_بابا بابا
_نعم ياحبيبي
_انا عاوز العب اللعبه دي وعايزك تركبها معايا
_طيب تعالي يلا بس ايه رأيك نقول لماما كمان تيجي معانا
_ماشي يلا
_ماما ماما
_نعم ياقلبي
_تعالي العبي معانا اللعبه دي
_لا حبيبي روح انت العب مع بابا
_يعني مش هتيجي
_مش قادره ياعصام روح انت العب معاه
_طيب ماشي
فضلت متبعاهم بعيوني لحد ما ركبو اللعبه فضلت اضحك وانا شايفه ضحكهم وسعادتهم وفي نفس الوقت بعيط لما بفتكر اني مش هفضل معاهم كتير ساعتها افتكرت يوم ما عرفت اني عندي كانسر كنت نازله راحه شغلي بعد ما وصلت ابني علي مدرسته ووقعت من طولي نقلوني الناس للمستشفي وهناك طلبو اشاعات وبعد معملتها مشيت وروحت تاني اخدت الاشاعه وطلعت علي الدكتور وهناك سمعت صدمة عمري وهي اني عندي كانسر مسمعتش اي حاجه بعدها وطلعت اجري واما بعيط روحت علي شقتي وفضلت اعيط اني خلاص هسيب ابني لوحده جوزي الراجل الوحيد اللي ملك قلبي وحافظ عليه هسبهم لوحدهم فوقت من تفكيري ده علي صوت عصام وهو بيقولي
_مالك ياحياه بتعيطي ليه حد زعلك
_مالك ياماما بتعيطي ليه انا زعلتك في حاجه
_لا ياحبيب ماما انت عارف انا مقدرش ازعل منك انا بس التراب دخل في عيني
_ماشي ماما انا هروح العب
_ماشي حبيبي روح
_مالك بقي
_مليش ياعصام افتكرت بس اللي حصل زمان
_طيب ممكن تبطلي تفكير في اللي حصل زمان بقي
_حاضر المهم روح يلا العب مع فهد
_علفكره انتي مش عجباني دي مش عادتك يعني انك متلعبيش معاه
_معلش مش قادره النهارده
_طيب ماشي هروح العب معاه علشان ميحسش انه لوحده
_ماشي
يااااااارب انا تعبت صبرني ياارب وقويني
وانا قاعده افتكرت ليلي اخت جوزي وصحبتي كلمتها وبعد السلام قولتلها
_ليلي انا محتجالك جمبي الفتره دي
_مالك في ايه
_مش هينفع الكلام في الفون محتجالك بجد
_حاضر ياقلبي بكره بالكتير وهكون عندك
_بجد ياليلي
_طبعا بجد ياحيااه انتي اختي قبل متكوني مرات اخويا
_هستناكي بكره
_متقلقيش هكون عندك
بعد مقفلت معاها ناديت علي عصام وفهد وقولتلهم اني عاوزه اروح وفعلا عصام اخدنا وروحنا ودخلت مع فهد اوضته بعد مغير هدومه اخدته في حضني لحد منام وقعدت ابصله معرفش ازاي الدموع نزلت من عيني بس كل اللي اعرفه اني لما بصتله قلبي وجعني اني هسيبه لوحده لما وصلت للتفكير ده فضلت احضنه جامد اووي وانا بعيط وفضلت علي الحال ده لحد مروحت في النوم
وتاني يوم صحيت ملقتش حد في البيت عرفت ان الوقت عدي وعصام اخد فهد وداه مدرسته فضلت قاعده لحد ما الباب خبط قومت فتحت لقيت ليلي قدامي اترميت في حضنها وفضلت اعيط وفضلت هي تطبطب عليا لحد مهديت شويه ودخلنا جوه
_مالك في ايه قلقتيني عليكي
_انا عندي كانسر
_ايه
_عندي كانسر ياليلي
_وانتي من امتي ضعيفه كده ياحياه ها لازم تقاومي الموض علشان ابنك وجوزك علشان هما محتاجنلك
_مفيش حد بيقاوم الكانسر
