعي الناس لازم الناس تفهم ازاي تربي عيالها من غير ضرب وزعيق وخوف التربيه اللي كلها خوف دي مترضاش ربنا ولا رسوله عليه افضل الصلاة والسلام ده الاطفال احباب الله
ده الحاله الوحيده اللي قال فيها الرسول اننا نضرب ولو الناس فهمت صح مش هضرب اصلا عارفين ليه لان الحديث بيقول
قال النبي صلى الله عليه وسلم(علموا ابناءكم الصلاة وهم ابناء سبع واضربوهم عليها وهم ابناء عشر وفرقوا في المضاجع)
فاهمين يعني ايه يعني مطلوب من كل ام تمسك ابنها من وهو عنده 7سنين تعلمه الصلاه وتحببه فيها وتشجعه وتعمله مكافأه وتكلمه عن ربنا وعن الصلاه وتحكيله قصص عن فوائد الصلاه وتقوليله كل صلاه وتشجعيه علشان يقوم يصلي معاكي يعني مفروض كل يوم هتقوليله 5 مرات في اليوم وتفضلي تعملي كده طول 3 سنين يعني استحاله بعد كل ميصليش ويبقي حابب الصلاه لا وكمان ساعتها الضرب ليه شروط معينه
تيجو انتوا بقي تضربوا وتحرقو وتعملوا اللي بتعملوه في عيالكم ده حرام عليكم بجد
مريم وهي بتقول الكلام ده عيطت جامد اوي قلبها وجعها علي الاطفال دول اللي ملهمش ذنب في الدنيا غير ان اهلهم معندهمش وعي ومعندهمش قلب
رد عليها الدكتور بحزن_ فعلا والله معاكي حق علي العموم الطفله هتفضل معانا يومين لحد منطمن عليها وعايزين حد يقعد معاها
_ انا اكيد هقعد معاها ومش هسيبها لحد ما اوديها لباباها
_ تمام البوليس جه اهو
جه ظابط وقرب منهم جدا وقال للدكتور_حضرتك اللي بلغت
_ اه يحضر الظابط حالنا حالة طفله متعذبه والاستاذه هتشرحلك كل حاجه
_تمام اتفضلي اشرحي
حكت مريم كل اللي حصل وهي بتعيط جامد لحد مقال الظابط_ ممكن حضرتك تهدي بس شويه علشان نعرف نتكلم
مسحت مريم دموعها وقالت_اتفضل حضرتك اتكلم
طبعا حضرتك لازم تيجي معانا علشان نقبض علي الست دي وعلشان تقولي اقوالك وتستدعي والد الطفله بس طبعا كل ده مش دلوقتي حاليا انا هروح اقبض علي الست دي وبكره تبقي عندي انتي و الطفله ان امكن وهكون استدعيت والد الطفله
اهم حاجه يادكتور نقدر ناخد اقوال الطفله
_ مش هينفع دلوقتي ياحضرة الظابط الطفله عندها انهيار عصبي ومش هتقدري تتحمل دلوقتي
في نفس الوقت الكل سمع صريخ الطفله من الاوضه ساعتها دخلوا كلهم جري واول واحد. اتصدم كان الظابط لان ببساطه الطفله الي حصل فيها كل ده تبقي بنته اول كلمه قالها _ملك
ملك مبصتلوش كان بصاتها كلها لمريم كأنها بتستنجد بيها من كل اللي هي عاشته كأنها اخيرا حست بالحنان من حد اخير لقيت حد انقذها من اللي هي كانت عايشه فيه ومن مين من اقرب الناس ليها من خالتها
مريم محستش بنفسها غير وهي بتجري عليها وتحضنها ساعتها بس ملك سكتت وهديت لانها لقت الامان في حضنها وساعتها بس سمحت لدموعها انها تنزل وفضلت تعيط جامد عياط يوجع القلب لدرجة انها خلتهم كلهم يعيطو عياطها كان بيعبر عن كل حاجه هي استحملتها عن كل وجع حست بيه وعن كل اه مقدرتش تقولها علشان خايفه من اللي المفروض انها خالتها
بعد شويه كتييير مريم رفعت راسها وسألته بأستغراب_انت تعرفها منين
_ للاسف انا باباها
_باباها ازاي يعني
_يعني انا باباها وكنت سايبها عند خالتها
_طيب لو سمحت سيبها ترتاح شويه وبكره نبقي نشوف الحل وتكلم معاها
_انا هبعت ظابط زميلي يقبض علي الزفته اللي عملت فيها كده وهفضل بره لو عوزتو اي حاجه نادي عليا
_تمام
_ وانتي ياحبيبه خدي بابا وماما وروحو
_ ايوه بس
_من غير بس لو سمحتو انا مش هسيبها لوحدها دلوقتي
وافقو ومشيت وفضلت مريم وملك بس في الاوضه وهي حضناها جامد لحد منامو
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