_مين قالك كده اراده ربنا فوق كل شئ وكتير بيقاومو المرض وبيهزموه كمان انا عمري مشوفتك ضعيفه مينفعش تيجي دلوقتي وتضعفي ده انتي يوم ما شالو الرحم منك مضعفتيش وحمدتي ربنا جايه دلوقتي وهتضعفي مش هسمحلك بكده اتفضلي قومي البسي هنروح للدكتور يلا
_حاضر
كنت متأكده انها بس اللي هتقدر تقويني المهم قومت لبست وروحنا عند الدكتور
_اذيك يامدام حياه
_بخير الحمدلله
_حضرتك المره اللي فاتت مشيتي علطول ومسمعتيش بقيت كلامي انتي فعلا عندك كانسر بس لو قاومتيه هتهزميه مش هكذب عليكي واقولك انه في اوله بس برضو احنا موصلناش للمرحله الاخيره وطول ما فيكي نفس تأكدي ان فيه امل
_انا مع حضرتك في كل حاجه بس مش هدخل عمليات
_اصلا حالتك مينفعش فيها العمليات مش هتستحمليها احنا هناخد كيماوي جاهزه
ليلي_هي جاهزه يادكتور وهتقاومه واول جلسه هناخدها دلوقتي لو مفيش مانع
_لا ابدا مفيش مانع تعالو معايا
قومت معاها ودخلنا علي الاوضه اللي شاورلنا الدكتور عليها لقيت ليلي بتقولي_هو عصام ميعرفش
_لا ومش عايزاه يعرف لو عرف هيدمر وهيسيب شغله وكل حاجه وهيفضل جمبي
_غلط غلط ياحياه عصام لازم يعرف
_بعدين ياليلي مش دلوقتي علي الاقل
_اللي يريحك
بعد شويه بدأنا الجلسه ساعتها بجد حسيت ان روحي بتروح مني ده الموت اهون مليون مره من الوجع ده اه ياااااااااااااااااارب بعد شويه لقيت عصام واقف قدامي ودموعه علي وشه جري عليا وخدني في حضنه وانا عماله بصرخ من الوجع لحد ما لقيت نفسي بنام نمت كتير اوي ولما صحيت لقيت نفسي في حضن عصام
_انا فين
_انتي في المستشفي ياقلبي
_مين قالك
_ليلي
بصيت لليلي بعتاب قالتلي_مينفعش مقولوش هو اكترواحد لازم يبقي جمبك في وقت زي ده هقوم اروح بقي علشان فهد
_خلي بالك منه
_متخافيش ده في عيوني
بعد ما مشيت غمضت عيني في حضن عصام ونمت تاني حاسه ان روحي تعبانه حاسه ان الجلسه دي اخدت جزء كبير من روحي بس لازم اقاوم مش علشان نفسي لا علشان جوزي وابني عدت حاولي سنه وشعري وقع خالص بس جوزي فضل جمبي فضل يدعمني ويقويني من غيره مكنتش هقدر استحمل كل الفتره دي بس بيه وعلشانه وعلشان ابني استحملت والنهارده اخر اشاعه هتطلع وهي اللي هتحدد اذا كان فيه لسه ورم ولا لا
عصام جاب الاشاعه وحاليا احنا قاعدين قدام الدكتور اللي رفع راسه بعد مشافها
_مبروووك يامدام حياه انتي فعلا هزمتي المرض والحمدلله الورم حميد مش خبيث
ساعتها بس حسيت بسعاده الدنيا كلها ولقيت دموعي نزلت بسعاده وشكر ربنا اني اخيرا اتغلبت علي المرض ده ولقيت عصام نزل علي الارض شكر لله واخدني في حضنه
_عصام وديني لأبني وحشني اووووي ياعصااام
_من عيوني ياقلب عصام مش انتي اللي كنتي بترفضي اجبهولك
_مكنتش عايزاه يشوفني وانا تعبانه كان كفايه عليا اسمع صوته
_طيب يلا قومي وحشتي بيتك تعالي نروح تستريحي وبكره نروحله
_لا انا عايزه اروحله دلوقتي
_طيب يلا
اخدني عصام وروحنا عند ليلي واول مدخلنا من باب البيت وفهد شافني حسيته مش مصدق وبعدها جري عليا وحضني وفضل يعييط
_حبيبي بس بطل عياط علشان خاطر ماما
_وحشتيني اوووي
_انتي وحشتني اكتر ياعمري صدقني والله كان غصب عني
_عارف بابا قالي انه غصب عنك بس متسبنيش تاني
_عمري مهسيبك تاني ياقلب ماما
قعدنا مع ليلي اللي في فرحت اووي برجوعي وحضنتني وفضلت تعيط قضيت اليوم معاها ومع جوزها وعيالها وبليل اخدت ابني وجوزي وروحنا بيتي ونام ابني في حضني وجوزي جه ونام جنبنا وبعد ما فهد نام
_انت عارف انت اجدع زوج في الدنيا كلها يكفي انك مسبتنيش طول فترة مرضي ولا في مره حسيتك زهقت مني انا بحبك اووي ياعصام
_وانا بعشقك ياقلب عصام مقدرش اصلا ازهق منك انتي بنتي واختي وامي قبل متكوني مراتي وام ابني الحمدلله انك رجعتلنا
_الحمدلله ان ربنا رازقني براجل زيك
نمت في حضنه وابني في حضني الناحيه التانيه ونمت واخيرا وانا حاسه بالامان والراحه كانت فتره صعبه جدا بس الحمدلله عدت علي خير وعلشان كده بقول لكل واحده ربنا بيختبرها الاختبار ده عافري وقومي وكملي واهزمي المرض علشان نفسك وعلشان الناس اللي بيحبوكي متستسلميش وبقول لكل بنت اختاري الراجل اللي يقف جنبك في مرضك وميزهقش منك بالعكس ده يقويكي انك تهزميه اختاري اللي يصونك ويحافظ علي قلبك صدقوني اختيار واحد غلط قادر يهدم ويدمر حياة ناس كتير علشان كده فكرو واختاروا صح
عدي سنتين علي اليوم ده وابني بقي عنده 10 سنين وفي يوم كنت في المطبخ لقيت جوزي داخل عليا ومعاه طفله صغيره بيبي متكملش شهرين استغربت وقولتله_اتجوزت عليا ياعصام
_ايه ياهبله انتي هو اللي يعملها مره هيعملها تاني ليه مستغني عن عمري انا
_امال مين دي
_دي طفله لقيتها الصبح وانا نازل فروحت القسم وقالولي ان مفيش اي بلاغ عن طفله بالعمر ده وفي نفس الوقت لقينا ورقه وقعت في هدومها فيه (انا معرفش مين هيلاقيها بس بتمني يكون حد محترم وكويس وياخد بنتي يربيها لاني اتجوزت في السر علشان اهلي كانو رافضين وخلفت وهو مات خلاص وانا مش هقدر اطلعها للناس انا اسفه عارفه اني غلطت لما وافقت علي الجواز ومفكرتش في العواقب بس اهم حاجه عندي ان الراجل الي هيلاقيها يخلي باله منها ومع الجواب ده ورق البنت اللي يثبت انها مش بنت حرام)
بس فلما قرينا الورقه طلبت من الظابط اني اتكفلها وكلمت جوز اختي مشالي الموضوع واتكفلتها عندك مانع
_انا بالعكس احنا نطول نبقي مع الرسول في الجنه
_كنت واثق من رايك
_وبما انها هتجوزلي لما تكبر انا هوديها لأختي ترضعها وكده هبقي محرم عليها وابني كمان هيبقي محرم بما انه راضع من عمته
_تمام كده
وفعلا جوزي اخدها وخلينا ليلي ترضعها وربيتها انا حقيقي حسيت كأنها بنتي اللي كنت بتمناها حتي فهد فرح بيها اووي وبقي بيخاف عليها وبيهتم بيها وعصام بقي بيعاملها علي انها جوهره ثمينه واتربيت وسطنا وفي حضننا لحد مكبرت وبقي عندها 18 سنه وكانت هي فرحة بيتنا وسبب ضحكتنا كلنا لحد ما جت ست في يوم وبتقولي انها بنتها
وبكده خلصت الجزء الاول من الاسكربت15
أنت تقرأ
اسكربات بقلمي/menna Mohamed
Romanceاسكربات رومانسيه وكوميديه ودراميه هتعجبكم جدا ان شاء الله
